نئی دلّی ،05 اپریل / بھارتی بحریہ کے جہاز  آئی این ایس ست  پورہ ( جس میں ایک ہیلی کاپٹر  شامل ہے ) اور آئی این ایس کِلتان پی 81 طویل فاصلے والے  بحری گشتی  طیارے    پہلی مرتبہ   کثیر جہتی  سمندری مشقیں  ، لا پیروس میں شرکت کر رہے ہیں ، جو 5 سے 7 اپریل ، 2021 ء کے درمیان مشرقی بحیرۂ ہند کے خطے میں  منعقد کی جا رہی ہے ۔  بھارتی بحریہ کے  سمندری جہاز اور طیارے  فرانسیسی بحریہ  ( ایف این ) ، شاہی  آسٹریلیائی بحریہ (آر اے این ) ، جاپان  بحری   خود حفاظتی  فورس ( جے ایم ایس ڈی ایف ) اور  متحدہ ہائے  امریکہ کی بحریہ  ( یو ایس این )  کے جہازوں کے ساتھ سمندر  میں تین  دن کی مشقوں میں حصہ لیں گے ۔

          فرانسیسی بحریہ  کی قیادت میں  لا پیروس  مشقوں میں   فرانسیسی بحریہ کے جہاز  ٹونیری  ،  ایک بحری جنگی جہاز اور  سرکوف  شرکت کر رہے ہیں۔  مشقوں میں امریکی بحریہ  کی طرف سے بحری ٹرانسپورٹ کا جہاز   سومر سیٹ  نمائندگی کر رہا ہے ۔   ہر میجسٹی آسٹریلیائی جہاز  ( ایچ ایم اے ایس )  ، اینزیک ، ایک جنگی کشتی  اور ٹینکر  سائرس کو آر اے این نے شرکت لے لئے مشقوں میں تعینات کیا ہے ، جب کہ جے  ایم ایس ڈی ایف کی نمائندگی ایک جنگی جہاز آکیبونو  کر رہا ہے ۔  ان بحری جہازوں کے علاوہ ، اِن جنگی جہازوں پر موجود  ہیلی کاپٹر وغیرہ بھی مشقوں میں  شرکت کریں گے ۔

          لاپیروس مشقوں میں  پیچیدہ اور  ایڈوانس بحری سرگرمیوں کو انجام دیا جائے گا ، جن میں  طیارہ شکن  جنگی  صلاحیت  ، ایئر ڈیفنس مشقیں  ، ہتھیاروں سے  فائرنگ کی مشقیں    ،  کراس ٹیک  فلائنگ آپریشن  ، جنگی حکمتِ عملی  کی مشقیں    اور  دیگر بحری مشقیں  شامل ہیں ۔

          ان مشقوں میں  دوست ملکوں کی بحری افواج کے درمیان اعلیٰ سطحی تال میل  اور ایک دوسرے پر انحصار  کرتے ہوئے   جنگی کاررائیوں   کی مشقیں کی جائیں گی ۔  مشقوں میں بھارتی بحریہ  کی شرکت سے    دوست  بحریاؤں کے درمیان   مشترکہ اقدار   کا اظہار ہوتا ہے ، جو سمندروں کی آزادی  ، ایک کھلے  اور شمولیت والے   ہند  بحرالکاہل سمندر اور ضابطوں پر مبنی  ایک  بین الاقوامی نظام   کے لئے عہد بستہ ہیں ۔ 

          ۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح  ۔ و ا ۔ ع ا ۔ 05.04.2021  )

U. No. 3394