نئی دلّی ، 30 مارچ / ڈی پی آئی آئی ٹی نے کاروبار میں آسانی  میں اضافہ کرنے کے پیشِ نظر اپنے انڈسٹریل  اینٹر  پرینیول میمورینڈم   ( آئی ای ایم ) پورٹل  کو جدید بنایا ہے ۔ یہ  جدید پورٹل  ایک کمپنی کے لئے  ، اِس کے تمام مقامات اور سیکٹروں کی تفصیلات  کی فراہمی کی خاطر واحد آئی ای ایم فراہم کرتا ہے ۔

          یہ واحد فارم سرمایہ کاری کے ادارے ( آئی ای ایم – پارٹ اے ) کو داخل کرنے اور پیداوار کے آغاز کی رپورٹنگ  ( آئی ای ایم – پارٹ بی ) کو خوش اسلوبی سے داخل کرنے میں مدد کرتا ہے ۔  آئی ای ایم میں کوئی بھی ترمیم  پچھلے داخل کردہ آئی ای ایم   کی طرز پر آسانی  سے  کی جاسکتی ہے ۔   اس  پورے عمل  میں کسی بھی معلومات  کو دوہرانے کی ضرورت نہیں ہوتی ۔

          درخواست گزاروں کے لئے تمام منظوریاں   پوری طرح کاغذ  کے بغیر ای میل اور ایس ایم ایس سے  فراہم کی جاتی ہیں ۔  اس کے ساتھ ساتھ یہ معلومات متعلقہ ریاستی حکومتوں  کو بھی بھیجی جاتی ہیں ۔  درخواست داخل کرنے اور  آئی ای ایم سرٹیفکیٹ حاصل کرنے کے مقصد سے جی 2 بی پورٹل  پر  http://services.dipp.gov.in ، اِس ویب سائٹ کے ذریعے رسائی حاصل کی جا  سکتی ہے ۔

          ڈی پی آئی آئی ٹی  صنعتوں سے متعلق ( ترقیاتی اور ریگو لیشن ) ایکٹ – 1951 کے تحت انڈسٹریل اینٹر پرینیول میمورینڈم  ( آئی ای ایم ) داخل کرنے کی خاطر صنعتی اینٹر پرینیول سے  درخواست موصول کرنے    کے لئے جی 2 بی پورٹل  چلاتا ہے ۔  

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح  ۔   و ا   ۔ ع ا ۔ 30.03.2021  )

U. No. 3196