প্রধান মন্ত্রী শ্রী নরেন্দ্র মোদীনা মহাক্কী বঙ্গলাদেশকী নুমিৎ নিনিগী খোঙচৎতা বঙ্গলাদেশকী নিং-খা তম্বগী গোল্দন জুবিলিদা গেস ওফ ওনর ওইনা বঙ্গলাদেশকী রাস্ত্রপতী, হিস এক্সেলেন্সি মিস্তর মোহমদ অব্দুল হামিদ; বঙ্গলাদেশকী প্রধান মন্ত্রী হার এক্সেলেন্সি শৈখ হসিনা; শৈখ মুজিবুর রহমনগী মচলনুপী শৈখ রেহনা;মুজিব বোর্শো থৌরম পাংথোকপগী নেস্নেল ইম্প্লিমেন্তেসন কম্মিতীগী চীফ কোওর্দিনেতর, দাঃ কমল অব্দুল নাসির চৌধুরী অমসুং অতৈ দিগ্নতরীশিংগা লোয়ননা শরুক য়াখি। থৌরম অসি তেজগাউনগী নেস্নেল পেরেদ স্ক্ব্যর পাংথোকখি। হায়রিবা অসিদা বঙ্গলাদেশকী জাতিগী মপা বঙ্গবন্ধু শৈখ মুজিবুর রহমনগী চহিচা শুবা মপোক কুমোনগী নিংশিং থৌরমসু পাংথোকখি।

কুরান, ভগবত গীতা, তৃপিতকা অমসুং বাইবলগী শেংলবা লাইরিকশিং পাথোকপনা থৌরম অসিগী মরুওইনা হৌদোকপা ওইখি। “দ ইতর্নেল মুজিব” হায়না মিংথোনবা ভিদিও অমা উৎতুনা বঙ্গলাদেশকী নিং-খা তম্বগী গোল্দন জুবিলি নিংসিংদুনা মখা তাখি। অখন্নবা থৌরম অসিবু পাংথোক্নবা থীম ওইবা ইশৈ অমা খুদোল তৌখি। থৌরম অসিদা “দ ইতর্নেল মুজিব” হায়না মিংথোনবা এনিমেসন ভিদিও অমসু উৎখি। বঙ্গলাদেশকী আর্ম ফোর্সেসকী অখন্নবা থৌরম অমা আর্ম ফোর্সেস অসিনা বঙ্গলাদেশ লৈবাক্কীদমক লৌরিবা থৌদাং উৎপা থৌরম অমা খুদোল তৌখি।

দাঃ কমল অব্দুল নাসির চৌধুরীনা ৱেলকম এদ্রেস পীখি। প্রধান মন্ত্রী নরেন্দ্র মোদী অমসুং ইন্দিয়ন আর্ম ফোর্সেস্না ১৯৭১দা বঙ্গলাদেশকী নিংতম লান্দা হকথেংননা শরুক য়াখিবা অসিবু মশক খঙবা উৎলি। স্তেতকী মকোক থোংবা কয়া অমা, সরকারগী মকোক থোংবা কয়া অমা অমসুং শক্নাইরবা কয়া অমগী থাগৎ ৱাহৈশিং উৎখি।  

প্রধান মন্ত্রী নরেন্দ্র মোদীনা শৈখ মুজিবুর রহমন্দা লৈখিদ্রবা মতুংদা পীবা গান্ধী পীচ প্রাইজ ২০২০ অসি শৈখ মুজিবুর রহমনগী মচলনুপী শৈখ রেহনাদা মহাক্কী মচে প্রধান মন্ত্রী শৈখ হসিনা য়াওনা শরুক য়ারিঙৈদা খুৎশিন্নখি। হায়রিবা শকখঙবিবা অসি মহাক্না সমাজগী, ইকোনোমিক অমসুং রাজনিতীগী অওনবা কয়া অমা অহিংসা অমসুং গান্ধীয়ন মেথদকী মতেংনা পুরকপদা লৌখিবা থৌদাংশিংগীদমক পীখিবনি।   

প্রধান মন্ত্রীনা মহাক্কী ৱা ঙাংবদা মহাক্না দিগ্নতরীশিংবু থাগৎপা ফোংদোকখি, থৌরম অসিগী মরুওইবা উৎখি অমসুং লৈবাক অনি অসিগী লৈনরিবা মরী অসিগী মখল কয়াগী থবকশিং পনখি।  শৈখ রেহনানা মখা তানা ৱা ঙাংলদুনা প্রধান মন্ত্রী নরেন্দ্র মোদীদা ‘ইতর্নেল মুজিব মেমেন্তো’ খুদোল তৌখি।

বঙ্গলাদেশকী রাস্ত্রপতী মিস্তর মোহমদ অব্দুল হমিদনা মহাক্না ৱা ঙাংবদা প্রধান মন্ত্রী অমসুং ভারতকী প্রজাশিংবু থাগৎপা ফোংদোকখি অমসুং ১৯৭১দা বঙ্গলাদেশকী নিংতম লান্দা থৌদাং লৌখিবা অসিদা থাগৎপা ফোংদোকখি।

প্রধান মন্ত্রী শৈখ হসিনানা মহাক্কী ৱা ঙাংবদা প্রধান মন্ত্রী নরেন্দ্র মোদীবু কোবিদ-১৯ লায়চৎ মরক অসিদা মশামক থৌরম অসিদা শরুক য়ারিবা অসিদা থাগৎপা ফোংদোকখি। মহাক্না ভারত সরকারবু মতম লৈবা খিবিক্তা বঙ্গলাদেশতা মতেং পাংবিবগীদমক থাগৎপা ফোংদোকখি।

থৌরম অসিগী মপুং ওইনা পাংথোক্কদবা থৌরম অসি কলচরেলগী থৌরম্না মখা তাখি। পন্দিত অজোয় চক্রবর্তী, শক্নাইরবা হিন্দুস্তানী ক্লাসিকেল বোকেলিস্তনা দিগ্নতরী অমসুং ভাবকশিংবু পুক্নিং চিংশিনখি। এ.আর. রহমনগী নুশিরবা খোঙজেলনা মীওই কয়াগী পুক্নিংবু চিংশিনখি। কলচরেলগী থৌরম অসিদা ইশৈ, জগোই কয়া অমগা লোয়ননা লোইশিনখি।

****