نئی دلّی ، 23 مارچ /وزیر اعظم جناب نریندر مودی کی صدارت میں مرکزی کابینہ نے  یونین پبلک سروس کمیشن  ( یو پی ایس سی ) اور افغانستان کے  خود مختار انتظامی اصلاحات اور سول سروس کمیشن  ( آئی اے آر سی ایس سی )  کے درمیان مفاہمت نامے پر دستخط  کو  منظوری دے دی ہے ۔

          یہ مفاہمت نامہ  آئی اے آر سی ایس سی اور  یو پی ایس سی کے درمیان تعلقات کو مضبوط بنائے گا ۔  اس سے  دونوں فریقوں کے درمیان   بھرتی کے شعبے میں   تجربات اور مہارت   میں ساجھیداری کرنے میں سہولت ہو گی ۔

مفاہمت نامے کی خصوصیات :

1. پبلک سروس بھرتی  اور انتخاب کے لئے  جدید طریقۂ کار    ، خاص طور پر یو پی ایس سی اور آئی اے آر سی ایس سی  کی کارروائیوں میں  جدید طریقۂ کار اور  تجربات کا تبادلہ ۔
2. کتابوں  ، مینوول  اور دیگر دستاویزات  سمیت  معلومات اور  مہارت کا تبادلہ   ، جن کے لئے  راز داری  ضروری نہیں ہے ۔
3. تحریری امتحانات   اور  کمپیوٹر پر مبنی  بھرتی کے  ٹسٹ اور آن لائن امتحانات    کا انعقاد  اور   اطلاعاتی ٹیکنا لوجی ( آئی ٹی )  میں مہارت  کی ساجھیداری ۔
4. درخواستوں کی تیزی سے چھان بین اور   تیز تر انتخاب کے لئے   سنگل وِنڈو سسٹم   کے تجربات میں ساجھیداری  ۔
5. امتحان کے نظام میں   شامل مختلف    کارروائیوں پر  تجربے اور مہارت  میں ساجھیداری ۔
6. عہدیداروں کے لئے   مختصر مدتی تربیت سمیت   تربیت کے اجلاس  کا انعقاد   ، سکریٹریٹ   ، صدر دفاتر   میں  تمام متعلقہ امور  کے بارے میں  پارٹیوں  کے لئے تربیت   کا انعقاد ۔
7. دیئے گئے اختیارات کے تحت   مختلف  عہدوں پر  بھرتی کے لئے   مختلف  سرکاری  ایجنسیوں کے ذریعے  اپنائے جانے والے  طریقۂ کار اور  ضابطوں سے متعلق  تجربات میں ساجھیداری ۔

۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔

( ش ح  ۔ و ا ۔ ع ا ۔ 23.03.2021  )

U. No. 2933