ಸಂಪುಟ
ಭಾರತದ ಕೇಂದ್ರ ಲೋಕಸೇವಾ ಆಯೋಗ ಮತ್ತು ಆಫ್ಘಾನಿಸ್ತಾನದ ಸ್ವಾಯತ್ತ ಆಡಳಿತಾತ್ಮಕ ಸುಧಾರಣೆಗಳು ಮತ್ತು ನಾಗರಿಕ ಸೇವೆಗಳ ಆಯೋಗದ ನಡುವಿನ ಒಪ್ಪಂದಕ್ಕೆ ಸಚಿವ ಸಂಪುಟ ಅನಮೋದನೆ
Posted On:
23 MAR 2021 3:24PM by PIB Bengaluru
ಭಾರತದ ಕೇಂದ್ರ ಲೋಕಸೇವಾ ಆಯೋಗ[ಯು.ಪಿ.ಎಸ್.ಸಿ] ಮತ್ತು ಆಫ್ಘಾನಿಸ್ತಾನದ ಸ್ವಾಯತ್ತ ಆಡಳಿತಾತ್ಮಕ ಸುಧಾರಣೆಗಳು ಮತ್ತು ನಾಗರಿಕ ಸೇವೆಗಳ ಆಯೋಗ [ಐ.ಎ.ಆರ್.ಸಿ.ಎಸ್.ಸಿ]ಗಳ ನಡುವೆ ತಿಳಿವಳಿಕೆ ಪತ್ರ [ಎಂಒಯು] ಕ್ಕೆ ಸಹಿ ಮಾಡುವ ಪ್ರಸ್ತಾವನೆಗೆ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ನೇತೃತ್ವದಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟ ಸಭೆ ಅನುಮೋದನೆ ನೀಡಿದೆ.
ಈ ಎಂಒಯು ನಿಂದ ಯು.ಪಿ.ಎಸ್.ಸಿ ಮತ್ತು ಐ.ಎ.ಆರ್.ಸಿ.ಎಸ್.ಸಿ ನಡುವಿನ ಬಾಂಧವ್ಯ ಮತ್ತಷ್ಟು ಬಲವರ್ಧನೆಗೊಳ್ಳಲಿದೆ. ನೇಮಕಾತಿ ವಲಯದಲ್ಲಿ ಎರಡೂ ಬದಿಯಿಂದ ಅನುಭವ ಮತ್ತು ತಜ್ಞತೆಯನ್ನು ವಿನಿಮಯ ಮಾಡಿಕೊಳ್ಳಲು ಇದು ಸಹಕಾರಿಯಾಗಲಿದೆ.
ಎಂ.ಒ.ಯುನ ಮೂಲ ಅಂಶಗಳು
- ಸಾರ್ವಜನಿಕ ಸೇವೆಗಳಿಗೆ ನೇಮಕಾತಿ ಮತ್ತು ಆಯ್ಕೆ ವಲಯದಲ್ಲಿ ಯು.ಪಿ.ಎಸ್.ಸಿ ಮತ್ತು ಐ.ಎ.ಆರ್.ಸಿ.ಎಸ್.ಸಿ ನಡುವೆ ಆಧುನಿಕ ವಿಧಾನಗಳ ಅನುಭವವನ್ನು ವಿನಿಮಯ ಮಾಡಿಕೊಳ್ಳಲು ಇದರಿಂದ ಸಹಕಾರಿಯಾಗಲಿದೆ.
- ಗೋಪ್ಯತೆಯ ಸ್ವರೂಪದಲ್ಲಿಲ್ಲದ ಪುಸ್ತಕಗಳು, ಕೈಪಿಡಿಗಳು ಮತ್ತು ಇತರ ದಾಖಲೆಗಳು ಸೇರಿದಂತೆ ಮಾಹಿತಿ ಮತ್ತು ಪರಿಣತಿಯ ವಿನಿಯಮ
- ಆನ್ ಲೈನ್ ಪರೀಕ್ಷೆ, ಕಂಪ್ಯೂಟರ್ ಆಧರಿತ ಲಿಖಿತ ನೇಮಕಾತಿ ಪರೀಕ್ಷೆ ಮತ್ತು ಲಿಖಿತ ಪರೀಕ್ಷೆಗಳಿಗೆ ಸಿದ್ಧವಾಗಲು ಮಾಹಿತಿ ತಂತ್ರಜ್ಞಾನದ ಪರಿಣತಿಯ ವಿನಿಮಯ.
- ತ್ವರಿತ ಪರಿಶೀಲನೆ ಮತ್ತು ಅರ್ಜಿಗಳ ಶೀಘ‍್ರ ವಿಲೇವಾರಿಗಾಗಿ ಏಕ ಗವಾಕ್ಷಿ ವ್ಯವಸ್ಥೆಯಲ್ಲಿ ಪರಸ್ಪರ ಅನುಭವಗಳ ಹಂಚಿಕೆ
- ಪರೀಕ್ಷಾ ವ್ಯವಸ್ಥೆಯಲ್ಲಿನ ವಿವಿಧ ಪ್ರಕ್ರಿಯೆಗಳಲ್ಲಿ ಅನುಭವ ಮತ್ತು ಪರಿಣತಿಯ ಹಂಚಿಕೆ
- ಸಚಿವಾಲಯಗಳು, ಮುಖ್ಯ ಕಚೇರಿಗಳು ಒಳಗೊಂಡಂತೆ ಸಂಬಂಧಪಟ್ಟ ಅಧಿಕಾರಿಗಳಿಗೆ ತರಬೇತಿಯನ್ನು ಸಂಘಟಿಸಲು ಕ್ರಮ.
- ನಿಯೋಜಿತವಾಗಿರುವ ಅಧಿಕಾರವನ್ನು ಬಳಸಿಕೊಂಡು ಹುದ್ದೆಗಳ ನೇಮಕಾತಿಯಲ್ಲಿ ವಿವಿಧ ಸರ್ಕಾರಿ ಏಜನ್ಸಿಗಳು ಅನುಸರಿಸುವ ಪ್ರಕ್ರಿಯೆಗಳು ಮತ್ತು ಕಾರ್ಯ ವಿಧಾನಗಳ ಅನುಭವವನ್ನು ಹಂಚಿಕೊಳ್ಳುವುದು.
***
(Release ID: 1706955)
Visitor Counter : 261
Read this release in:
English
,
Urdu
,
Hindi
,
Marathi
,
Assamese
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Malayalam