نئی دہلی۔ 14 مارچ       روڈ ٹرانسپورٹ اور شاہراہوں کی وزارت نے ایک نئی اسکیم کا اعلان کیا ہے ، جس کے تحت کوئی بھی سیاحتی گاڑیوں کے آپریٹر آن لائن موڈ کے ذریعہ "آل انڈیا ٹورسٹ اتھارٹی / پرمٹ" کے لئے درخواست دے سکتا ہے۔ ضروری دستاویز اور فیس جمع کرنے کے بعد اسے درخواست دینے کے 30 دن کے اندر جاری کیا جائے گا۔ "آل انڈیا ٹورسٹ وہیکلز اتھارٹی اینڈ پرمٹ رولز 2021" کے نام سے مشہور ضابطوں کا نیا سیٹ جی ایس آر 166 (ای) کو 10 مارچ 2021 ء کو شائع کیا گیا ہے۔ نئے ضابطوں کا اطلاق یکم  اپریل 2021 سے ہوگا۔سبھی موجودہ  اجازت نامے ان کی قانونی حیثیت کے دوران نافذ العمل رہیں گے۔

توقع کی جاتی ہے کہ اجازت نامے کے نئے  ضابطوں سے ملک کی سبھی ریاستوں میں سیاحت کو تیزی سے فروغ  حاصل ہوگا۔ اس سے ریاستوں کی محصولات میں بڑھانے میں بھی مدد ملے گی۔ اس پہل پر  39 ویں اور 40 ویں ٹرانسپورٹ ترقیاتی کونسل کے اجلاس میں تبادلہ خیال کیا گیا تھا اور ریاستوں کےنمائندوں  نے اس پر رضامندی ظاہر کی تھی۔قومی پرمٹ سسٹم کے تحت مال برداری والی گاڑیوں کی کامیابی کے بعد وزارت کے ذریعہ سیاحوں کے لیے مسافر گاڑیوں کے بغیر کسی روک ٹوک آمد و رفت کے مقصد سے نئے ضابطے بنائے گئے ہیں۔

علاوہ ازیں نئے قانون تین مہینے یا اس کی قانونی حیثیت  کی مدت میں تین سال تک کی توسیع کی جا سکتی ہے ۔

یہ ضابطے ہمارے ملک کے ان علاقوں کو مدنظر رکھتے ہوئے شامل کیا گیا ہے جہاں سیاحت کا ایک محدود موسم ہوتا ہے اور ان آپریٹروں کے لئے بھی جن کی مالی صلاحیت محدود ہے۔ یہ ایک ایسامرکزی ڈیٹا بیس اور ایسے تمام اختیارات / اجازت ناموں کی  فیس کو بھی مستحکم کرے گا ، جو سیاحوں کی نقل و حرکت میں تیزی لانے کے ساتھ  بہتری کی گنجائش اور سیاحت کو فروغ دینے کا کام کرے گا۔

یہ قدم سیاحت اور سیاحت کی صنعت کے تناظر میں اٹھایا گیا ہے جو ہمارے ملک میں گذشتہ پندرہ سالوں میں کئی گنا بڑھ گیا ہے۔ سیاحت کی ترقی میں ملکی اور بین الاقوامی دونوں سیاحوں کے ذریعہ معاونت کی گئی ہے۔ آئندہ بھی اس میں تیزی جاری رہنے کی امید ہے جو اعلی توقع اور سیاحوں کے تجربے کا ایک رجحان ہے۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض (

 (14.03.2021)

U-2496