খুরুমজরি! খুলুমখা!

ত্রিপুরাগী রাজ্যপাল শ্রী রমেশ বৈস জী, মুখ্যমন্ত্রী শ্রী বিপ্লব দেব জী, উপ-মুখ্যমন্ত্রী শ্রী জিশ্নু দেব বর্ম জী, রাজ্য সরকারগী মন্ত্রী পুম্নমক, এম.পি. অমসুং এম.এল.এ.শিং অমসুং ত্রিপুরাগী ঐহাক্কী নুংশিজরবা ইচিল-ইনাও অমসুং ইচল-ইচেশিং! অদোম পুম্নমকপু অহোংবা পুরকপগী, ত্রিপুরাগী চাউখৎ খোংচৎকী চহি ৩ মপুং ফারকপদা নুংঙাইবা ফোংদোকচরি! য়াইফ পাউজেল পীজরি।

ইচিল-ইনাও অমসুং ইচল-ইচেশিং,

ঙসিদগী চহি অহুমগী মমাংদা অদোম মীয়ামনা, ত্রিপুরাগী মীয়াম্না অনৌবা পুৱারী অমা শেমখি অমদি লৈবাক পুম্বদা য়াম্না চেৎপা পাউজেল অমা পীখি। চহি তরাগী খুজিং কয়াদগী রাজ্যগী চাউখৎ থৌরাংদা অপনবা পীরম্বা নেগতিব ওইবা শক্তিশিংবু ইন্থোক্তুনা, ত্রিপুরাগী মীয়াম্না অনৌবা অমা হৌদোকখি। ত্রিপুরাবু পুন্দুনা থমলম্বা য়োৎলী অদু অদোম্না থদৎখি। য়োৎলী অদু তৎখ্রে। ঐহাক নুংঙাইবা ফাওই মদুদি ইমা ত্রিপুরা সুন্দরীগী আর্শিবাদনা, বিপ্লব দেব জীগী লুচিং মখাদা চৎলিবা সরকার অসিনা মশাগী রিজোলুসনশিংবু খোংজেল য়াংনা ময়েক শেংহল্লে।

মরূপশিং,

২০১৭তা অদোম্না ত্রিপুরাদা দিবেলপমেন্তকী দবল ইঞ্জিন থম্নবা ৱারেপ লৌখি। ইঞ্জিন অমনা ত্রিপুরাদা, ইঞ্জিন অমনা দিল্লীদা। অদুগা দবল ইঞ্জিন অসিগী ৱারেপনা মরম ওইরগা ফংলিবা মহৈ অদু ঙসি অদোমগী মাংদা লৈরে। ঙসি ত্রিপুরানা মমাংগী সরকারগী চহি ৩০ অমদি দবল ইঞ্জিনগী চহি ৩গী সরকারদা লাক্লিবা অহোংবা অদু ময়েক শেংনা ফাওরি। কমিশন অমসুং করপ্সন য়াওদনা থবক পাংথোকপা অৱাবা ওইরম্বা অদু ঙসি সরকারগী কানবা মীয়ামগী বেঙ্ক একাউন্তদা দাইরেক্ত য়ৌরে। মতম চানা তলব ফংনবগী ৱারম্বা এমপ্লোই অদু ৭শুবা পে কমিসনগী মখাদা তলব ফংলে। লৌমীশিংনা মখোয়গী পোত্থোক য়োন্নবগীদমক খুদোংচাদবা কয়া অমা থেংনরম্বা অদু অহানবা ওইনা ত্রিপুরাদা লৌমীশিংদগী এম.পি.এস.তা লৈবা য়াহল্লে। মনরেগাগী মখাদা থবক তৌরিবা মরুপশিংনা মমাংদা লুপা ১৩৫ ফংলম্বা অদু হৌজিক নোংমগী লুপা ২০৫ পীরে। হরতালগী কলচরনা মরম ওইরগা চহি কয়া মনিংদা লৈহৌরবা ত্রিপুরা অদু ঙসি ইজ ওফ দুইং বিজিনেসকীদমক থবক তৌরি। ত্রিপুরাগী ত্রেদ ভোল্যুম হেনগৎপগা লোয়ননা রাজ্যদগী এক্সপোর্তসু চাউরাক্না শরুক ৫ হেনগৎলে।

মরূপশিং,  

ত্রিপুরাগী চাউখৎ থৌরাংগীদমক কেন্দ্র সরকারনা ওইথোকপা য়াবা পুম্নমক্তা পুক্নিং চংলি। হৌখিবা চহি ৬তা ত্রিপুরানা কেন্দ্র সরকারদগী ফংবা শেনফম য়াম্না চাউনা হেনগৎলে। চহি ২০০৯দগী ২০১৪গী মরক্তা কেন্দ্র সরকারদগী ত্রিপুরাদা কেন্দ্রিয়া বিকাস পরিয়োজনাশিংগীদমক লুপা কোতি ৩৫০০গী তেংবাং ফংখি। অদুবু চহি ২০১৪দগী ২০১৯গী মরক্তা ঐখোয় লাক্লবা মতুংদা লুপা কোতি লিশিং ১২ হেনবগী তেংবাং পীখ্রে। ২০১৭কী মমাংদা ত্রিপুরাগী খুঙ্গংগী য়ুমথোং শুপ্নগী লিশিং ১৯দা তোতি ইশিং লাক্লম্মি। ঙসি দিল্লী অমসুং ত্রিপুরাগী দবল ইঞ্জিন সরকারনা মরম ওইদুনা চাউরাক্না খুঙ্গংগী য়ুমথোং লাখ অনিদা তোতি ইশিং ফংলে।

২০১৭কী মমাংদা ত্রিপুরাগী ইমুং লাখ ৫ লিশিং ৮০দা গ্যাস কনেক্সন লৈরম্মি। লাখ ৬তগী তানা। ঙসি রাজ্যগী ইমুং লাখ নিপাল মখায়দা গ্যাস কনেক্সন লৈরে। দবল ইঞ্জিনগী সরকার শেমদ্রিঙৈ মমাং ত্রিপুরাদা শুপ্নগী খুঙ্গং চাদা ৫০ লমহাংদা অমাং অশোই তৌরম্মি, ঙসিদি ত্রিপুরাগী খুঙ্গং অয়াম্বনা লমহাংদা অমাং অশোই তৌদ্রে। সৌভাগ্য য়োজনাগী মখাদা ত্রিপুরাদা চাদা চামা মৈ ফংহনবা ওইগেরা, উজ্জ্বলা য়োজনাগী মখাদা লেম্না গ্যাস কনেক্সন লাখ অনি মখায় পীবা ওইগেরা, মদু নত্রগা মীরোনবী নুপী লিশিং ৫০ হেনববু মাত্রিবন্দনা য়োজনাগী কানবা ফংহৱবা ওইগেরা, দিল্লীগী অমসুং ত্রিপুরাগী দবল ইঞ্জিনগী সরকারগী থবক অসিনা ত্রিপুরাগী ইচল-ইচানুপীশিংবু শক্তি শিন্নবদা মতেং পাংলি। ত্রিপুরাদা পি.এম. কিসান সম্মান নিধি অমসুং আয়ুশ্মান ভারত য়োজনাগীসু কানবা লৌমীশিং অমসুং লাইরবা ইমুংশিংনা লৌরি।

মরূপশিং,

দবল ইঞ্জিনগী সরকারগী খ্বাইদগী চাউবা মমি অসি লাইরবশিংবু মখোয়গী পক্কাগী য়ুম পীবগী খোংজেলদা উবা ফংলি। ঙসি ত্রিপুরাগী সরকারনা মরিশুবা চহিদা চংলকপা মতম অসিদা রাজ্যগী লাইরবা ইমুং লিশিং ৪০নসু মখোয়গী অনৌবা য়ুম ফংলি। মসি দবল ইঞ্জিনগী সরকারমক্কী থৌনানি মদুদি প্রধান মন্ত্রী আৱাস য়োজনা রুরেল ওইগেরা নত্রগা অর্বান ওইগেরা, মসিদা ত্রিপুরা খোংজেল য়াংনা থবক তৌরি। ত্রিপুরাগী অপিক অপিকপা শহরশিংদা লাইরবশিংগীদমক পক্কাগী য়ুম লিশিং ৮০ হেন্না অয়াবা পীখ্রে। অনৌবা তেক্নোলোজীনা থৌরাং তৌবা অনৌবা থাক্কী য়ুমশিং শাগৎলিবা রাজ্য ৬কী মনুংদা ত্রিপুরাসু অমা ওইরে।

ইচিল-ইনাও অমসুং ইচল-ইচেশিং,

ঐখোয়না অদোমগী মফমদা ৱাশকখি মদুদি ত্রিপুরাদা ঐচ.আই.আর.এ.গী দিবেলপমেন্ত পুরক্কদবা দবল ইঞ্জিন পুরক্কনি। অমদি হৌজিক ঐহাক ভিদিও য়েংলম্মি, য়াম্না ফজবা মওংদা হায়বিখি। ঐচ.আই.আর.এ. হায়বদি হায়ৱেজ, আই-ৱেজ, রেলৱেজ অমসুং এয়রৱেজ। ত্রিপুরাগী কনেক্তিবিতীগী ইনফ্রাস্ত্রকচরদা হৌখিবা চহি ৩দা খোংজেল য়াংনা ফগৎলক্লে। এয়ারপোর্তকী থবক ওইগেরা নত্রগা সমুদ্রগী লম্বীদা ত্রিপুরাবু ইন্তরনেৎকা শম্নহনবগী থবক ওইগেরা, রেল লিঙ্ক ওইগেরা, মসিদা খোংজেল য়াংনা থবক তৌরি। ঙসিসু লুপা কোতি লিশিং ৩ হেনবগী প্রোজেক্তশিং শঙ্গাখিবা অমসুং অরেপ উয়ুং তমখিবা অদু ঐখোয়গী ঐচ.আই.আর.এ. মোদেলগী শরুক্নি। হৌজিক্তি মসিদা ৱেতরৱেজ, পোর্ত ইনফ্রাস্ত্রকচরসু মসিদা য়াওরে।

মরূপশিং,

রিজন পুম্বা অসি নোংপোক, অৱাং নোংপোক ভারত অমসুং বঙ্গাদেশকী মরক্তা মখল অমরোমদা ত্রেদ কোরিদোরগী মওং মতৌদা দিবেলপ তৌরি। ঐহাক্কী বঙ্গলাদেশ খোংচৎ মনুংদা ঐহাক অমসুং প্রধান মন্ত্রী শেখ হসিনা জীনা পুল্লগা ত্রিপুরাবু বঙ্গাদেশকা দাইরেক্ত শম্নহনগদবা থোংগী উরেপ উয়ুং তমখি অমদি ঙসি মসি শঙ্গারে। ঙসি ভারত অমসুং বঙ্গাদেশকী ফ্রেন্দশিপ অমসুং কনেক্তিবিতী কয়া য়াম্না চেৎশিনবগে হায়বদু ঐখোয়না বঙ্গলাদেশকী ইকায় খুম্নজরিবা প্রধান মন্ত্রী শেখ হসিনা জীগীসু ৱারোল তারে। সবরুম অমসুং রামগরগী মরক্তা থোংনা ঐখোয়গী ফ্রেন্দশিপসু চেৎশিল্লে অমদি ভারত-বঙ্গাদেশকী চাখৎপগী কনেক্সনসু শমজিন্নহল্লে। হৌখিবা চহি খরদা ভারত বঙ্গাদেশকী মরক্তা লেন্দ, রেল অমসুং ৱাতর কনেক্তিবিতীগীদমক এগ্রিমেন্ত তৌনখিবা অদু থোং অসিনা হেন্না চেৎশিলহল্লে। মসিনা ত্রিপুরাগা লোয়ননা খা অসম, মিজোরাম, মনিপুরগী বঙ্গাদেশ অমসুং সাউথ ইস্ত এসিয়াগী অতোপ্পা লৈবাকশিংগা লোয়ননা কনেক্তিবিতী হেনগৎলগনি। ভারত খক্তা নত্তনা বঙ্গলাদেশতসু থোং অসিনা কনেক্তিবিতী ফগৎহল্লগনি অমদি ইকোনোমিক ওপোর্চুনিতী হেনগৎলগনি। থোং অসি শাবনা ভারত-বঙ্গলাদেশকী মীয়ামদা কন্তেক্ত হেনগৎহনবগা লোয়ননা তুরিজম অমসুং ত্রেদকীদমক, পোর্ত লেদ দিবলপমেন্তকীদমক অনৌবা তাঞ্জা পোকহল্লে।

মরূপশিং,

মৈত্রী সেতুদা নত্তনা অতোপ্পা খুদোংচাবশিং শেমলকপা মতমদা নোর্থ ইস্তকীদমক করিগুম্বা মখল অমত্তগী সপ্লাইগীদমক ঐখোয়না লম্বী সরক খক্তদা দিপেন্দ তৌররোই। হৌজিক সমুদ্রগী লম্বী, তুরেলগী লম্বী, বঙ্গলাদেশনা মরম ওইদুনা লম্বী থিংবদা অকায়বা লৈররোই। খা ত্রিপুরাগী মরুওইবা অসি য়েংলগা হৌজিক সবরুম মক্তদা ইন্তেগ্রেতেদ চেক পোস্ত শাবসু ঙসিদগী হৌরে। মসিগী ইন্তেগ্রেতেদ চেক পোস্ত অসি ফুল-ফ্লেদজ লোজিস্তিক হবকী মতৌগুম থবক তৌগনি। মফমসিদা পার্কিং লোৎশিং শেমগনি, ৱেয়রহাউসশিং শেমগনি, কন্তেনর ত্রান্স-শিপমেন্ত ফেসিলিতীশিং থৌরাং তৌগনি।

মরূপশিং,

ফেনি ব্রিজ হাংদাকপনা অগরতলা, ইন্তরনেস্নেল সী পোর্তনা ভারতকী খ্বাইদগী নকপা শহর ওইরগনি। এন.ঐচ.-৮ অমসুং এন.ঐচ.-২০৮ চাউথোকপগী মরী লৈনবা প্রোজেক্তশিং ঙসি শঙ্গাখিবা অমসুং উরেপ উয়ুং তম্লিবা অদুনা নোর্থ ইস্তকী পোর্ততগী কনেক্তিবিতী হেন্না চেৎশিলহল্লগনি। মসিনা অগরতলা, নোর্থ ইস্ত পুম্বগী লোজিস্তিক্কীসু মরুওইবা সেন্তর ওইরগনি। রুৎ অসিদগী ত্রান্সপোর্তকী মমল য়াম্না হন্থরগনি অমদি নোর্থ ইস্ত পুম্বদা য়াম্না লায়না পোৎ ফংলগনি। ত্রিপুরাগী লৌমীশিংনা মখোয়গী উহৈ-মনা মশিং, শঙ্গোম, ঙা অমসুং অতোপ্পা পোৎলমশিংগীদমক লৈবাক মনুং অমসুং মপানগী অনৌবা কৈথেল ফংলগনি।

ইচিল-ইনাও অমসুং ইচল-ইচেশিং,

অগরতলাগুম্বা শহরশিংদা আত্মনির্ভর ভারতকীদমক অনৌবা সেন্তরশিং শেম্বা দরকার ওই। ঙসি অগরতলাবু হেন্না ফবা শহর ওইহন্নবগীদমক প্রোজেক্ত কয়া অমা শঙ্গাখিবা অমসুং উরেপ উয়ুং তমখিবা অদু অসিগুম্লবা হোৎনবশিং অসিগী শরুক্নি। নৌনা শারিবা ইন্তিগ্রেতেদ কমান্দ সোন্তরনা শহরগী এরেঞ্জমেন্তশিংবু মফম অমদগী স্মার্ত তেক্নোলোজীগী থোংদা হেন্দল তৌবদা মতেং ওইরগনি্। ত্রাফিক্কা মরী লৈনবা সমস্যাশিংদগী হৌরগা ক্রাইম থিংনবগীদমক, অসিগুম্বা মখল কয়াগী কাননবগীদমক তেক্নিকেলগী ওইবা তেংবাং ফংলগনি। মতৌ অসুম্না মল্তিলেবেল পার্কিং, কমর্সিয়েল কমপ্লেক্স অমসুং এয়রপোর্তপু কনেক্ত তৌরিবা লম্বী পাকথোক-চাউথোকহনবনা অগরতলাদা ইজ ওফ লিবিং অমসুং ইজ ওফ দুইং বিজিনেসতা য়াম্না ফগৎলগনি।

মরূপশিং,

য়ুমথোং খুদিংদা ইশিং ফংবা মতমদা, মৈ য়ৌবা মতমদা, হকশেলগী খুদোমংচাবশিং য়ৌবা মতমদা, ঐখোয়গী ত্রাইবেল লমদমশিংবু মসিগী তোপ তোপ্পা কানবা ফংই। থবক অসিমক কেন্দ্র অমসুং ত্রিপুরাগী সরকারশিংনা পুল্লগা ঙসি পাংথোক্লি। অগরতলা এয়ারপোর্তপু মহারাজা বীর বিক্রম কিশোর মানিক্যা জীগী মিং থোনলিবা অসি ত্রিপুরাগী দিবলপমেন্তকীদমক মহাক্কী মিৎয়েংবু ইকায় খুম্নবনি। ত্রিপুরাগী চাউখৎলবা সংস্কৃতি অমসুং সাহিত্যগী সেবা তৌরিবা মচাশিং, শ্রী থংগা দোরলোঙ্গ জী, শ্রী সত্যরাম রিয়াঙ্গ জী অমসুং বেনি চন্দ্র জমাতিয়া জীবু পদ্মশ্রী লান্থোকপগী লাইবক ফবা তাঞ্জা অদু ঐহাকমক ফংজখি। সংস্কৃতি অমসুং সাহিত্যগী সাধকশিংগী থৌদাং অদু ঐখোয় পুম্নমক্না ইকায় খুম্নজরি। বেনি চন্দ্র জমাতিয়া জী হৌজিক ঐখোয়গী ইরক্তা লৈত্রে অদুবু মহাক্কী থবক অদুনা ঐখোয় পুম্নমকপু মতম পুম্নমক্তা পুক্নিং থৌগৎতুনা লৈরগনি।

মরূপশিং,

ত্রাইবেল হেন্দিক্রাফপু, ৱাদা য়ুমফম ওইবা কলাবু, প্রধান মন্ত্রী বন ধন য়োজনাগী মখাদা পুক্নিং থৌগৎপনা ত্রাইবেল ইচিল ইনাওশিংনা শেল তান্নবা অনৌবা উপায় ফংলি। ইফমদা তাকপীররে মদুদি মুলী বেম্বু কুকীসপু অহানবা ওইনা পেকেজ প্রদক্তকী মওংদা পুথোকখ্রে। মসি পুক্নিং থৌগৎনিঙাই থবক্নি। অসিগুম্বা থবকশিং পাকথোক চাউথোকপনা মীয়ামগী মায়কৈদা মতেং ওইরগনি। চহি অসিগী কেন্দ্রগী বজেৎতসু ত্রাইবেল এরিয়াশিংদা একলব্য মোদল স্কুল অমসুং অতোপ্পা মোদর্ন ফেসিলিতীশিংগীদমক কমপ্রেহেন্সিব প্রোভিজন য়াওখ্রে। ঐহাক্না থাজবা থম্লি মদুদি লাক্কদৌরিবা চহিদা ত্রিপুরা সরকারনা মতৌ অসুম্না ত্রিপুরা মীয়ামগীদমক সেবা তৌখিগনি। ঐহাক্না অমুক হন্না বিপ্লব জী অমসুং মহাক্কী তিম অপুনববু, থাগৎনিংঙাই ওইরবা অধিকারী পুম্নমকপু মীয়ামগী সেবাগীদমক চহি অহুম মখোয়না হোৎনখিবা অদু লাক্কদৌরিবা মতমশিংদা মদুদগী হেন্না হোৎনগনি, সেবা হেন্না তৌরগনি। ত্রিপুরাগী লাইবক অহোংবা পুরক্লগনি। থাজবা অসিগা লোয়ননা ঐহাক অমুক হন্না ময়াম পুম্নমকপু হায়নিংঙাই লৈতনা নুংঙাইবা ফোংদোকচরি। হায়নিংঙাই লৈতনা য়াইফ পাউজেল পীজরি।

থাগৎচরি!

*****