ইনফোর্মেসন অমসুং ব্রোদকাস্তিং মন্ত্রালয়

ভারতকী মনিং-তম্বা লৈবাক অমা ওইবগী ফিভম মাঙশিল্লকপগী ফ্রীদম হাউসকী পাউদমগী মতাংদা শেংদোকপা

Posted On: 05 MAR 2021 5:02PM by PIB Imphal

ফ্রীদম হাউসনা ভারতকী মনিং-তম্বা লৈবাক অমা ওইবগী ফিভম অসি “হীরম খরদতমক নিং-তম্বা”গী ফিভমদা হন্থরক্লে হায়না পাউদম্বা “ফাজিন্দুনা থম্লবা গনতন্ত্রা” হায়না মিংথোনবা ৱাফম অমা ফোঙখিবা অদু লান্না লমজিংবনি, অরানবনি অমসুং য়ুম্ফম য়াওদবনি।

ফেদেরেলগী মওং-মতৌগী মখাদা লৈবা ভারতকী রাজ্য কয়া অমদি লৈবাক্কী থাক্তা লৈরিবা পার্তী নত্তবা অমনা মনিং তম্বা মীখলগী লুপ অমনা মীচঙ-মীখায় নাইদবা মীখলগী থৌওংগী খুত্থাংদুনা  খন্দুনা লৈঙাকপা অসিনা পাউদম অসি অরানবনি হায়বগী ময়েক শেংলবা খুদম অমনি। মসিগী থৌওং অসিনা মতিক-মগুন লৈবা গনতন্ত্রা অমগী মথৌ-তৌবগী মওং তাক্লি অমসুং মসিনা মান্নদবা ৱাখল চেনবা মীওইশিংদা খন্থনবা হীরম অমা পীরি।

অখন্নবা হীরম খরবু অরানবনি হায়না তাকপশিং:

১) ভারত অমসুং অৱাং-নোংপোক দিল্লীগী হিংশাগী থৌদোক্তা মুস্লিমশিংগী মাইয়োক্তা অচান মীরায় নাইবগী পোলিসী চত্থবাঃ লৈবাক অসিগী সংবিধান্দা ময়েক শেঙনা তাকপগুম্না ভারত সরকারনা মশাগী নাগ্রিকশিংবু অমত্তা ওইনা লৌই অমসুং মসিগী আইন খুদিংমক মীপুম খুদিংদা অচান-মীরায় নাইদনা চপ-মান্ননা চলাই। তংদু-লৈতাবগী হীরমগা মরী লৈনবা খুদিংমক্তা লান্না তৌরে হায়রিবা মীওই অদুগী শক্তাক্তা য়ুম্ফম ওইদনা আইনগী পাংথোকফম থোকপা কাঙলোনশিং পাংথোকই। জনুৱারী ২০১৯দা থোকখিবা অৱাং-নোংপোক দিল্লীগী হিংশাগী থৌদোক্তা মিৎয়েং চঙলদুনা, শান্তি থম্নবা হোৎনরিবা থৌমীশিংনা মীচঙ-মীখায় নাইদনা অমসুং কাঙলোন চুম্না নীংথিনা অমসুং অথুবা মতমদা থবক পায়খৎখি। থৌদোক অদুবু লাকশিন্নবগীদমক্তা মতিক চাবা থবকশিং লৌখৎখি। শান্তি থম্নবা হোৎনরিবা থৌমীশিংনা, থৌদোক অসিগী মতাংদা ফংখিবা ৱাকৎ খুদিংমকপু আইন অমসুং কাঙলোনগী মতুং ইন্না আইন্না য়াবা অমসুং ঙাকথোকপগী তঙাই ফদবা থবকশিং চত্থখি।

২) লৈঙাক্কী মাইয়োক্তা ৱাফম ফোংদোকপগী আইন শিজিন্নবাঃ  “মীয়াম্বু শেন্নদুনা নীংথিনা থম্বা” অমসুং “পুলিস” হায়বসি ভারতকী ফেদেরেল লৈঙাক্কী মঅংগী মখাদা লৈবা রাজ্যশিংগী ওইবা হীরম্নি। থিজিন-হুমজিনবা, অরানবা থবকশিংবু রেজিস্তর তৌবা অমসুং আইনগী ওইবা থবক চত্থবা, মীওইবা অমসুং লন-থুম ঙাক-শেনবনচিংবা য়াওনা তংদু-লৈতানা লৈহনবগী থৌদাং অসি মরী লৈনবা রাজ্য সরকারশিংগী মথক্তা মরু ওইনা লৈ। মরম অদুনা, মীয়াম্বু নীংথিনা শেন্নদুনা থম্নবগীদমক্তা আইন চলাইরিবা লৈঙাক্লোইশিংনা মতিক চাই হায়না খনবা খোঙথাংশিং পায়খৎলি।

৩) কোবিদ-১৯বু সরকারনা লোকদাউনগী খুত্থাংদা থেংনখিবাঃ মার্চ ১৬তগী ২৩ ফাওবদা, রাজ্য সরকার/য়ুনিয়ন তেরতোরী অয়াম্বনা কোবিদ-১৯গী ওইরক্লিবা ফিভমশিংবু নৈনরবা মতুংদা মখোয়-মখোয়গী রাজ্য/য়ুনিয়ন তেরতোরীশিংদা হীরম খরগী নত্ত্রগা মপুং ফাবা লোকদাউনগী থৌওং চত্থখি। মীয়াম্ন মশিং য়াম্না চত্থোক-চৎশিন তৌবা নত্ত্রগা পুনবগী থৌওংশিংনা লাইনা অসি লৈবাক মনুংদা য়াম্না থুনা শন্দোকপা য়াবগী ওইথোকপা লৈরম্মি। মসিগী হীরমশিং, মালেম্না থেংনরিবশিং অমসুং লৈবাক শিনবা থুংনা কন্তেনমেন্ত তৌনবা থৌরাং য়াৎপা অমসুং পাংথোকপদবা চাং নাইবা অমসুং মান্নবা লৈহনবা থৌওংশিং কয়া খন্নরবা তুংদা, লৈবাক শিনবা থুংবগী লোকদাউন লাউথোকখি। তৌদবা য়াররোইদ্রবা লোকদাউনগী মনুংদা মীয়াম্না অহেনবা অৱাবা কয়া মাইয়োক্নদবা হায়বগী মতাংদা সরকারনা য়াম্না খন্থখি। মসিগী মতাংদা সরকারনা নীংথিনা খঙলদুনা, (১) ময়ুম-মকৈ লৈজদ্রবা অমসুং মাইগ্রেন্ত শিন্মীশিংদা চিঞ্জাক, হকশেল শেন্নবীবগী খুদোংচাবা পীনবগীদমক্তা ভারত সরকারনা রাজ্য সরকারশিংদা স্তেৎ দিজাজতর রেস্পোন্স ফন্দ (এস.দি.আর.এফ.) শিজিন্নবগী অয়াবা পীখি, (২) মাইগ্রেন্ত শিন্মীশিংদা মখোয়গী পুন্সি-মহিং তাঞ্জনবা মখোয়বু কন্তেন্মেন্ত জোনশিংগী ৱাংমদা তোঙানবা থবক কয়াদা শিজিন্নবা য়াবগী সরকারনা অয়াবা পীখি, (৩) মাইগ্রেন্ত শিন্মীশিংসু মনুং চলহনবা লুপা করোর লাখ ১.৭কী তেংবাংবগী পেকেজ অমসু সরকারনা লাউথোকখি, (৪) মশা-মশাগী খুঙ্গংশিংদা হল্লক্লবা মাইগ্রেন্ত শিন্মীশিংদা থবক পীবা অমসুং মখোয়গী পুন্সি-মহিংদা ফগৎহন্নবা খুদোংচাবা পীগদবা মিসন অমসু সরকারনা লাউথোকখি, (৫) নেস্নেল ফুদ সেক্যুরিতী এক্ত (এন.এফ.এস.এ.)গী মখাদা নবেম্বর ২০২০ ফাওবদা চাউরাক্না বেনিফিশরী করোর ৮০দা চেং নত্ত্রগা গেহু কিলো ৫, হৱাই কিলো ১ থা খুদিংগী লেম্না পীখি, (৬) মহাত্মা গান্ধী নেস্নেল রুরেল ইমপ্লোয়মেন্ত গেরেন্তী এক্ত (এ,.জি.এন.আর.ই.জি.এ.)গী নোংমগী খুৎশুমনসু হেনগৎখি অমসুং মসিগী খুদোংচাবা অসিদা মাইগ্রেন্ত শিন্মীশিংসু মনুং চলহনখি। লোকদাউনগী মতম অসিনা সরকারবু মাস্ক, ভেন্তিলেতর, পি.পি.ই. কিৎনচিংবশিং মশিং হেন্না পুথোকপা ঙমহনখি অমসুং লাইচৎ অসিবু হেন্না শন্দোকপদা নীংথিজনা থিংবা ঙমহনখি। ভারতনা, পর কেপিতাদা য়ুম্ফম ওইদুনা, মালেমগী ওইনা এক্তিব কোবিদ-১৯গী কেস অমসুং মসিদগী লৈখিদবগী মশিং খ্বাইদগী য়ামদবা ওইখি।

৪) হ্যুমেন রাইৎসকী লুপশিংদা সরকারনা লোয়নবগী মওং: ভারতকী সংবিধান্না মীওইবগী হকপু ঙাক শেনবদা শোইহন্দনবা হায়দুনা মীওইবগী হক ঙাক-শেনবগী এক্ত, ১৯৯৩ য়াওনা তোঙান-তোঙানবা হীরমশিংদা মতিক চানা ঙাক-শেনবগী কাঙলোন কয়া পীরি। মসিগী এক্ত অসিনা থৌওং অসিগা মরী লৈনবা হীরমশিং অমসুং মীওইবগী হকপু হেন্না নীংথিনা ঙাক-শেন্নবগীদমক্তা রাজ্যশিংদা স্তেৎ হ্যুমেন রাইৎস কম্মিসন লিংনবা য়াথং অমসু পীরি। লৈবাক্কী ওইবা কম্মিসন অসিনা থবক্তগী পোত্থারবা সুপ্রীম কোর্তকী জজ অমনা লুচিংই অমসুং মসিনা লৈবাক অসিদা মীওইবগী হকপু খোঙ্গোইনরে হায়বগী থৌওং থেংনবা মতমদা মরী লৈনবা কেসশিং শিজিনবা অমসুং চুনবা ৱাফম হৌদোকপগী মথৌ তৌই।

৫) একাদমিক্স অমসুং পাউমীশিংদা কিহনবা অমসুং মিদিয়ানা য়ানিংদবা ফোংদোকপদা ওৎপা-নৈবাঃ ভারতকী সংবিধান্না আর্তিকল ১৯গী মখাদা অনিঙবা ফোংদোকপগী নিং-তম্বগী অয়াবা পীরি। খন্ন-নৈনবা, মরৈ_য়েৎনবা অমসুং য়ানিংদবা ফোংদোকপা অসি ভারতকী গনতন্ত্রাগী মরু ওইবা শরুক অমনি। ভারত সরকারনা লৈবাক অসিদা লৈরিবা মীয়ামগী, পাউমীশিংসু য়াওনা, তেক্ত-কায়দবা অমসুং ঙাক-শেনবদা খ্বাইদগী মরু ওইবা পীরি। ভারত সরকারনা রাজ্য অমসুং য়ুনিয়ন তেরিতোরীশিংদা পাউমীশিংগী মতাংদা মিদিয়াগী মীওইশিংদা তেক্ত-কায়দবা অমসুং ঙাক শেন্ননবা আইন অদুবু মতিক চানা ইল্লু হায়দুনা পাউমীশিংবু তেক্ত-কায়দনা থম্নবগীদমক্তা অখন্নবা এদভাইজরী অমা পীখ্রবনি।

৬) ইন্তর্নেৎ থিংজিনবাঃ ইন্তর্নেৎ য়াওনা তেলিকোম সর্ভিসশিং মতম খরগী থিংজিনবা অসি ইন্দিয়ন তেলিগ্রাফ এক্ত, ১৮৫দা য়াওরিবা ৱাফমগী মখাদা পীরিবা তেম্পোরেরী সস্পেন্সন ওফ তেলিকোম সর্ভিস (পব্লিক ইমর্জেন্সী নত্ত্রগা মীয়ামগী য়াইফনবা) রুল্স, ২০১৭কী মখাদা পীরিবা ৱারোলনা চলাইবনি। মসিগী মতম খরগী ওইনা থিংবগী থৌওং অসিদা কেন্দ্র সরকারগী ওইরগনা, গৃহ-মন্ত্রালয়দা লৈরিবা ভারত সরকারগী সেক্রেতরী; অমসুং রাজ্যগী ওইরগনা, হোম-দিপার্তমেন্তকী সেক্রেতরীগী অয়াবা চঙই। মসিদা নত্তনা, অসিগুম্বা ৱারোল থোকপশিং অসি অখন্নবা মতমগী মনুংদা, ভারত সরকারগী কেবিনেৎ সেক্রেতরী নত্ত্রগা মরী লৈনবা রাজ্যদুগী চীফ সেক্রেতরীগী লুচিং মখাদা কেন্দ্র নত্ত্রগা রাজ্য সরকারনা শেম্বা য়েংশিনবগী কম্মিতীনা অমুক য়েংশিল্লি। মতৌ অসুম্না, তেলিকোম নত্ত্রগা ইন্তর্নেৎ মতম খরগী থিংবা অসি নীংথিনা য়েংশিনবা ফিভমগী মনুংদা তংদু-লৈতাবগী ফিভম লৈহন্নবগীদমক্তা পায়খৎপা খোঙথাংনি।

৭) এম্নেস্তী ইন্তর্নেস্নেলগী এসেৎশিংবু থিংজিনহনখিবা এফ.সি.আর.এ.দা হাপচিনখিবা ৱারোল অদুনা রেঙ্কিং হন্থনবগী মরম ওইখিঃ  এম্নেস্তী ইন্তর্নেস্নেলনা এফ.সি.আর.এ. এক্তকী মখাদা অয়াবা অসি অমুক্তং ফংখিবনি অমসুং মদুসু, চহি ২০গী (১৯/১২/২০০০) মমাংদনি। মতমদুদগী হোউদুনা, এম্নেস্তী ইন্তর্নেস্নেলবু, মখোয়না হঞ্জিন-হঞ্জিন্না হায়জরক্লবসু, এফ.সি.আর.এ.গী অয়াবা অসি আইনগী মতুং ইন্না পীবা য়াদবা ওইবনা লৈবাক অসিদা পানখিবা সরকার খুদিংনা অয়াবা পীক্ষিদবনি। অদুবু, এফ.সি.আর.এ.গী কাঙলোন অসিবু শেমদোকহন্নবা হায়দুনা, এম্নেস্তী য়ু.কে.না ভারত্তা রেজিস্তর তৌবা এন্তিতী ৪দা য়াম্লবা শেনফম থাজিনলকখি অমসুং থাজিনলকখিবা শেনফমশিং অদুবু ফোরেন দাইরেক্ত ইনভেস্তমেন্ত (এফ.দি.আই.)নি হায়না অরানবা মরম পীখি। এফ.সি.আর.এ.গী মখাদা লৈবা এম.ঐচ.এ.গী অয়াবা য়াওদনা এম্নেস্তী ইন্দিয়াদসু মশক থোকপা শেনফমগী মীরমগী শেনফম অমা থারকখি। মসিগী কাঙলোন লান্না শেল থারকপগী থৌওং অসি হৌজিক চৎনরিবা আইনগী কাঙলোনগী ৱাংমদনি। অসিগুম্বা আইন্না য়াদবা এম্নেস্তীগী থৌওংশিং অসিনা মরম ওইবদগী, মমাংগী সরকারনা এম্নেস্তীনা মীরমদগী শেল ফংবা য়ানবা হন্না-হন্না হায়জরকপশিংগী অয়াবা অমত্তা পীখিদে। মসিগী থৌওং অসিদগী, এম্নেস্তীনা মতম অদুগী মনুংদগী হৌনা মখোয়গী থবক খুদিংমক লেপখি।

*****



(Release ID: 1702764) Visitor Counter : 94