ইনফোর্মেসন অমসুং ব্রোদকাস্তিং মন্ত্রালয়না ঙসি রাজ্য পুম্নমক্কী চীফ সেক্রেতরীশিং অমসুং য়ুনিয়ন তেরিতোরী পুম্নমক্কী এদমিনিস্ত্রেতরশিং অসিদা চিথী অমা ইদুনা থাখ্রে৷ চিথী অসিদা পল্লিবা ৱারোল অদুদি রুলশিং অসিগী পার্ত IIIগী মখাদা লৈরিবা পৱারশিং অসি ইনফোর্মেসন অমসুং ব্রোদকাস্তিংগী কেন্দ্রগী মন্ত্রালয়না চলাইরি হায়বা অসিনি৷ মসিগী পৱারশিং অসি রাজ্য সরকারশিং নত্রগা দিস্ত্রিক মেজিস্ত্রেত নত্রগা পুলিস কম্মিশনারশিং অসিদা খুৎশিন্নখিবা লৈতে হায়না চিথী অসিনা মখাতানা পল্লি৷

হায়রিবা ই-পাউ অসি রাজ্যশিং অমসুং য়ু.তি.শিং অসিগী মরী লৈনবা মীওইশিং অসিদা খঙহন্নবা হায়জরক্লি৷ দিজিতেল ন্যুজ অমসুং করেন্ত এফিয়র্সকী পব্লিসরশিং অমসুং ওনলাইন ক্যুরেতেদ কন্তেন্ত(ও.তি.তি. প্লেতফোর্মশিং)গী পব্লিসরশিং অসিগা মরী লৈনরিবা পার্ত IIIগী মখাদা লৈরিবা রুলশিং অসিগী প্রোবিজনশিং অসি চিথী অসিনা অমুক্কা হন্না ক্লেরিফাইদ তৌখ্রে৷ কোদ ওফ ইথিক্স অমগীদমক দিজিতেল ন্যুজ পব্লিসরশিং অমসুং ও.তি.তি. কন্তেন্তগী পব্লিসরশিং অসিনা ইনগদবা রুলশিং অদু চিথী অসিনা পল্লি৷ মখাতানা রুলশিং অসিনা তাইম-বাউন্দ গ্রিবেন্স দিস্পোজেল মেকীনিজমশিংগা লোইননা পব্লিসর(লেবেল-I), পব্লিসরশিং অসিনা শেম্লিবা সেল্ফ-রিগুলেতিং বোদী(লেবেল-II)অমসুং সরকার অসিগী ওভরসাইত মেকানিজম অমা (লেবেল-III) য়াওনা লেবেল অহুমগী গ্রিবেন্স রিদ্রেসেল মেকানিজম অমা চংই৷

অরোইবদা পব্লিসরশিং অসিনা ফোংলিবা ই-পাউশিং অসি সরকার অসিদা খঙহন্নবা অমসুং গ্রিবেন্স রিদ্রেসেলগী মরী লৈনবা ই-পাউ অদু ময়ামদা চাং নাইনা খঙহনবা অসি রুলশিং অসিদা মরু ওই৷

ইনফোর্মেসন তেক্নোলোজী এক্ত,২০০০গী মখাদা শেম্লিবা ইনফোর্মেসন তেক্নোলোজী (ইন্তরমেদিয়রী গাইদলাইনশিং অমসুং দিজিতেল মেদিয়া ইথিক্স কোদ) রুল্স ২০২১গী ফেব্রুৱারি ২৫দা ফোংখ্রে৷

                                                                                 *********