ঙসি জনঔশধি দিৱস ৱীক্কী অনিশুবা নুমিৎ অসিদা বি.পি.পি.আই. জন ঔশধি মিত্রা অমসুং জন ঔশধি কেন্দ্রগী মপুশিংনা দোক্তরশিং, হোস্পিতালশিং, ক্লিনিকশিং অমসুং অতোপ্পা স্তেকহোল্দরশিংগা লোইননা খুৎশম্নদুনা জন ঔশধি পরিচর্চা পাঙথোকখ্রে। পরিচর্চা অসিগী মনুংদা দোক্তরশিং অমসুং অতোপ্পা স্তেকহোল্দরশিংদা পি.এম.বি.জে.পি.গী মরু ওইবা ফীচরশিং অমসুং পান্দমশিংগী মতাংদা খঙহনখ্রে। মখোয়দা বি.পি.পি.আই.না ক্বালিতী লৈবা প্রদক্তশিং ফংহন্নবগীদমক ৱর্ল্দ হেল্থ ওর্গনাইজেসন – গুদ মেন্যুফেকচরিং প্রেক্তিসেস (দবল্যু.ঐচ.ও.-জি.এম.পি.) সর্তিফাইদ সপ্লাইয়রশিংদগী খক্তা হিদাক-লাংথকশিং লৈরি হায়নসু খঙহনখ্রে। মসিগী মথক্তা বেৎচ অমমমগী দ্রগ অসি ‘নেস্নেল এক্রেদিতেসন বোর্দ ফোর তেস্তিং এন্দ কেলিবরেসন লেবোরেতোরীজ’ (এন.এ.বি.এল.)না এক্রেদিতেদ তৌবা লেবোরেতরীশিংদা তেস্ত তৌখি। ক্বালিতী তেস্তশিং মাই পাক্লবা মতুংদা খক্তা হিদাক-লাংথকশিং অসি পি.এম.বি.জে.পি. কেন্দ্রশিংদা থাদোকখি।

প্রধান মন্ত্রী ভারত্তিয়া জনঔশধি পরিয়োজনা (পি.এম.বি.জে.পি.)গী ইমপ্লিমেন্তিং এজেনসী, ব্যুরো ওফ ফার্মা পি.এস.য়ু.স ওফ ইন্দিয়া (বি.পি.পি.আই.)না “সেৱা ভী – রোজগার ভী” হায়বা হিরমদা মার্চ ৭, ২০২১দা ৩শুবা জন ঔশাধি দিৱস পাল্লন তৌগনি। হেল্থ চেকঅপ কেম্পশিং, জন ঔশাধি পরিচর্চা, তীচ দেম য়ং, সুবিধা সে সম্মান অসিগুম্বা তোঙান তোঙানবা থৌরমশিং বি.পি.পি.আই.না পাঙথোক্তুনা জন ঔশাধি দিৱাস ৱীক চহি  মার্চ ০৭দগী পাল্লন তৌবা হৌখি।

ঙরাং মার্চ ১, ২০২১দগী পাল্লন তৌবা হৌখি মসিদা জন ঔশধি কেন্দ্রগী মপুশিংনা ব্লদ প্রেসর চেকঅপ, সুগর লেবেল চেকঅপ, লেম্না দোক্তর তান্নবা, লেম্না হিদাক-লাংথক য়েন্থোকপা অসিনচিংবা ফংহনখিবা হেল্থ চেক-অপ কেম্পশিং পাঙথোকখ্রে। লৈবাক অসিগী তোঙান তোঙানবা মফমশিংদা ঙসি হেল্থ চেক-অপ কেম্প ২০০০ হেন্না পাঙথোকখ্রে।

লৈবাক অসিদা মথৌ তৌরিবা জন ঔশধি কেন্দ্র ৭৪০০ হেন্না লৈ।  ঙসি ফাওবদা লৈবাক অসিগী জিলা পুম্নমক্তা লৈবা জন ঔশধি কেন্দ্রশিং অসি মথৌ তৌরি। মসিগী মথক্তা পি.এম.বি.জে.পি.গী মখাদা হিদাক-লাংথকশিং অসি মকোক থংবা ব্রান্দেদ ওইবা হিদাক-লাংথকশিংগী লৈরিবা মমলগী চাংচৎকী য়ামদ্রবদা ৫০%গী প্রিন্সিপলদা মমল লেপখি।  মরম অসিনা জন ঔশধিগী হিদাক-লাংথকশিং অসিগী মমল কৈথেলগী মমলদগী চাংচৎতা ৫০%দগী ৯০% হোংনা ফংহল্লি। পি.এম.বি.জে.পি.না ক্বালিতী লৈবা হিদাক-লাংথকশিংগী মমলশিং অসি চাউনা হন্থহনখি অমসুং মীচম প্রজাশিংদা মরু ওইনা লায়রবশিংদা ফংহন্নবা হোৎনখি।

*****