ଭାନକମ୍‌,

ତାମିଲନାଡୁର ରାଜ୍ୟପାଳ ତଥା ଏହି ବିଶ୍ୱବିଦ୍ୟାଳୟର କୁଳଧାପତି ଶ୍ରୀ ବନୱାରିଲାଲ ପୁରୋହିତ, କୁଳପତି ସୁଧା ସେଶାୟନ, ଅଧ୍ୟାପକ, କର୍ମଚାରୀ ଏବଂ ମୋର ପ୍ରିୟ ଛାତ୍ରଛାତ୍ରୀ ।

ଯେତେବେଳେ ତୁମେ ବିଭିନ୍ନ ମେଡିକାଲ, ଦନ୍ତ ଚିକିତ୍ସା କଲେଜରୁ ଡିଗ୍ରୀ ଏବଂ ଡିପ୍ଲୋମା ଅର୍ଜନ କରୁଛ, ଏହି ବିଶ୍ୱବିଦ୍ୟାଳୟର 33ତମ ସମାବର୍ତ୍ତନକୁ ଚିହ୍ନିତ କଲାବେଳେ ତୁମ ସହିତ ରହିବାରେ ମୋତେ ବହୁତ ଆନନ୍ଦ ମିଳୁଛି ।

ଆୟୁଷ ଏବଂ ପାରାମେଡିକାଲ୍ ପାଠ୍ୟକ୍ରମ । ମୋତେ କୁହାଯାଇଛି ଯେ ଆଜି 21 ହଜାରରୁ ଅଧିକ ପ୍ରାର୍ଥୀଙ୍କୁ ଡିଗ୍ରୀ ଏବଂ ଡିପ୍ଲୋମା ପ୍ରଦାନ କରାଯାଉଛି । କିନ୍ତୁ ତାହା ଗୋଟିଏ ପ୍ରସଙ୍ଗ ଥିଲା ଯାହା ମୁଁ ବିଶେଷ ଭାବରେ ଉଲ୍ଲେଖ କରିବାକୁ ଚାହୁଁଛି । ସଂଖ୍ୟା ସୂଚୀତ କରୁଛି ଯେ ପ୍ରାୟ 30% ପୁରୁଷ ଏବଂ 70% ମହିଳା ଅଟନ୍ତି । ଯେହେତୁ ମୁଁ ସମସ୍ତ ସ୍ନାତକମାନଙ୍କୁ ଅଭିନନ୍ଦନ ଜଣାଉଛି, ମୁଁ ମହିଳା ପ୍ରାର୍ଥୀମାନଙ୍କୁ ମଧ୍ୟ ମୋର ବିଶେଷ କୃତଜ୍ଞତା ଜଣାଉଛି । ମହିଳାମାନେ ଯେକୌଣସି କ୍ଷେତ୍ରରେ ଆଗକୁ ଆଗେଇ ଆସୁଥିବା ଦେଖିବା ସର୍ବଦା ସ୍ୱତନ୍ତ୍ର । ଯେତେବେଳେ ଏହା ଘଟେ ଏହା ଏକ ଗର୍ବ ଓ ଆନ୍ଦନର ମୂହୂର୍ତ୍ତ ।

ବନ୍ଧୁଗଣ,

ଆପଣ ସମସ୍ତଙ୍କ ଏବଂ ଏହି ଅନୁଷ୍ଠାନର ସଫଳତା ମହାନ MGR ଙ୍କୁ ବହୁତ ଖୁସି ଦେଉଥିବ ।

ତାଙ୍କର ଶାସନ ଗରିବଙ୍କ ପ୍ରତି ଦୟାରେ ପରିପୂର୍ଣ୍ଣ ଥିଲା । ସ୍ୱାସ୍ଥ୍ୟସେବା, ଶିକ୍ଷା ଏବଂ ମହିଳା ସଶକ୍ତିକରଣର ବିଷୟଗୁଡ଼ିକ ତାଙ୍କ ପାଇଁ ପ୍ରିୟ ଥିଲା । କିଛି ବର୍ଷ ପୂର୍ବେ, ମୁଁ ଶ୍ରୀଲଙ୍କା ଯାଇଥିଲି, ଯେଉଁଠାରେ MGR ଜନ୍ମ ହୋଇଥିଲେ ।  ସ୍ୱାସ୍ଥ୍ୟସେବା କ୍ଷେତ୍ରରେ ଶ୍ରୀଲଙ୍କାରେ ଆମର ତାମିଲ ଭଉଣୀ ଏବଂ ଭାଇମାନଙ୍କ ପାଇଁ କାମ କରିଥିବାରୁ ଭାରତ ଗୌରବାନ୍ୱିତ ।  ଭାରତ ଦ୍ୱାରା ଆର୍ଥିକ ଅନୁଦାନ ପ୍ରାପ୍ତ ଏକ ମାଗଣା ଆମ୍ବୁଲାନ୍ସ ସେବା ତାମିଲ ସମ୍ପ୍ରଦାୟ ଦ୍ୱାରା ବହୁଳ ଭାବରେ ବ୍ୟବହୃତ ହେଉଛି । ଡିକୋୟା ଠାରେ ହସ୍ପିଟାଲର ଉଦଘାଟନୀ ସମାରୋହକୁ ମୁଁ କେବେବି ଭୁଲି ପାରିବି ନାହିଁ ।  ଏହା ଏକ ଆଧୁନିକ ଡାକ୍ତରଖାନା ଯାହା ଅନେକଙ୍କୁ ସାହାଯ୍ୟ କରିବ । ସ୍ୱାସ୍ଥ୍ୟସେବା କ୍ଷେତ୍ରରେ ଏହି ପ୍ରୟାସ, ଏବଂ ତାମିଲ ସମ୍ପ୍ରଦାୟ ପାଇଁ ମଧ୍ୟ MGR ଙ୍କୁ ବହୁତ ଖୁସି ଦେଉଥିବ ।

ଛାତ୍ର ବନ୍ଧୁ,

ଏହା ହେଉଛି ସେହି ସମୟ ଯେତେବେଳେ ତୁମେ ତୁମର ଜୀବନର ଏକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟରୁ ଅନ୍ୟ ଏକ ସ୍ଥାନକୁ ଯିବ ।

ଏହା ହେଉଛି ସେହି ସମୟ ଯେତେବେଳେ ତୁମେ ଶିଖିବା ଠାରୁ ଆରୋଗ୍ୟକୁ ଯିବ । ଏହା ହେଉଛି ସେହି ସମୟ ଯେତେବେଳେ ତୁମେ ତୁମର ପରୀକ୍ଷାରୁ ସଫଳତା ପାଇବା ସହିତ ସମାଜରେ ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯିବ ।

ବନ୍ଧୁଗଣ,

COVID-୧୯ ମହାମାରୀ ବିଶ୍ୱ ପାଇଁ ସମ୍ପୂର୍ଣ୍ଣ ଅପ୍ରତ୍ୟାଶିତ ଘଟଣା ଥିଲା । କୌଣସି ଜିନିଷ ପାଇଁ ପୂର୍ବ-ପ୍ରସ୍ତୁତ ଫର୍ମୁଲା ନଥିଲା । ଏଭଳି ସମୟରେ ଭାରତ କେବଳ ଏକ ନୂଆ ରାସ୍ତା ତିଆରି କରିନାହିଁ ବରଂ ଅନ୍ୟମାନଙ୍କୁ ଏହା ସହିତ ଚାଲିବାରେ ମଧ୍ୟ ସାହାଯ୍ୟ କରିଛି । ମୃତ୍ୟୁ ହାରରେ ଭାରତ ସର୍ବନିମ୍ନ ସ୍ତରରେ ରହିଛି । ଆରୋଗ୍ୟ ହାର ଅଧିକ । ଭାରତ ବିଶ୍ୱ ପାଇଁ ଔଷଧ ଉତ୍ପାଦନ କରୁଛି ଏବଂ ବିଶ୍ୱ ପାଇଁ ଟିକା ପ୍ରସ୍ତୁତ କରୁଛି । ଆପଣ ଏପରି ସମୟରେ ସ୍ନାତକ ହାସଲ କରୁଛନ୍ତି ଯେତେବେଳେ ଭାରତୀୟ ଡାକ୍ତରୀ ବୃତ୍ତିଧାରୀ, ବୈଜ୍ଞାନେିକ ଏବଂ ଫାର୍ମା ବୃତ୍ତିଧାରୀମାନଙ୍କ ପାଇଁ ବହୁତ ପ୍ରଶଂସା ଏବଂ ସମ୍ମାନ ଅଛି । ମୋଟ ଉପରେ, ଭାରତୀୟ ସ୍ୱାସ୍ଥ୍ୟ ବ୍ୟବସ୍ଥାକୁ ନୂତନ ଦୃଷ୍ଟି, ନୂତନ ସମ୍ମାନ ଏବଂ ନୂତନ ବିଶ୍ୱସନୀୟତାରେ ଦେଖାଯାଉଛି । ଅବଶ୍ୟ, ଏହାର ଅର୍ଥ ହେଉଛି ଯେ ବିଶ୍ୱ ଆପଣଙ୍କଠାରୁ ଅଧିକ ଆଶା କରିବ, ଯାହା ଆପଣଙ୍କର ଯୁବ ଏବଂ ମଝବୁତ କାନ୍ଧ ଉପରେ ଏକ ଦାୟିତ୍ୱ ଅଟେ । ଏହି ମହାମାରୀରୁ ଶିକ୍ଷା ଆମକୁ ଯକ୍ଷ୍ମା ଭଳି ଅନ୍ୟ ରୋଗ ସହିତ ଲଢିବାରେ ସାହାଯ୍ୟ କରିବ ।

ବନ୍ଧୁଗଣ,

ଥିରୁଭାଲୁଭର୍ କହିଛନ୍ତି: ଅସୁସ୍ଥ, ଡାକ୍ତର, ଔଷଧ ଏବଂ ଯତ୍ନ ନେଉଥିବା ବ୍ୟକ୍ତି, ଏହି ସମସ୍ତ ଚାରିଟିକୁ ଚିକିତ୍ସା ଅନ୍ତର୍ଭୁକ୍ତ କରନ୍ତି । ସମଗ୍ର ମହାମାରୀ ଏବଂ ବ୍ୟାଘାତର ମଧ୍ୟଭାଗରେ, ଏହି ଚାରୋଟି ସ୍ତମ୍ଭ ମଧ୍ୟରୁ ପ୍ରତ୍ୟେକ ଅଜଣା ଶତ୍ରୁ ସହିତ ଯୁଦ୍ଧ କରିବା ପାଇଁ ସମ୍ମୁଖଭାଗରେ ଥିଲେ । ଯେଉଁମାନେ ଏହି ଭୂତାଣୁ ସହିତ ଲଢେଇ କରିଥିଲେ ସେମାନେ ମାନବିକତାର ଯୋଦ୍ଧା ଭାବରେ ଉଭା ହୋଇଥିଲେ ।

ବନ୍ଧୁଗଣ,

ଆମେ ସମଗ୍ର ଡାକ୍ତରୀ ଶିକ୍ଷା ଏବଂ ସ୍ୱାସ୍ଥ୍ୟସେବା କ୍ଷେତ୍ରରେ ପରିବର୍ତ୍ତନ ଆଣୁଛି । ଜାତୀୟ ମେଡିକାଲ ଆୟୋଗ ବହୁତ ସ୍ୱଚ୍ଛତା ଆଣିବେ । ନୂତନ ମେଡିକାଲ କଲେଜ ଗଠନ ପାଇଁ ଏହା ସରଳ ଓ ଯୁକ୍ତିଯୁକ୍ତ କରିବ । ଏହା ମଧ୍ୟ ଏହି କ୍ଷେତ୍ରରେ ମାନବ ସମ୍ବଳର ଗୁଣବତ୍ତା ଏବଂ ଉପଲବ୍ଧତାକୁ ଉନ୍ନତ କରିବ । ଗତ ଛଅ ବର୍ଷ ମଧ୍ୟରେ, MBBS ଆସନ 30 ହଜାରରୁ ଅଧିକ ବୃଦ୍ଧି ପାଇଛି, ଯାହାକି 2014 ଠାରୁ 50% ରୁ ଅଧିକ ବୃଦ୍ଧି ପାଇଛି । ପିଜି ଆସନ ସଂଖ୍ୟା 24 ହଜାର ବୃଦ୍ଧି ପାଇଛି ଯାହା 2014 ଠାରୁ ପ୍ରାୟ 80% ବୃଦ୍ଧି ପାଇଛି । 2014 ରେ ଦେଶରେ 6 ଟି AIIMS ଥିଲା ।  ଗତ 6 ବର୍ଷ ମଧ୍ୟରେ, ଆମେ ସାରା ଦେଶରେ 15 ଟି AIIMS ଅନୁମୋଦନ କରିଛୁ । ତାମିଲନାଡୁ ଏହାର ଡାକ୍ତରୀ ଶିକ୍ଷା ପାଇଁ ବେଶ୍‍ ଜଣାଶୁଣା । ରାଜ୍ୟରୁ ଆମର ଯୁବକମାନଙ୍କୁ ଅଧିକ ସାହାଯ୍ୟ କରିବା ପାଇଁ ଆମ ସରକାର ରାଜ୍ୟରେ 11 ଟି ନୂତନ ମେଡିକାଲ କଲେଜ ପ୍ରତିଷ୍ଠା କରିବାକୁ ଅନୁମତି ଦେଇଛନ୍ତି । ଏହି ନୂତନ ମେଡିକାଲ କଲେଜଗୁଡ଼ିକ ସେହି ଜିଲ୍ଲାମାନଙ୍କରେ ପ୍ରତିଷ୍ଠା ହେବ ଯେଉଁଠାରେ ବର୍ତ୍ତମାନ ମେଡିକାଲ କଲେଜ ନାହିଁ । ଏହି ପ୍ରତ୍ୟେକ କଲେଜ ପାଇଁ ଭାରତ ସରକାର ୨ ହଜାରରୁ ଅଧିକ କୋଟି ଟଙ୍କା ପ୍ରଦାନ କରିବେ ।

ବଜେଟରେ 64 ହଜାର କୋଟିରୁ ଅଧିକ ଅର୍ଥ ବ୍ୟୟ ଅଟକଳ କରି ଆମେ ପ୍ରଧାନମନ୍ତ୍ରୀ ଆତ୍ମ ନିର୍ଭର ସ୍ୱାସ୍ଥ୍ୟ ଭାରତ ଯୋଜନା ଘୋଷଣା କରିଛୁ । ଏହା ନୂତନ ଏବଂ ଉଭା ହେଉଥିବା ରୋଗର ଚିହ୍ନଟ ଏବଂ ଉପଶମ ପାଇଁ ପ୍ରାଥମିକ, ଦ୍ୱିତୀୟ ଏବଂ ତୃତୀୟ ସ୍ତରରେ ସ୍ୱାସ୍ଥ୍ୟସେବା କ୍ଷମତା ବୃଦ୍ଧି କରିବ । ଆମର ଆୟୁଷ୍ମାନ ଭାରତ ହେଉଛି ବିଶ୍ୱର ସର୍ବ ବୃହତ୍‍ ସ୍ୱାସ୍ଥ୍ୟ ନିଶ୍ଚିତତା କାର୍ଯ୍ୟକ୍ରମ ଯାହା 50 କୋଟି ଲୋକଙ୍କୁ 1600 ଚିକିତ୍ସାଳୟରେ ଡାକ୍ତରୀ ଏବଂ ଏବଂ ଅପରେସନ ପଦ୍ଧତିରେ ଚିକିତ୍ସାସେବା ପ୍ରଦାନ କରୁଛି ।

ଜନ ଔଷଧି କେନ୍ଦ୍ରଗୁଡିକ 7000 ରୁ ଅଧିକ ସଂଖ୍ୟାରେ ସମ୍ପ୍ରସାରିତ ହେବା ସହିତ ବହୁ ଶସ୍ତା ମୂଲ୍ୟରେ ଔଷଧ ଯୋଗାଇ ଦିଆଯାଉଛି ।  ବିଭିନ୍ନ ମେଡିକାଲ ଉପକରଣ ଯଥା ଷ୍ଟେଣ୍ଟ୍‍ସ ଏବଂ ଆଣ୍ଠୁ ପ୍ରତିରୋପଣ ଭଳି ଚିକିତ୍ସା ସାମଗ୍ରୀ ଆମ ଦେଶରେ ବହୁ ଶସ୍ତା ହୋଇଛି, ଯାହା କୋଟି କୋଟି ଅସହାୟ ଲୋକଙ୍କୁ ସାହାଯ୍ୟ କରୁଛି ।

ବନ୍ଧୁଗଣ,

ଡାକ୍ତରମାନେ ଆମ ଦେଶର ସବୁଠାରୁ ସମ୍ମାନଜନକ ବୃତ୍ତିଧାରୀଙ୍କ ମଧ୍ୟରେ ଅଛନ୍ତି । ମହାମାରୀ ପରେ ଆଜି ଏହି ସମ୍ମାନ ଆହୁରି ବୃଦ୍ଧି ପାଇଛି । ଏହି ସମ୍ମାନ ବୃଦ୍ଧିର କାରଣ ହେଉଛି ଲୋକମାନେ ତୁମର ବୃତ୍ତିର ଗମ୍ଭୀରତାକୁ ଜାଣିଲେ, ଯେତେବେଳେ ଅନେକ ଥର କେତେକଙ୍କ ପାଇଁ ଏହା ଜୀବନ ଏବଂ ମୃତ୍ୟୁର ପ୍ରଶ୍ନ ହୋଇଛି । ତଥାପି, ଗମ୍ଭୀର ହେବା ଏବଂ ଗମ୍ଭୀର ଦେଖାଯିବା ଦୁଇଟି ଭିନ୍ନ ବିଷୟ ।  ମୁଁ ତୁମ ସମସ୍ତଙ୍କୁ ଅନୁରୋଧ କରୁଛି ତଥାପି ତୁମର ହାସ୍ୟରସ ଭାବନାକୁ ଅକ୍ଷୁର୍ଣ୍ଣ ରଖ । ଏହା ମଧ୍ୟ ତୁମ ରୋଗୀଙ୍କୁ ଉତ୍ସାହିତ କରିବ ଏବଂ ସେମାନଙ୍କର ମନୋବଳକୁ ଉଚ୍ଚ ରଖିବାରେ ସାହାଯ୍ୟ କରିବ । ମୁଁ କିଛି ଡାକ୍ତରଙ୍କୁ ଦେଖିଛି, ଯେଉଁମାନେ ସେମାନଙ୍କ କାର୍ଯ୍ୟରେ ପାରଦର୍ଶୀ କିନ୍ତୁ ରୋଗୀ ଏବଂ କର୍ମଚାରୀଙ୍କ ସହିତ ସେମାନଙ୍କର ହାସ୍ୟରସ ବାର୍ତ୍ତାଳାପ ସହିତ ଡାକ୍ତରଖାନା ପରିସରକୁ ଆଲୋକିତ କରନ୍ତି । ଏହା ମଧ୍ୟ ଲୋକଙ୍କୁ ଆଶା ଦେଇଥାଏ, ଯାହା ଆରୋଗ୍ୟ ହେବାରେ ଗୁରୁତ୍ୱପୂର୍ଣ୍ଣ । ତୁମର ହାସ୍ୟରସ ଭାବନାକୁ ସୁସ୍ଥ ରଖିବା ସହିତ ଏପରି ଉଚ୍ଚ ଚାପ ବୃତ୍ତିରେ ନିଜର ଶାରୀରିକ ଏବଂ ମାନସିକ ସ୍ୱାସ୍ଥ୍ୟର ଯତ୍ନ ନେବାରେ ମଧ୍ୟ ସାହାଯ୍ୟ କରିବ । ଆପଣ ହେଉଛନ୍ତି ସେହି ବ୍ୟକ୍ତି ଯେଉଁମାନେ ଦେଶର ସ୍ୱାସ୍ଥ୍ୟର ଯତ୍ନ ନିଅନ୍ତି ଏବଂ ଆପଣ ଯଦି ଆପଣଙ୍କର ସ୍ୱ୍ୱାସ୍ଥ୍ୟ ଏବଂ ସୁସ୍ଥତା ଉପରେ ଧ୍ୟାନ ଦିଅନ୍ତି ତେବେ ଆପଣ ଏହା କରିପାରିବେ । ଯୋଗ, ଧ୍ୟାନ, ଦୌଡିବା, ସାଇକେଲ ଚଲାଇବା - କିଛି ଫିଟନେସ୍ ନିୟମକୁ ବାଛନ୍ତୁ ଯାହା ମଧ୍ୟ ତୁମର ସୁସ୍ଥତା ପାଇଁ ସାହାଯ୍ୟ କରେ ।

ବନ୍ଧୁଗଣ,

ସ୍ୱାମୀ ବିବେକାନନ୍ଦଙ୍କ ଗୁରୁ ଶ୍ରୀ ରାମକୃଷ୍ଣ ପରମହଂସ କହୁଥିଲେ “ଶିବ ଜ୍ଞାନେ ଜୀବ ସେବା”- ଯାହାର ଅର୍ଥ ହେଉଛି, ଲୋକଙ୍କ ସେବା କରିବା ଶିବ କିମ୍ବା ଭଗବାନଙ୍କ ସେବା କରିବା ସହିତ ସମାନ । ଯଦି ଏପରି କେହି ଅଛନ୍ତି, ଯିଏ ଏହି ଉତ୍ତମ ଆଦର୍ଶକୁ ଆକ୍ଷରିକ ଭାବରେ ବଞ୍ଚିିବାର ସବୁଠାରୁ ବଡ଼ ସୁଯୋଗ ପାଇଛନ୍ତି, ଏହା ହେଉଛି ଡାକ୍ତରୀ ବୃତ୍ତି ।  ତୁମର ଲମ୍ବା କ୍ୟାରିଅରରେ, ବୃତ୍ତିଗତ ଭାବରେ ଆଗକୁ ବଢ ଏବଂ ସେହି ଏକା ସମୟରେ, ତୁମର ନିଜସ୍ୱ ଅଭିବୃଦ୍ଧିକୁ କେବେ ଭୁଲିବ ନାହିଁ । ବ୍ୟକ୍ତିଗତ ସ୍ୱାର୍ଥ ଉପରକୁ ଉଠ । ଏପରି କରିବା ଦ୍ୱାରା ଆପଣ ର୍ନିଭୀକ ହେବେ ।

ବନ୍ଧୁଗଣ,

ଯେଉଁମାନେ ଡିଗ୍ରୀ ପାଇଛନ୍ତି ସେମାନଙ୍କୁ ପୁଣି ଥରେ ଅଭିନନ୍ଦନ । ଏହି ଶବ୍ଦଗୁଡ଼ିକ ସହିତ ମୁଁ ମୋର ବକ୍ତବ୍ୟ ସମାପ୍ତ କରୁଛି ଏବଂ ଏହି ଉତ୍ସାହଜନକ କ୍ଷେତ୍ରରେ ଆପଣ ସମସ୍ତଙ୍କୁ ଏକ ଉଦ୍ଦେଶ୍ୟସାଧନ, ଚମତ୍କାର ଏବଂ ଚ୍ୟାଲେଞ୍ଜିଂ କ୍ୟାରିୟର କାମନା କରୁଛି ।

ଧନ୍ୟବାଦ

***

HS