প্ৰধানমন্ত্ৰীৰ কাৰ্যালয়

২৭ ফেব্ৰুৱাৰীত প্ৰধানমন্ত্ৰীয়ে মুকলি কৰিব ভাৰতীয় পুতলা মেলা ২০২১

Posted On: 25 FEB 2021 3:13PM by PIB Guwahati

প্ৰধানমন্ত্ৰী শ্ৰী নৰেন্দ্ৰ মোদীয়ে ২৭ ফেব্ৰুৱাৰী তাৰিখে পুৱা ১১ বজাত ভিডিঅ’ কনফাৰেন্সিং যোগে ভাৰতীয় পুতলা মেলা ২০২১ মুকলি কৰিব৷

শিশুৰ মনস্তত্বত পুতলাই এক উল্লেখযোগ্য ভূমিকা পালন কৰাৰ লগতে শিশুৰ জ্ঞানীয় বিকাশৰো উত্তৰণ কৰে৷ আগষ্ট ২০২০ৰ ‘মন কী বাত’ত প্ৰধানমন্ত্ৰীয়ে এই বিষয়ে উল্লেখ কৰিছিল৷ শিশুৰ সামূহিক বিকাশত পুতলাৰ ভূমিকাৰ বিষয়ে আলোকপাত কৰি প্ৰধানমন্ত্ৰীয়ে ভাৰততে পুতলা নিৰ্মাণৰ ওপৰত গুৰুত্ব দিছিল৷ প্ৰধানমন্ত্ৰীৰ সেই বীক্ষণ বাস্তৱায়িত কৰাৰ বাবে ভাৰতীয় পুতলা মেলা ২০২১ৰ আয়োজন কৰিবলৈ ওলোৱা হৈছে৷

মেলাৰ বিষয়ে

এই মেলাখন ২৭ ফেব্ৰুৱাৰীৰ পৰা  ২ মাৰ্চ ২০২১ তাৰিখলৈ অনুষ্ঠিত হ’ব৷ ইয়াৰ জৰিয়তে ক্ৰেতা, বিক্ৰেতা, শিক্ষাৰ্থী, শিক্ষক, ডিজাইনাৰকে ধৰি সকলো ষ্টেকহ’ল্ডাৰক একেখন ভাৰ্চুৱেল প্লেটফ’ৰ্মত একত্ৰিত কৰাৰ প্ৰয়াস কৰা হৈছে৷

৩০ খন ৰাজ্য তথা কেন্দ্ৰীয়শাসিত প্ৰদেশৰ পৰা  ১০০০তকৈও  অধিক প্ৰদৰ্শনকাৰীয়ে তেওঁলোকৰ সামগ্ৰীসমূহ এই ভাৰ্চুৱেল প্ৰদৰ্শনীত প্ৰদৰ্শন কৰিব৷

 

******

DS/SH/MANN


(Release ID: 1700985)
Read this release in: Telugu , Malayalam , English , Urdu , Marathi , Hindi , Bengali , Manipuri , Punjabi , Gujarati , Odia , Tamil , Kannada