এদভোকেসী, কম্ম্যুনিকেসন অমসুং সোসিএল মোবিলাইজেসন (এ.সি.এস.এম.) য়াওবা ত্যুবরক্যুলোসিসকী মায়োক্তা জন অন্দোলন অমা হৌদোক্নবা কেন্দ্রগী হকশেল মন্ত্রালয় অমসুং অতোপ্পা দিবেলপমেন্ত পার্তনরশিংগী মকোক থোংবা ওফিসিএলশিংগা লোইননা পাঙথোকপা অৱাংবা থাক্কী মীফম অমদা ঙসি হকশেল অমসুং য়াইফ-য়ুম্বালগী কেন্দ্রগী মন্ত্রী, দা. হর্শ বর্ধন্না ময়াই তাংবল লৌখ্রে।
অহৌবদা দা. হর্শ বর্ধন্না ভারত সরকারনা নেস্নেল ত্যুবরক্যুলোসিস ইলিমিনেসন প্রোগ্রাম (এন.তি.ই.পি.)গী মখাদা তি.বি. লাইনা লাকশিন্নবা থৌগৎনিংঙাই ওইবা খোঙথাং অমসুং রিসোর্স অনিমক্না চাউনা মতেং পীদুনা তোঙান তোঙানবা খোঙথাংশিং লৌখৎখি হায়না ফোঙদোকখি। হৌখিবা চহি খরা অসিদা অনাবা মীওই পুম্নমক্তা মখোয়না কদায়দা কিয়র পাম্মীবনো হায়বা থীদনা লেম্না অমদি অফবা ক্বালিতীগী তি.বি. কিয়র পীবদা চাউনা খুমাং চাউশিনখি হায়না মন্ত্রীনা ফোঙদোক্লদুনা মহাক্না হায় “ঐখোয়না ২০২১ অসি ত্যুবরক্যুলোসিসকী চহি ওইহনবা পাম্মী,” অমসুং মসিনা ফংলিবা কান্নবশিং অসিনা সর্ভিসকী দিমান্দ চাউনা হেনগৎহনবদা, লাইনা অসি দি-স্তিগমাতিজ তৌবদা অমসুং ২০২৫ ফাওবদা তি.বি.-ফ্রী ইন্দিয়া অমা ওইনবা পান্দম অসি মঙফাওনবদা মতেং পাংগনি হায়না মহাক্না থাজবা থমখিবা অদু ফোঙদোকখ্রে।

লাইনা অসি পুন্না লাকশিনবদা অনৌবা এপ্রোচশিংগী মরু ওইবা অমসুং তি.বি. ফ্রী ইন্দিয়াগী পান্দম ফংনবা খুমাং চাউশিনহনবা অমসুং লেপ্পা লৈতনা মীৎয়েং চংবা মথৌ তাই হায়রদুনা মন্ত্রীনা হায়, “অমরোমদা নেস্নেল ত্যুবরক্যুলোসিস ইলিমিনেসন প্রোগ্রামনা তি.বি. মেনেজমেন্ত অমসুং সর্ভিস দেলিবরীগী মপাঙ্গল কনখৎনবা হোৎনরিবশিং অসি হেনগৎনবা মখা তানা হোৎনরবসু মীয়াম্না পুম্বনা এৱের্নেস পীবা, মখোয়গী কম্ম্যুনিতীশিংগী মনুং অদুমক্তদা হেল্থ কিয়র লৌবগী শাজৎ অসি থৌগৎপা, অমসুং তি.বি.বু দি-স্তিগমাতিজেসন তৌবা অসিগী খুত্থাংদা দেমোক্রেসী অমসুং জন অন্দোলনগী থৌনা লিংজেল অদু শিজিনবনা লাইনা অসিগী মায়োক্তা চংশিনবদা মাই পাকপা ঙমগনি।” মহাক্কী ৱাখল খক্তদগী পুথোকখিবা ইহৌ অসিগী য়ুম্ফমগী য়ুম্বীশিং ওইনা তি.বি. রেস্পোন্সকী তোঙান তোঙানবা তাঙ্ককশিংদা খোঙজেল য়াংনা মীশিং য়াম্না য়ৌশিনবা, মপুং ফানা শরুক য়াহনবা অমসুং কম্ম্যুনিতীশিং অমসুং কম্ম্যুনিতীদা য়ুম্ফম ওইবা গ্রুপশিংগী মরু ওইবা অদু মহাক্না থমখি।

কোবিদ-১৯ মেনেজমেন্তদা ভারতনা লাইচৎ অসি মাই পাক্না লাকশিনবা খক্তা নত্তনা মালেমনা সোল্যুসনশিং, দাইগ্নোস্তিকশিং অমসুং বেক্সিনশিংগীদমক ভারত্তা থাজবা থম্বগা লোইননা আশাগী মঙাল ওইরিবা অসিদগী তমহৌবা পরাশিংদগী ইথিলশিং লৌদুনা দা. হর্শ বর্ধন্না হায়, “লাইচৎ অসিনা মরিক চুম্বা ইপাউ অমসুং চুন্নবা চৎন-লোনচৎ অমসুং লুনান্না থম্বা অসিগী মরমদা ভাব তাহন্নবা অকনা মওংদা পাউজেল পীবগী মথৌ তাবা অদুদা অমুক হন্না মীৎয়েং চংহনখি। মসিগা মান্ননা তি.বি.গী লাইওংশিংগী মতাংদা লৈবাক শিনবা থুংনা পাউজেল পীবনা নোতিফিকেসনগী থাকশিং ৱাংখৎহনগনি অমসুং লৈবাক অসিদা তি.বি. লাইনা লাকশিনবগা মরী লৈনবা চেকশিল থৌরাংগী ওইবা চৎন-লোনচৎকী এৱের্নেস পীগনি।” মহাক্না পোলিয়োগী মায়োক্তা এৱর্নেস পীনবা য়ুম্লোন্নরিবা কেমিস্ত দুকানশিংনা শরুক য়াশিনদুনা মহাক্না দিল্লীগী হকশেল মন্ত্রী ওইনা লৌখৎখিবা খোঙথাংশিং অদু নৌহৌননা ফোঙদোকখি।

তি.বি. প্রোগ্রামগী মখাদা ফংলিবা সর্ভিসশিংদা দিমান্দ লৈহন্নবা অমসুং এৱের্নেস পীনবা তোঙান তোঙানবা এদভোকেসী অমসুং কম্ম্যুনিকেসনশিংগী এপ্রোচশিং শিজিন্নদুনা ওন-গ্রাউন্দ প্রোগ্রাম দেলিবরী মপাঙ্গল হাপদা মতেং পাংনবা লৈবাক্কী অমসুং রাজ্যশিংগী ওইনা অনিমক্তা ভারত সরকারনা হোৎনরিবশিং অসি শৌগৎনবা দিবেলপমেন্ত পার্তনরশিংগা লোইননা চুংশিন্নদুনা লিংখৎনবা প্রপোজ তৌখিবা নেস্নেল তেক্নিকেল সপ্পোর্ত য়ুনিৎ (এন.তি.এস.য়ু.) অমগী খন্ন-নৈনবদা মহাক্না ময়াই তাংবল লৌখি।

থৌরম অসিদা শরুক য়াখিবা তি.বি.প্রোগ্রামগা লোইননা থবকতৌমিন্নরিবা দিবেলপমেন্ত পার্তনরশিংনা হৌখিবা চহি খরা অসিদা মখোয়গী থবক্না পীখিবা কান্নবা অদু পাউদমখি অমসুং প্রপোজ তৌরিবা জন অন্দোলনগী ইহৌ অসি শৌগৎনবা মখোয়গী থৌরাংশিং অদু পাউদমখি।

কেন্দ্রগী হকশেলস সেক্রেতরী, শ্রী রাজেশ ভুশন, এদিস্নেল সেক্রেতরী (হেল্থ) শ্রীমতি আর্তি অহুজা. দি.জি.ঐচ.এস. দা. সুনিল কুমার অমসুং মন্ত্রালয়গী অতোপ্পা মকোক থোংবা ওফিসিএলশিংনা শরুক য়াখি। থৌরম অদুদা কন্ত্রী রিপ্রজেন্তেতিব, ভারত (দবল্যু.ঐচ.ও.) দা. রোদেরিকো ওফরিন অমসুং বি.এম.জি.এফ. অমসুং য়ু.এস.এ.আই.দি.গুম্বা দিবেলপমেন্ত পার্তনরশিংগী মীহুৎশিংসু শরুক য়াখি।

****