প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দল মীফমনা শেনবা চহি ২০২০-২১দগী ২০২৮-২৯ ফাওবগী মতমগী ওইনা ফার্মাকোতিকেলশিংগী প্রদক্সন লিঙ্ক ইন্সেন্তিব (পি.এল.আই.) স্কীম অয়াবা পীখ্রে।

স্কীম অসিনা দোমেস্তিক মেন্যুফেকচর্রশিংদা কান্নবা পীগনি, থবক পীবদা মতেং ওইগনি অমসুং কঞ্জুমরশিংদা মখল কয়াগী হিদাক-লাংথক হোংনা ফংহনবদসু মতেং পাংলবা য়াই।

স্কীম অসিনা লৈবাক অসিদা হায় ভেল্যু প্রদক্তশিং পুথোকপদা থৌগৎকনি অমসুং এক্সপোর্তকী ভেল্যু এদিসন হেনগৎহনগনিহায়না পান্নরি। ২০২২-২৩দগী ২০২৭-২৮গী চহি তরুক্কী মতমগী মনুংদা অপুনবা ইনক্রিমেন্তেল সেল্স লুপা করোর ২,৯৪,০০০ অমসুং অপুনবা ইনক্রিমেন্তেল এক্সপোর্ত লুপা করোর ১,৯৬,০০০ ওইগনি পান্নরি।

স্কীম অসি স্কিল অমসুং অন-স্কিল পর্সনেল অনিমকঈ থবক চাউনা পীরগনি, সেক্তর অসিদা গ্রোথ লৈবনা মরম ওইরগা হকথেংননা থব ২০,০০০ অমসুং নাকোইননা থবক ৮০,০০০ পীরবা য়াই।

মসিনা থোরক্লিবা থেরাপীশিংগী প্রদক্তশিং অমসুং ইন-ভিত্রো দাইগ্নোস্তিক দিভাইসশিং য়াওনা কম্প্লেক্স অমসুং হায়-তেক প্রদক্তশিং পুথোক্নবগী ইন্নোবেসন থৌগৎতুনা মরু ওইবা দ্রগশিংদা মীপাল লাংহল্লরোই হায়না পান্নরি। মসিনসু ভারতকী মীয়ামদা ওর্ফান দ্রগশিং য়াইনা মেদিকেল দ্রগশিং ফংহনবা অমদি হোংদোকহনবা হেনগৎলবা য়াই। স্কীম অসিনা ফার্মাকোতিকেল্স সেক্তরদা লুপা করোর ১৫,০০০গী ইনবেস্তমেন্ত তৌহল্লবা য়াই।

স্কীম অসি দিবেলপমেন্ত ওফ ফার্মাকোতিকেল্স ইন্দস্ত্রীগী অমব্রেলা স্কীমগী শরুক ওইগনি। স্কীমগী পান্দমদি সেক্তর অসিদা ইনবেস্তমেন্ত অমসুং প্রদক্সন হেনগৎহনদুনা অমসুং ফার্মাকোতিকেল সেক্তরদা হায় ভেল্যু গুদশিং ফাওবা প্রদক্ত দাইভর্সিফিকেসন তৌদুনা ভারতকী মেন্যুফেকচরিংগী মতিক-ময়াই হেনগৎহনবনি। স্কীম অসিগী অতোপ্পা পান্দম অমনা কত্তিং এদজ তেক্নোলোজী শিজিন্নদুনা সাইজ অমসুং স্কেলদা খুমাং চাউশিনবা ঙম্বগী পোতেন্সিএল লৈবা ভারতবু গ্লোবেল চেম্পিয়ন ওইহনবা অমদি গ্লোবেল ভেল্যু চেনশিংদা চংশিনবা অসিনি।

স্কীম অসিগী মরু ওইবা ফীচরশিং মখাদা পীরি:-

তার্গেৎ গ্রুপশিং:

ফার্মাকোতিকেল ইন্দস্ত্রীশিংদা স্কীম অসি চাউনা এপ্লাই তৌবা য়ানবা অমসুং মসিগা ইরোইননা স্কীম অসিগী পান্দমশিং থুংহনবা ঙম্নবা ভারত্তা রেজিস্তর তৌখিবা ফার্মাকোতিকেল্স গুদশিং শারিবশিং অসি মখোয়গী গ্লোবেল মেন্যুফেকচরিং রিভেন্যু (জি.এম.আর.)দা য়ুম্ফম ওইরগা গ্রুপশিং খাইদোকখি।  এপ্লিকেন্তশিংগী গ্রুপ অহুমগী ক্বালিফাইয়িং ক্রাইতেরিয়া অসি মখাদা পীরিবা অসি ওইগনি-

(a) গ্রুপ এ: ‌এপ্লিকেন্তশিংনা ফার্মাকোতিকেল গুদশিংগী গ্লোবেল মেন্যুফেকচরিং রিএন্যু (এফ.ৱাই. ২০১৯-২০) অসি লুপা করোর ৫,০০০দগী হেনবা নত্ত্রগা মান্নবা ওইগদবনি।

(b) গ্রুপ বি: এপ্লিকেন্তশিংনা ফার্মাকোতিকেল গুদশিংগী গ্লোবেল মেন্যুফেকচরিং রিএন্যু (এফ.ৱাই. ২০১৯-২০) অসি লুপা করোর ৫০০ (ইনক্লুসিব)দগী লুপা করোর ৫,০০০ ফাওবগী মরক্তা লৈবা ওইগদবনি।

 (c) গ্রুপ সি: এপ্লিকেন্তশিংনা ফার্মাকোতিকেল গুদশিংগী গ্লোবেল মেন্যুফেকচরিং রিএন্যু (এফ.ৱাই. ২০১৯-২০) অসি লুপা লুপা করোর ৫,০০দগী তাবা ওইগদবনি। গ্রুপ অসিগী মনুংদা এম.এস.এম.ই. ইন্দস্ত্রীনা মখোয়গী অখন্নবা শিংনবশিং অমসুং ওইরিবা ফীম অদু পীরগা মখোয়গী ওইবা সব-গ্রুপ অমা লৈহনগনি।

ইন্সেন্তিবকী ক্বান্তম :

স্কীম অসিগী মখাদা লৈরিবা ইন্সেন্তিবকী অপুনবা ক্বাতম (এদমিনিস্ত্রেতিব এক্সপেন্দিচর য়াওরগা) অসি লুপা করোর ১৫,০০০ ওইগনি। তার্গেৎ গ্রুপশিংগী মরক্তা লৈরিবা ইন্সেন্তিব এল্লোকেসন অসি মখাদা পীরি:

(a) গ্রুপ এ: লুপা করোর ১১,০০০

(b) গ্রুপ বি: লুপা করোর ২,২৫০

(c) গ্রুপ সি: লুপা করোর ১,৭৫০

গ্রুপ এ অমসুং গ্রুপ  সি এপ্লিকেন্তশিংগী ইন্সেন্তিব এল্লোকেসন অসি অতোপ্পা কেতগোরী অমত্তদা চৎহল্লোই। অদুম ওইনমক গ্রুপ বি এপ্লিকেন্তশিংদা এল্লোকেৎ তৌখিবা অসিদা করিগুম্বা অন্দয়ুতিলাইজ ওইরবদি গ্রুপ এ এপ্লিকেন্তশিংদা চৎহনবা য়াই।

শেনবা চহি ২০১৯-২০ অসি মেন্যুফেকচর তৌরবা গুদশিংগী ইনক্রিমেন্তেল সেল্সকী কম্প্যুতেসন তৌবদা বেজ ইয়র ওইনা লৌগনি।

গুদশিংগী কাতগোরী:

মখাদা পীরিবা অসিগুম্না স্কীম অসিগী মখাদা ফার্মাকোতিকেল গুদশিং কেতগোরী অহুমগী মখাদা কভর তৌগনি:

1. কেতগোরী ১

বাইওফার্মাকোতিকেল্স; কম্প্লেক্স জেনরিক দ্রগশিং; পেতেন্তেদ দ্রগশিং নত্ত্রগা পেতেন্ত এক্সপিয়রী নকশিল্লক্লবা দ্রগশিং; সেল বেজ নত্ত্রগা জিন থেরাপী দ্রগশিং; ওর্ফান দ্রগশিং; ঐচ.পি.এম.সি., পুলুলেন, এন্তেরিক অসিগুম্বা স্পেসিএল এম্পতী কেপস্যুলশিং; কম্প্লেক্স এক্সিপিয়ন্তশিং; ফাইরো-ফার্মাকোতিকেল্স: অয়াবা পীখ্রবা অতোপ্পা দ্রগশিং।

(b)কেতগোরী ২

এক্তিব ফার্মাকোতিকেল ইনগ্রিদিয়ন্তশিং / কী স্তার্তিং মেতরিএলশিং / দ্রগ ইন্তরমিদিয়েৎশিং

(c)কেতগোরী ৩ (কেতগোরী ১ অমসুং কেতগোরী ২গী মখাদা কভর তৌদবা দ্রগশিং)

রিপর্পজ দ্রগশিং; ওতো ইম্ম্যুন দ্রগশিং, এন্তি-কেন্সর দ্রগশিং, এন্তি-দাইবেতিক দ্রগশিং, এন্তি-ইনফেক্তিব দ্রগশিং, কার্দিওভাসক্যুলর দ্রগশিং, সাইকোত্রোপিক দ্রগশিং অমসুং এন্তি-রি্রোভিএল দ্রগশিং; ইন ভিত্রো দাইগ্নোস্তিক দিভাইসশিং; অয়াবা পিখ্রবা দ্রগশিং; ভারত্তা শাদবা অতোপ্পা দ্রগশিং।

স্কীম অসিগী মখাদা প্রক্সন অসি অহানবা চহি মরিগী ওইনা কেতগোরী ১ অমসুং কেতগোরী ২গী প্রদক্তশিংগী ইন্সেন্তিবকী রেৎ অসি ১০% ( ইনক্রিমেন্তেল সেল্স ভেল্যু), মঙা শুবা চহিদা ৮% অমসুং তরুকশুবা চহিদা ৬% ওইগনি।

স্কীম অসিগী মখাদা প্রক্সন অসি অহানবা চহি মরিগী ওইনা কেতগোরী ৩গী প্রদক্তশিংগী ইন্সেন্তিবকী রেৎ অসি ৫% ( ইনক্রিমেন্তেল সেল্স ভেল্যু), মঙা শুবা চহিদা ৪% অমসুং তরুকশুবা চহিদা ৪% ওইগনি।

স্কীম অসিগী মতম এফ.ৱাই, ২০২০-২১দগী এফ.ৱাই. ২০২৮-২৯ ওইগনি। মসিদা এপ্লিকেসনশিং প্রোসেসিং (এফ.ৱাই. ২০২০-২১)গী মতম, ওপ্সনেল জেস্তেসনগী চহি অমগী ম (এফ.ৱাই. ২০২১-২২) চহি ৬কী অমসুং এফ.ৱাই. ২০১৮-২৯গী ইন্সেন্তিব অমসুং এফ.ৱাই. ২০২৭-২৮গী সেল্সকী ইন্সেন্তিবকী দিবর্জেল য়াওগনি।

হৌরকফম:

ভোল্যুমদা য়েংবদা ভারতকী ফার্মাকোতিকেল ইন্দস্ত্রী খ্বাইদগী চাউবদা মালেমগী ৩শুবা ওইরি অমসুং ভেল্যুদা য়েংবদা মসি য়ু.এস.দি. বিলিয়ন ৪০রোম ওইগনি। লৈবাক অসি মালেমগী ওইনা এক্সপোর্ত তৌখিবা অপুনবা দ্রগশিং অমসুং হিদাক-লাংথকশিংগী ৩.৫% শরুক তমখি। ভারতনা য়ু.এস.এ. য়ু.কে., য়ুরোপিয়ন য়ুনিয়ন, কেনেদা অসিনচুংবা হায়লি রিগুলেতেদ মার্কেৎশিং য়াওনা লৈবাক অমসুং তেরিতোরী ২০০ হেন্না ফার্মাকোতিকেলশিং এক্সপোর্ত তৌরি। খ্বাইদগী অনৌবা ফেসিলিতীশিং অমসুং স্কিল য়াম্না লৈবা/তেক্নিকেল মেনপাৱর লৈবগা লোইননা ফার্মাকোতিকেলশিং দিবেলপ তৌনবা অমসুং মেন্যুফেকচর তৌনবা মপুং ফাবা ইকোসিস্তেমদা ভারত্তা লৈ। লৈবাক অসিদা মমিং লৈরবা ফার্মাকোতিকেল এজুকেস্নেল অমসুং রিসর্চ ইন্সতিত্যুত মশিং কয়া লৈ অমসুং এলাইদ ইন্দস্ত্রীনা মতেং চাউনা পাংঙি।

হৌজিক্কী ওইনা লো ভেল্যু জেনরিক দ্রগশিংনা ভারতকী এক্সপোর্তকী মরু ওইবা কম্পোনেন্ত ওইরি, অমরোমদা পেতেন্তেদ দ্রগশিংগী দোমেস্তিক দিমান্স অসিগী অচৌবা শরুক ইম্পোর্তশিংগী খুত্থাংদা থুংহনখি। মসিগী মরমদি ভারতকী ফার্মাকোতিকেল সেক্তর অসিদা ফার্মা আর এন্দ দিগী মথৌ তাবগা লোইননা হায় ভেল্যু প্রদক্সনগী অৱাৎপা লৈ।  মখল কয়াগী কেতগোরীশিংদা ইনবেস্তমেন্ত অমসুং প্রদক্সন হেনগৎহন্নবা গ্লোবেল অমসুং দোমেস্তিক প্লেয়রশিং ইন্সেন্তিবাইজ তৌনবা নীংথিজনা দিজাইন তৌরবা অমসুং চুনবা তার্গেতেদ ইন্তরভেন্সন অমা বাইও-ফার্মাকোতিকেলশিং, কম্প্লেক্স জেনরিক দ্রগশিং, পেতেন্তেদ দ্রগশিং নত্ত্রা পেতেন্তগী মতম লোইদৌরবা দ্রগশিং অমসুং সেল বেজ নত্ত্রগা জিন থেরাপী প্রদক্তশিং অসিগুম্বা হায় ভেল্যু গুদশিংগী অখন্ননা ইন্সেন্তিভাইজ তৌবা মথৌ তাই।

******