হকশেল অমসুং য়াইফ-য়ুম্বাল মন্ত্রালয়

কেসশিংগী মশিং ৱাংখৎলক্লিবা রাজ্যশিং/য়ু.তি.শিংদা কেন্দ্রনা অৱাংবা থাক্কী মল্তি-দিস্সিপ্লিনরী সেন্ত্রেল তীম শাজিনখ্রে

হকশেল সেক্রেতরীনা হন্দক কোবিদ১৯ কেসশিং ৱাংখৎলক্লিবা রাজ্য/য়ু.তি. ৭তা অইবা চেরোল থাখ্রে অমসুং অখন্নবা থৌরাংশিং পাইখৎনবা পাউতাকশিং পীখ্রে

Posted On: 24 FEB 2021 11:58AM by PIB Imphal

কেন্দ্রনা মহারাস্ত্র, কেরেলা, ছত্তিসগর, মধ্য প্রদেশ, গুজরাত, পঞ্জাব, কর্নাতকা, তামিল নাদু, ৱেস্ত বেঙ্গল অমসুং য়ুনিয়ন তেরিতোরী ওফ জম্মু এন্দ কাশ্মিরদা মখোয়না তার্গেতেদ কোবিদ রেস্পোন্স অমসুং মেনেজমেন্তগী পব্লিক হেল্থকী খোঙথাংশিংদা মতেং পাংনবা অমসুং লাইচৎ মপুং–ফানা লাকশিন্নবা কেন্দ্রগী অৱাংবা থাক্কী মল্তি-দিস্সিপ্লিনরী তীমশিং থাজিনখ্রে। মীহুৎ অহুমনা শাবা মল্তিদিস্সিপ্লিনী তীমশিং অসি হলশেল মন্ত্রালয়দা জোইন্ত সেক্রেতরীগী থাক্কী ওফিসরশিংনা লুচিংখি।  তীমশিং অসিনা রাজ্যশিং/য়ু.তি.শিংগা লোইননা পুন্না থবক তৌমিন্নগনি অমসুং কোবিদ১৯ কেসশিংগী মশিং হন্দক ৱাংখৎলক্লিবা অসিগী মরমশিং খঙদোক্কনি। মখোয়না রাজ্যাশিং/য়ু.তি.গী হেল্থ ওথোরিতীশিংগা লোইননা খুৎশম্নদুনা শন্দোকপা অসি থিংনবা মথৌ তাবা কোবিদ১৯ লাকশিন্নবা খোঙথাংশিং পাইখৎমিন্নগনি। রাজ্যাশিং/য়ু.তি.দা কোবিদ মেনেজমেন্তদা হৌজিক ফাওবদা ফংলকখিবশিং অসি অরেম্বা তাদনবা মরী লৈনবা দিস্ত্রিক্ত ওফিসিএলশিংগা লোইননা ওইরক্লিবা ফীভম অসি চাং নাইনা কুপ্না য়েংশিন্নবা পাউথাক পীখ্রে।

কেন্দ্রনা নুংতিগী ওইনা থেংনবা কোবিদ কেসশিং ৱাংখৎলকপা উবা ফংলিবা মহারাস্ত্র, কেরেলা, ছত্তিসগর, মধ্য প্রদেশ, গুজরাত, পঞ্জাব, কর্নাতকা, তামিল নাদু, ৱেস্ত বেঙ্গল অমসুং য়ুনিয়ন তেরিতোরী ওফ জম্মু এন্দ কাশ্মিরদা মসিগা লোইননা আর.তি.-পি.সি.আর. তেস্তশিংগী মশিং হন্থরক্লিবা অমসুং পোজিতিব ওইবগী চাং ৱাংখৎলক্লিবা জিলা খরদা চেরোল থাখ্রে।

কেন্দ্রগী হকশেল সেক্রেতরীনা ইখিবা চীথি অমদা মহাক্না মহারাস্ত্র, কেরেলা, ছত্তিসগর, মধ্য প্রদেশ, গুজরাত, পঞ্জাব, কর্নাতকা, তামিল নাদু, ৱেস্ত বেঙ্গল অমসুং য়ুনিয়ন তেরিতোরী ওফ জম্মু এন্দ কাশ্মিরদা শন্দোকপা অসি লাকশিন্নবা অকনবা খোঙথাংশিং লৌখৎপদা মীৎয়েং চংনবা অমসুং মীয়াম মরক্তগী হৌজিক ফাওবদা দিতেক্ত তৌহৌদবা কেসশিং থিদোক্নবা আর.তি.-পি.সি.আর.গী তেস্তশিং তৌবা হেনগৎনবা খঙহনখ্রে। রাজ্যাশিং/য়ু.তি. অসিদা শোকহল্লবা জিলাশিংদা আর.তি.-পি.সি.আর অমসুং রেপিদ এন্তিজেন তেস্তশিং চাং খাইদোক্তুনা তৌবগা লোইননা অখন্নবা মওংদা তেস্ত তৌবা হেনগৎনবা অমসুং এন্তিজেন তেস্তশিংদা নেগেতিব ওইখিবা লাইওংদি উবা মীওই পুম্নমক শোইদনা আর.তি.-পি.সি.আর. তেস্ত তৌহন্নবা পাউতাক পীখ্রে। পোজিতিব ওইবা মীওইশিং খুদক্তা আইসোলেৎ তৌগদবনি/হোস্পিতালদা পুখৎকদবনি, মখোয়গা নকশিন্নরম্বা মীওই পুম্নমক থিদোকপা অমসুং থেংথবা তৌদনা তেস্তসু তৌথোক্কদবনি।

কেন্দ্রনা রাজ্যাশিং/য়ু.তি.দা মরু ওইনা লৈবাক কয়াদা অনৌবা ভাইরসকী স্ত্রেন থেংনখিবা অসি য়েংলগা শন্দোকপা লাকশিন্নবা অকনবা খোঙথাংশিং ইমপ্লিমেন্ত তৌবদা লাইথোকপনা ফীভম লুশিনহল্লকপা য়াই হায়না নীংশিংহনখ্রে। কেন্দ্রগী হকশেল সেক্রেতরীনা মসিগী রাজ্য অমসুং য়িু.তি. ১০গী চীফ সেক্রেতরীশিংদা মসিগী অৱাংবা থাক্কী সেন্ত্রেল তীমশিং অসিনা মরী লৈনবা চীফ সেক্রেতরীশিংনা মখোয়গী রাজ্যদা লাকখিবা খোঙচৎ অসিগী লোইশিল্লকপদা মখোয়দা পাউদম্নবগী তোখাইনা মতম খরা পীনবা হায়জখ্রে।

খোঙথাংশিং অসি ভারত সরকারগী লৈবাক অসিদা কোবিদ লাকশিন্নবা তাঙ্কক নাইবা অমসুং প্রোএক্তিব ওইবা এপ্রোচকী শরুক অমনি। হকশেল মন্ত্রালয়না কোবিদ কেসশিং খঙহৌদনা ৱাংখৎলক্লিবা, কেসলোদ ৱাংবা নত্ত্রগা জিলা খরদা শীবগী চাং হেন্না ৱাংখৎলকপগী রিপোর্ত তৌরিবা রাজ্যশিং অমসুং য়ু.তি.শিংগা চাং নাইনা ৱারী শারি। তীমশিং অসিনা রাজ্যশিং/য়ু.তি,না থেংনরিবা শিংনবশিং অমসুং সমস্যাশিং অসিগী মরমদা অহনবা ওইনা খঙবা ঙম্নবা ফিল্দ ওথোরিতীশিংগা ৱারী-ৱাতাই শারি।

 

****



(Release ID: 1700413) Visitor Counter : 98