উপ-রাস্ত্রপতিগী লোইশঙ
উপ রাস্ত্রপতিনা তোপ-তোপ্পা মওংদা মালেমগী ইমালোল নুমিৎ পাল্লন তৌখ্রে
উপ রাস্ত্রপতিনা ইমা লোল চাউখৎহনবগী মথৌ তারিবা অসিগী মতাংদা ভারতকী লোল ২২দা ত্বীৎ তৌখ্রে অমসুং লমদম অসিদা ঙাংনরিবা লোল ২৪গী পাউচেশিংদা আর্তিকেলশিং ইখ্রে
নুমিৎ অসি পাল্লন তৌনবা পাঙথোকপা থৌরম অহুমদা শরুক য়াখ্রে
Posted On:
21 FEB 2021 2:45PM by PIB Imphal
উপ-রাস্ত্রপতি, শ্রী বেঙ্কয়া নাইদুনা ইমালোল চাউখৎহনবগী মরু ওইবগী মতাংদা লৈবাক অসিদা ঙাংনরিবা লোল ২৪গী পাউচেশিংদা আর্তিকলশিং ইবগী মথক্তা ভারতকী লোল ২২ অমসুং ইংলিশতা ত্বীৎ তৌদুনা মালেমগী ইমালোল নুমিৎ অসি তোপ-তোপ্পা মওংদা ঙসি পাল্লন তৌখ্রে।
ইমালোলশিং য়োকখৎলিবা মরু ওইবা মীওই অমা ওইনসু খঙনরিবা উপ-রাস্ত্রপতি অসিনা মহাক্কী ত্বীৎশিংদা অসুম্না হায়, তোঙানবা লোল লৈবনা মতম পুম্বদা ঐখোয়গী চাউখৎপগী য়ুম্বী ওইরি। “ইমা লোলনা ঐখোয়গী পাউ ফাওনবগী পাম্বৈ ওইবতা নত্তনা, ঐখোয়গী পুৱারীগী ওইবা লনশিংগা মরী লৈনহন্দুনা ঐখোয়গী সোসিও-কলচরেলগী শক্তাক্কী ৱাহন্থোকসু পীরি,” হায়না শ্রী নাইদুনা মখা তাখ্রে।
হীরম খুদিংদা – প্রাইমরী এজুকেসন্দগীনা লৈঙাকপগী থৌওং ফাওবদা ইমা লোল শিজিন্নবা হেনগৎহন্নবা অপাম্বা ফোঙদোক্লদুনা উপ-রাস্ত্রপতিনা মহাক্কী ত্বীৎতা অসুম্না হায়: “ঐখোয়না ইশাগী লোলদা ঐখোয়গী ৱাখল্লোনশিংবু অনৌবা মওংদা ফোংদোকপদা পুক্নিং থৌগৎকদবনি!”
শ্রী নাইদুনা ত্বীৎশিং অসি তেলেগু, তামিল, হিন্দী, গুজরাতি, কাশ্মিরি, কোনকনি, মরাথী, ওরিয়া, উর্দু, মলয়ালম, কন্নাদা, পঞ্জাবি, নেপালী, অসামিজ, বেঙ্গলি, মনিপুরি, বোরো, সন্থলি, মাইথলি, দগ্রি অমসুং সংস্ক্রিৎতা পোস্ত তৌখি।
উপ রাস্ত্রপতিনা ইখিবা আর্তিকলশিং অদু তাইম্স ওফ ইন্দিয়া (ইংলিশ) অমসুং দৈনিক জাগরন (হিন্দী), ইনাদু (তেলেগু), দীনা থান্থি (তামিল), লোকমাৎ (মরাথী), সমাজ (ওরিয়া), সিয়াসৎ (উর্দু), আদাব তেলঙ্গনা (উর্দু), অসোমিয়া প্রতিদিন (অসামিজ), নভ ভারত তাইম্স (মাইথলি), মাত্রুভুমি (মলয়ালম), দিব্যা বাস্কর (গুজরাতি), বর্তমান (বেঙ্গলি), ভঙ্গার ভুই (কোনকনি), হয়েন্নি রাদব (বোরো), সন্থেল এক্সপ্রেস (সন্থলি), হিমালি বেলা (নেপালি), হমরো ভর্তা (নেপালি), দৈনিক মির্মিরে (নেপালি), হমরো প্রজা শক্তি (নেপালি), হিন্দু (সন্ধি), জোই দোগ্রি (দোগ্রি), Daily দেলী কহাৱৎ (কাশ্মিরি), দেলী সঙ্গরমাল (কাশ্মিরি) অমসুং সুধর্মা (সংস্ক্রিৎ) য়াওনা ভারতকী অতোপ্পা লোল ২৪দা ফোঙখি।
মালেমগী ইমালোল নুমিৎ পাল্লন তৌনবা এজুকেসন মন্ত্রালয় অমসুং কলচর মন্ত্রালয়না পুন্না পাঙথোকখিবা ৱেবিনার অমদা শ্রী নাইদুনা ভর্চ্যুএল ওইনা শরুক য়াখরে। নুমিৎ অসি পাল্লন তৌনবা হায়দ্রাবাদকী স্বর্না ভারত ত্রস্তনা পাঙথোকপা প্রোগ্রাম অমদসু মহাক্না অথোইবা মীথুংলেন ওইখ্রে। মতুং তারকপা ওইনা মহাক্না নোর্থ অমেরিকাগী তেলেগু এসোসিএসননা পাঙথোক্লিবা “মথ্রুভাশোভাবা”দা ভর্চ্যুএল ওইনা শরুক য়াগনি।
মসিগী মমাংদা ফেব্রুৱারী ১৬, ২০২১দা উপ রাস্ত্রপতিনা পার্লিয়ামেন্তগী মেম্বর পুম্নমক্তা ইমা লোল য়োকখৎনবগী মতাংদা ইরকখিবসু লৈখ্রবনি।
****
(Release ID: 1699774)
Visitor Counter : 112