ভারতনা হৌখিবা নুমিৎ খরা অসিদা এক্তিব কেসলোদ হেনগৎলকপা উবা ফংখি। ভারতকী অপুনবা এক্তিব কেসলোদ অসি ঙসি ১,৪৫,৬৩৪ শুখ্রে। মসি হৌজিক ভারতকী অপুনবা পোজিতিব কেসশিংগী ১.৩২% ওইরি।

লৈবাক অসিগী এক্তিব কেসশিংগী ৭৪% হেনবদি কেরেলা অমসুং মহারাস্ত্রদগী ওইখি। হন্দক ইনৌ-নৌনা ছত্তিসগর অমসুং মধ্য প্রদেশতসু নুংতিগী ওইনা থেংনবা কেসশিং অসিদা হেনগৎলকপা উবা ফংখি। পঞ্জাব অমসুং জে এন্দ কে অসিদসু নুংতিগী ওইনা নৌনা থেংনবা কেসশিং ৱাংখৎলকপা উবা ফংলি।

হৌখিবা চয়োল মরি অসিদা কেরেলাগী চয়োলগী ওইবা কেসশিংগী চাংচৎ অসি খ্বাইদগী ৱাংবদা ৪২,০০০ অমসুং খ্বাইদগী তাবদা ৩৪,৮০০ ওইদুনা মসিগী মরক্তা হায়দুনা লৈখি। মসিগা চপ মান্ননা হৌখিবা চয়োল মরিদা কেরেলাগী চয়োলগী ওইনা পোজিতিব ওইবা অসিসু ১৩.৯%দগী ৮.৯%গী মনুংদা লৈখি। কেরেলাগী এলাপুরা অসি চয়োলগী ওইনা পোজিতিব ওইবগী চাং ১০.৭%দা হেনগৎতুনা অমসুং চয়োলগী ওইনা থেংনবা কেস অসি ২,৮৩৩দা হেনগৎতুনা অখন্নবা মীৎয়েং চংবা মথৌ তাবা অমা ওইখি।

মহারাস্ত্রদা হৌখিবা চয়োল মরি অসিদা চয়োলগী ওইনা থেংনবা কেসশিং অসি ৱাংখৎলক্লি অমসুং ১৮,২০০দগী ২১,৩০০দা হেনগৎখ্রে; অমরোমদা চয়োলগী ওইনা পোজিতিব ওইবগী চাং অসি ৪.৭%দগী ৮%দা হেনগৎখ্রে। মীৎয়েং চংবা মথৌ তারিবা মফমশিং অদুদি চয়োলগী ওইনা কেস ১৯% ফাওবা ৱাংখৎখুবা সবঅর্বানগী মফমশিং অদুনি। নাগপুর, অমরাবতি, নাশিক, অকোলা অমসুং য়বৎমালদা চয়োলগী ওইনা থেংনবা কেসশিং অসি মথং শিৎনা ৩৩%, ৪৭%, ২৩%, ৫৫% অমসুং ৪৮%দা হেনগৎখ্রে।

পঞ্জাবনা কোবিদ১৯ লাইনা অসি শন্দোরকপদা অরুবা ফীভম অমদা লৈরক্লি। রাজ্য অসিদা হৌখিবা চয়োল মরিদা চয়োলগী ওইনা পোজিতিব ওইবগী চাং অসি ১.৪%দগী ১.৬%দা হেনগৎখি অমরোমদা চয়োলগী ওইনা থেংনবা কেস অসি হৌখিবা চয়োল মরিদা ১৩০০দগী ১৬৮২দা ৱাংখৎলকপা উবা ফংখি। এস.বি.এস. নাগপুরগী জিলা অমদা চয়োলগী ওইনা পোজিতিব ওইবগী চাং অসি ৩.৫% ওইরম্বদগী ৪.৯% ওইখি অমসুং চয়োলগী ওইনা থেংনবা কেসশিং অসি ১৬৫দগী ৩৬৪ ওইদুনা শরুক অনি হেনগৎখি।

লৈবাক্কী লৈরিবা পোজিতিব ওইবগী চাং অসিদগী রাজ্য/য়ু.তি. ৫না হেনখি। লৈবাক্কী লৈরিবা চাংচৎ অসি ১.৭৯%নি। মহারাস্ত্রনা ৮.২০% ওইবগা লোইননা চয়োলগী ওইনা পোজিতিব ওইবগী চাং অসি খ্বাইদগী ৱাংখি।

কেন্দ্রনা রাজ্য পুম্নমক্তা মরু ওইবা লম মঙাদা থবক পাইখৎনবা য়াথং পীখ্রে। মখোয় অদুদি:

১. আর.তি.-পি.সি.আর. তেস্তশিংগী মশিং হেনগৎহনবদা মীৎয়েং চংদুনা অপুনবগী তেস্ত তৌবগী মশিংশিং হেনগৎহনবা।

২. রেপিদ এনইজেন তেস্ত রিজলশিং নেগেতিব ওইবা পুম্নমক শুকশোই-শোইদনা আর.তি.-পি.সি.আর. তেস্ত তৌহনবা অমসুং অসিগুম্বা নেগেতিব ওইখিবা মীওইশিং চিৎথহৌবা তৌরোইদবনি।

৩. চেকশিন্না অমসুং পাক শন্না সর্ভিলেন্স চত্থবগা লোইননা অখন্নবা জিলাশিংদা অকনবা মওংদা কন্তেনমেন্ত তৌবদা অমুক হন্না মীৎয়েং চংবা।

৪. তেস্ত তৌরবা মতুংদা জিনোম সিক্বেন্সিংগী তৌবগী খুত্থাংদা চাং নাইনা ম্যুতেন্ত স্ত্রেনশিং অসি য়েংশিনবা লোইননা ক্লস্তর কেসশিং থোরকপরা য়েংশিনবা।

৫. লৈখিদবগী রিপোর্ত তৌরকপা মশিং য়াম্বা জিলাশিংদা ক্লিনিকেল মেনেজমেন্তদা মীৎয়েং চংবা।

কোবিদ বেক্সিনেসনগী ওইনা ভারতকী অপুনবা বেক্সিন কাপখিবা অসি করোর ১.১০ হেনখ্রে।

প্রোবিজনেল রিপোর্তকী মতুং ইন্না ঙসি অয়ুক্কী পুং ৮:০০ ফাওবা সেসন ২,৩০,৮৮৮গী খুত্থাংদা ফেব্রুৱারী ১৮, ২০২১গী অয়ুক্কী পুং ৮:০০ ফাওবদা পুন্না বেক্সিন দোজ ১,১০,৮৫,১৭৩ কাপখ্রে। মসিদা ঐচ.সি.দবল্যু. ৬৩,৯১,৫৪৪ (অহানবা দোজ), ঐচ.সি.দবল্যু. ৯,৬০,৬৪২ (অনিশুবা দোজ) অমসুং এফ.এল.দবল্যু ৩৭,৩২,৯৮৭ (অহানবা দোজ) য়াওখি।

অহানবা দোজ কাপখিবা নুমিৎ ২৮শুরবা বেনিফিসরীশিংগী কোবিদ১৯ বেক্সিনেসনগী অনিশুবা দোজ কাপ্পা ফেব্রুৱারী ১৩, ২০২১দগী হৌখি। এফ.এল.দবল্যু. শিংগী বেক্সিন কাপ্পা ফেব্রুৱারী ২, ২০২১দগী হৌখি

বেক্সিনেসন দ্রাইভকী ৩৬নি শুবা নুমিৎ (ফেব্রুৱারী ২১, ২০২১) অসিদা পুন্না বেক্সিন দোজ ৪,৩২,৯৩১ কাপখ্রে। মসিগী মনুংদা সেসন ৮,৫৭৫গী খুত্থাংদা বেনিফিসরী ২,৫৬,৪৮৮দা অহানবা দোজ (ঐচ.সি.দবল্যু.শিং অমসুং এফ.এল.দবল্যু.শিং) অমসুং ঐচ.সি.দবল্যু. ১,৭৬,৪৪৩দা অনিশুবা দোজ কাপখ্রে।

ভারত্তা কাপখিবা অপুনবা বেক্সিনগী দোকশিংগী ৬০.০৪% দি রাজ্য ৭তগী ওইখ্রে। কর্নাতকা খক্তদা ১১.৮১% (দোজ ১,১৩,৪৩০) ওইখ্রে।

হৌজিক ফাওবদা পুন্না মীওই করোর ১.০৬ (১,০৬,৮৯,৭১৫) নাবা ফগৎখ্রে। হৌখিবা পুং ২৪দা অনাবা মীওই ১১,৬৬৭ নাবা ফগৎতুনা দিসচার্জ তৌখ্রে। ভারতকী নাবা ফগৎলকপগী চাং অসি ৯৭.২৫% ওইদুনা মালেমগী ওইনা খ্বাইদগী ৱাংবশিংগী মরক্তা চল্লি।  

নৌনা ফগৎলকখিবা কেসশিংগী ৮১.৬৫%দি রাজ্য ৫দগী ওইখ্রে।

নৌনা ফগৎখিবা কেস ৫,৮৪১গা লোইননা কেরেলানা নোংমদা খ্বাইদগী মশিং ৱাংনা ফগৎলকপগী রিপোর্ত তৌরকখ্রে। হৌখিবা পুং ২৪দা মহারাস্ত্রদা মীওই ২,৫৬৭ অমসুং তামিল নাদুদা ৪৫৯ ফগৎতুনা মতুং ইন্নখ্রে।

অনৌবা কেসশিংগী ৮৫.৬১%দি রাজ্য অমসুং য়ু.তি. ৫দগী ওইখ্রে।

কেস ৬,২৮১গা লোইননা মহারাস্ত্রনা মশিং খ্বাইদগী য়াম্না রিপোর্ত তৌরকখ্রে। কেরেলাদা ৪,৬৫০ অমরোমদা কর্নাতকাদা অনৌবা কেস ৪৯০ থেংনবগী রিপোর্ত তৌদুনা মতুং ইন্নখ্রে। রাজ্য অনি – মহারাস্ত্র অমসুং কেরেলা অসিদা খক্তা হৌখিবা পুং ২৪দা নুংতিগী ওইনা থেংনবা কেসশিংগী ৭৭% রিপোর্ত তৌরকখি।

হৌখিবা পুং ২৪দা রাজ্য/য়ু.তি. ২১দা কোবিদ১৯গা মরী লৈননা লৈখিদবগী রিপোর্ত তৌরকখিদে। মখোয় অদুদা গুজরাত, ওরিশা, জে অমসুং কে (য়ু.তি.), অন্ধ্র প্রদেশ, হিমাচল প্রদেশ, গোৱা, ঝার্খন্দ, পুদুচেরী, অসাম, মেঘালয়, লক্ষদীপ, মনিপুর, মিজোরাম, ,  সিক্কিম, লদাখ (য়ু.তি.), নাগালেন্দ,  এ অমসুং এন ইথৎশিং, ত্রিপুরা, উত্তরাখন্দ, অরুনাচল প্রদেশ, দি অমসুং দি অমদি দি অমসুং এন অসিনি।

হৌখিবা পুং ২৪দা লৈখিদবা ১০১ রিপোর্ত তৌরকখ্রে।

নৌনা লৈখিদবগী ৮০%দি রাজ্য মঙাদগী ওইখ্রে। মহারাস্ত্রদা মশিং খ্বাইদগী য়াম্না লৈখিদে (৪০)। কেরেলাদানা লৈখিদবা ১৩ অমসুং পঞ্জাবতা নৌবা লৈখিদবা ৮ রিপোর্ত তৌরকখ্রে।

হৌখিবা পুং ২৪দা রাজ্য ১ খক্তদা লৈখিদবা ২০দগী হেন্না রিপোর্ত তৌরকখি; শুপ্নগী রাজ্য ১না লৈখিদবা ১০দগী ২০গী মনুংদা রিপোর্ত তৌরকখি; রাজ্য ২না লৈখিদবা ৬তগী ১০ রিপোর্ত তৌরকখি অমসুং রাজ্য ১০না লৈখিদবা ১দগী ৫গী রিপোর্ত তৌরকখ্রে।

****