হেলিনা (আর্মী ভর্জন) অমসুং ধ্রুবস্ত্র (এয়র ফোর্স ভর্জন) মিসাইল সিস্তেমগী য়ুজর ত্রাইএল দেজর্ত রেঞ্জতা এদভান্স লাইত হেলিকোপ্তরদগী মায় পাক্না পাঙথোকখ্রে‍। মিসাইল সিস্তেমশিং অসি দিফেন্স রিছর্চ এন্দ দেভেলপমেন্ত ওর্গনাইজেসন (দি.আর.দি.ও.)না দিজাইন তৌদুনা পুথোকপনি‍।

মিনিমম অমসুং মেক্সিমম রেঞ্জতা মিসাইলগী মতিং খঙদোক্নবা মিসন মঙা পাঙথোকখি‍। মিসাইলশিং অদু তশেং তশেংবগুম্বা লেঙদবা অমদি অরেঙবা পান্দমশিংদা হোবর অমসুং মেক্স ফোর্ৱার্দ ফ্লাইততা কাপখিবনি‍। মিসন খরদি দেলেরিক্ত তেক্তশিংদা ৱারহেদ হাপ্তুনা পাঙথোকখিবনি‍। মিসন অমনা অরেঙবা তার্গেত্তা পাইরিবা হেলিকোপ্তর অমদগী কাপ্তুনা পাঙথোকখিবনি‍।

হেলিনা অমসুং ধ্রুবস্ত্র দাইরেক্ত হিত অমসুং তোপ এতেক্ত মোদ অনিমক্তা তার্গেত্তা কাপ্পা ঙম্বা অহুমশুবা জেনেরেসনগী লোক ওন বিফোর লোঞ্চ (এল.ও.বি.এল.) ফাইয়র এন্দ ফোর্গেত এন্তি তেঙ্ক গাইদেদ মিসাইলশিংনি‍। সিস্তেম অসিদা ওল-ৱেদর নুংথিল অমসুং নুমিদাংগী মতিং লৈ অমদি কনভেন্সনেল অর্মর অমদি এক্সপ্লোজিব রিএক্তিব অর্মর য়াওবা লানগী তেঙ্কশিংবু মায়থিবা ঙম্মি‍। মসি মালেমগী খ্বাইদগী খুমাঙ চাউশিনবা এন্তি-তেঙ্ক খুৎলায়শিংগী মরক্তা অমনি‍। হৌজিক মিসাইল সিস্তেমশিং অসি শীজিন্নবা হৌনবা শেম শারে‍।

ঙাকশেল মন্ত্রী শ্রী রাজনাথ সিংহনা মায় পাকপা অসিগীদমক দি.আর.দি.ও., আর্মী অমসুং এয়র ফোর্সকী মফমদা নুংঙাইবা ফোঙদোকখি‍। দিপার্তমেন্ত ওফ দিফেন্স আর. এন্দ দি.গী সেক্রেতরী অমসুং দি.আর.দি.ও. চেয়রমেন দোক্তর জি. সতীস রেদ্দীনা মায় পাক্না ত্রাইএল পাঙথোকখিবা কাঙবুদুগী হোৎনজমলবু থাগৎপা ফোঙদোকখি‍।

***********