পৱার অমসুং রিনিউএবল ইনর্জি সেক্তরদা বজেত্তা য়াওরিবা খুদোংচাবশিং মপুংফানা পায়খৎনবা খন্ননবা ঙসি পাংথোকখিবা ৱেবিনার অমদা প্রধান মন্ত্রী শ্রী নরেন্দ্র মোদী ৱা ঙাংখ্রে। মীফম অদুদা পৱার অমসুং নিউ অমসুং রিনিউএবল ইনর্জিগী রাজ্য মন্ত্রী(ইন-চার্জ); পৱার সেক্তরগী মরী লৈনবশিং অমসুং অখঙ-অহৈশিং, ইন্দস্ত্রি অমসুং এসোসিএসনশিংগী মীহুৎশিং, দিসকোমশিংগী এম.দিশিং, রিনিউএবল ইনর্জিগী স্তেৎ নোদেল এজেন্সিশিংগী সি.ই.ওশিং, কঞ্জুমর গ্রুপশিং অমসুং পৱার অমসুং নিউ অমসুং রিনিউএবল ইনর্জি মিনিস্ত্রিগী সেনিয়র ওফিসিএলশিং শরুক য়াখি।

প্রধান মন্ত্রীনা হায়খি লৈবাক অসি চাউখৎপদা ইনর্জি সেক্তরনা মরুওইবা থৌদাং অমা লৌরি অমসুং হিংবদা লাইবা অমসুং ললোন-ইতিক পাংথোকপদা লাইহনবদা মতেং পাংলি। ৱেবিনার অসি সরকার অমসুং প্রাইভেদ সেক্তরগী মরক্তা থাজনবা লৈনবগী ইঙ্গিৎ অমনি অমসুং সেক্তর অসিগীদমক বজেত্তা লাউথোকখিবশিং অথুবদা থবক ওইনা পাংথোক্নবা লম্বীশিং থিনবা হোৎনবনি।

প্রধান মন্ত্রীনা হায়খি সেক্তর অসিদা সরকারনা অচুম্বা মাইকৈদা চঙশিল্লি অমসুং খোঙথাং অসি রিচ, রিইনফোর্স, রিফোর্ম অমসুং রিনিউএবল ইনর্জিগী লাইৱাশিংনা লমজিংলি। খ্বাইদগী থাপ্পা মফম ফাওবা মৈ য়ৌহনবা দরকার ওই। মসিগীদমক ইনর্জি পুথোকপা হেনগৎহনবা দরকার ওই অমসুং অওনবশিং পুরকপা দরকার ওই। মসিগা লোয়ন্না রিনিউএবল ইনর্জি অসি মতমগী মতুংইন্না দরকার ওইবা হেনগৎলক্লে।

প্রধান মন্ত্রীনা হায়খি খুঙ্গং খুদিং অমসুং য়ুমথোঙ খুদিং ইনর্জি য়ৌহন্নবা সরকারনা মিৎয়েং চঙলে। ইনর্জি পুথোকপা হেনগৎহনবগী মতাংদা মহাক্না হায়খি, পৱার ৱাৎপা লৈবাক অমা ওইরম্বদগী ভারত পৱার হেন্দোক্না পুথোকপা লৈবাক অমা ওইরে। চহি খর অসিদা ভারতনা গিগা ৱাত ১৩৯ হেন্না পুথোক্লে অমসুং লৈবাক অমা-গ্রিদ অমা-ফ্রিক্বেন্সি অমগী পান্দম ফংলে। উদয় স্কিমগী অওনবশিং পুরক্তুনা শেন-থুমগী ফিবম ফগৎনবা অমসুং থবক ফজনা পাংথোকপা হেনগৎনবা লুপা কোতি লাখ ২.৩২গী বোন্দ ইসু তৌরে। পৱার গ্রিদকী লন-থুমশিং শেন ওন্থোক্নবা ইনফ্রাস্ত্রকচর ইনভেস্তমেন্ত ত্রস্ত-ইনভিআইতি শেমগৎলে অমসুং মসি অথুবদা ইনভেস্তরশিংগীদমক হাংদোক্লগনি।

প্রধান মন্ত্রীনা হায়খি হৌখিবা চহি ৬তা রিনিউএবল ইনর্জি পুথোকপা শরুক ২.৫ হেনগৎলে। সোলার ইনর্জি পুথোকপা শরুক ১৫ হেনগৎলে। চহি অসিগী বজেত্তা মমাঙদা অমুক্তা ওইখিদ্রিবা মওংদা ইনফ্রাস্ত্রকচরগী শেন য়াম্না থাদরে। মসি মিসন হায়দ্রোজেন, লৈবাক অসিদা সোলার সেলশিং শাবা অমসুং রিনিউএবল ইনর্জি সেক্তরদা কেপিতেল থাদবা অসিনা খুদম ওইরে।

পি.এল.আই স্কিমগী মতাংদা প্রধান মন্ত্রীনা হায়খি অফবা সোলার পি.ভি মোদুল হৌজিক পি.এল.আই স্কিমগী শরুক অমা ওইরে অমসুং মসিগীদমক লুপা কোতি ৪৫০০ থাদনবা সরকারনা থাজবা পীরে। স্কিম অসি মীয়াম্না পাম্নগনি হায়বগী থাজবা থম্লি। স্কিম অসিগী মখাদা লুপা কোতি লিশিং ১৪ থাদদুনা মেগা ৱাত লিশিং ১০গী ইন্ত্রেগ্রেতেদ সোলার পি.ভি মেনুফেকচরিং প্লান্তশিং মথৌ পাংথোক্কনি। মসিনা লৈবাক অসিদা পুথোকপা ই.ভি.এ, সোলার গ্লাস, বেকসিত, জঙ্কসন বোক্স দরকার ওইবা হেনগৎলক্কনি। লৈবাক অসিগী দরকার ওইবশিং পুথোকপগী খক নত্তনা ঐখোয়গী কম্পেনিশিং মালেমগী ওইনা মাংজিল থাবা ঐখোয়না উবা পাম্মি।

রিনিউএবল ইনর্জি সেক্তরদা শেন থাদবা হেনগৎহন্নবা সোলার ইনর্জি কোপোর্রেসন ওফ ইন্দিয়াদা লুপা কোতি ১০০০গী অহেনবা কেপিতেল পীনবা সরকারনা থাজবা পীরে। মসিগা মান্নবা মওংদা, ইন্দিয়ান রিনিউএবল ইনর্জি দিবলপমেন্ত এজেন্সিদা লুপা কোতি ১৫০০গী অহেনবা শেনফম থাদরগনি।

প্রধান মন্ত্রীনা হায়খি সেক্তর অসিদা ললোন-ইতিক পাংথোকপা লাইহন্নবা থবকশিং পায়খৎলে। নিয়মশিং অমসুং থৌরাংশিংদা অওনবশিং পুরক্তুনা পৱার সেক্তর ফিবম য়াম্না ফগৎলে। সরকারনা পৱার সেক্তর অসি তোখাইবা সেক্তর অমা ওইনা লৌরে অমসুং ইন্দস্ত্রি সেক্তরগী শরুক অমা ওইনা লৌদ্রে। পৱারগী দরকার ওইবা অদু খঙবদগী মী খুদিংমক পৱার ফংহন্নবা পৱার পুথোক্নবা সরকারনা অকনবা মিৎয়েং চঙলে। পৱার য়েন্থোকপগী থবকশিংনা থেংনরিবা অৱাবশিং কোকহন্নবা সরকারনা থবক পায়খৎলে। মসিগীদমক দিসকোমশিংগী থৌশিল অমা শেম্নবা থৌরাং লোইরে। মখোয়গী থবকশিংগী ফিবম মতুংইন্না কঞ্জুমরনা মখোয়না অপাম্বা মৈ পীনবা কম্পেনি খনবা য়ারগনি। দিস্ত্রিবুসন সেক্তরদা চঙলকপা লৈরম্বা অপনবশিং লৌথোক্নবা অমসুং দিস্ত্রিবুসন অমসুং সপ্লাইগী লাইসেন্স পীনবা সরকারনা থবক পায়খৎলে। প্রিপেত র্স্মা মিতর, ফিদর সেপেরেসন অমসুং সিস্তেম ফগৎহন্নবা থবকশিং পায়খৎলে।

শ্রী মোদীনা হায়খি পি.এম কুসুম স্কিমগী মখাদা লৌমশিং ইনর্জি ওন্ত্রেপ্রেনিউয়র ওইরে। মসিগী পান্দমদি লৌমীশিংগী লৌবুকশিংদা অপীকপা প্লান্তশিং লিংখৎতুনা গিগা ৱাত ৩০গী সোলার ইনর্জি পুথোকপনি। রুপতোপ সোলার প্রোজেকশিংগী মখাদা গিগা ৱাত ৪গী সোলার ইনর্জি পুথোকপা হৌখ্রে অমসুং অথুবদা গিগা ৱাত ২.৫ হাপচিল্লগনি। মথং চহি ১.৫দা রুপতোপ সোলার প্রোজেকশিংগী মখাদা গিগা ৱাত ৪০গী সোলার ইনর্জি পুথোক্নবা পান্দম থম্লি।

*****