প্রধানমন্ত্রীগী লোইশঙ
পি.এম.না ফেব্রুৱারী ২০দা নিতি আয়োগকী ৬শুবা গভর্নিং কাউন্সিলগী মীফমদা ময়াই তাংবল লৌগনি
Posted On:
18 FEB 2021 7:09PM by PIB Imphal
প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী থোংদা ফেব্রুৱারী ২০, ২০২১গী অয়ুক পুং ১০:৩০ তাবা মতমদা নিতি আয়োগকী তরুক শুবা গভর্নিং কাউন্সিলগী মীফমদা ময়াই তাংবল লৌগনি। মীফম অসিগী এজেন্দাদা লৌউ-শিংউ, ইনফ্রাস্ত্রকচর, মেন্যুফেকচরিং, হ্যুমেন রিসোর্স দিবেলপমেন্ত, সর্ভিস দেলিভরতীগী গ্রাসরুৎ লেবেলশিং অমসুং হেল্থ এন্দ ন্যুত্রিসন হায়রিবশিং অসিদা মুন্না খন্ন-নৈনবা য়াওরি।
গভর্নিং কাউন্সিল অসিনা ইন্তর-সেক্তোরেল, ইন্তর-দিপার্তমেন্তেল অমসুং ফেদরেলগী সমস্যাশিং খন্ননবা ফম্পাক অমা পীরি। মসিদা প্রধান মন্ত্রী, রাজ্যশিংগী অমসুং লেজিস্লেচরশিং লৈবা য়ুনিয়ন তেরিতোরীশিংগী মুখ্য মন্ত্রীশিং, অমসুং অতোপ্পা য়ু.তি.শিংগী লেফতিনেন্ত গভর্নরশিং য়াওগনি। তরুকশুবা মীফম অসিদা জম্মু অমসুং কাশ্মিরনা য়ু.তি. অমা ওইনা য়াওবগী মথক্তা অহানবা ওইনা লদাখ য়াওবা উবা ফংলগনি। হন্দক্তি এদমিনিস্ত্রেতরশিংনা লুচিংবা ওইবা অতোপ্পা য়ু.তি.শিংসু য়াওনবা বর্তন তৌখ্রে। মীফম অসি গভর্নিং কাউন্সিলগী হান্নগী ওফিসিএল মেম্বরশিং, কেন্দ্রগী মন্ত্রীশিং, ভাইস চিয়রমেন, নিতি আয়োগকী মেম্বরশিং অমসুং সি.ই.ও. অমদি ভারত সরকারগী অতোপ্পা মকোক থোংবা ওফিসিএলশিংনসু শরুক য়াগনি।
*****
(Release ID: 1699176)
Visitor Counter : 134
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam