ଶିକ୍ଷା ମନ୍ତ୍ରଣାଳୟ

ପରୀକ୍ଷା ପେ ଚର୍ଚ୍ଚା 2021ର ଚତୁର୍ଥ ସଂସ୍କରଣ ନିମନ୍ତେ ପଞ୍ଜୀକରଣ ପ୍ରକ୍ରିୟା ଆଜିଠାରୁ ଆରମ୍ଭ: କେନ୍ଦ୍ର ଶିକ୍ଷାମନ୍ତ୍ରୀ

ଚଳିତ ବର୍ଷ ପରୀକ୍ଷା ପେ ଚର୍ଚ୍ଚା ହେବ ଭର୍ଚୁଆଲ ପଦ୍ଧତିରେ

କୋଟି କୋଟି ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକ ଭାରତ ଓ ଭାରତ ବାହାରୁ ଭର୍ଚୁଆଲ ମାଧ୍ୟମରେ ଅଂଶ ଗ୍ରହଣ କରିବେ

ଅନଲାଇନ ପ୍ରତିଯୋଗିତା ଭିତ୍ତିରେ ଅଂଶ ଗ୍ରହଣକାରୀ ବଛାଯିବ

ମୋ ସରକାର ଉପରେ ପ୍ରଶ୍ନ ଛାତ୍ରଛାତ୍ରୀଙ୍କଠାରୁ ଆହ୍ୱାନ

ମନୋନୀତ ପ୍ରଶ୍ନାବଳୀ ମୁଖ୍ୟ ଇଭେଣ୍ଟରେ ସ୍ଥାନ ପାଇବ

ପୋଷ୍ଟ କରାଯିବା ଦିନାଙ୍କ: 18 FEB 2021 10:49AM by PIB Bhubaneswar

ସ୍କୁଲ ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକମାନଙ୍କ ସହ ସାମାଜିକ ଗଣମାଧ୍ୟମ ମଞ୍ଚରେ ପ୍ରଧାନମନ୍ତ୍ରୀଙ୍କ ଭାବ ବିନିମୟ କାର୍ଯ୍ୟକ୍ରମ ପରୀକ୍ଷା ପେ ଚର୍ଚ୍ଚା-2021ର ଚତୁର୍ଥ ସଂସ୍କରଣ ନିମନ୍ତେ ପଞ୍ଜୀକରଣ ଆଜିଠାରୁ ଆରମ୍ଭ ହେବ । କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀ ରମେଶ ପୋଖରିଆଲ (ନିଶଙ୍କ) ଏହା ଆଜି (18.୦୨.21) ଘୋଷଣା କରିଛନ୍ତି ।

ପରୀକ୍ଷା ପେ ଚର୍ଚ୍ଚା ଏକ ବହୁ ପ୍ରତିକ୍ଷିତ ବାର୍ଷିକ କାର୍ଯ୍ୟକ୍ରମ ଯେଉଁଥିରେ ପ୍ରଧାନମନ୍ତ୍ରୀ ବିଦ୍ୟାର୍ଥୀ, ଶିକ୍ଷକ ଓ ଅଭିଭାବକମାନଙ୍କ ସହ ପରୀକ୍ଷା ସମ୍ବଳିତ ବିଭିନ୍ନ ମାନସିକ ଉଦବେଳନ ଓ ସମସ୍ୟା ସମ୍ପର୍କରେ ତାଙ୍କ ସ୍ୱଭାବ ସୁଲଭ ଢ଼ଙ୍ଗରେ ଲାଇଭ କାର୍ଯ୍ୟକ୍ରମ ଜରିଆରେ ଉତ୍ତର ଦେଇଥାନ୍ତି । ଏଥର କାର୍ଯ୍ୟକ୍ରମ ଭର୍ଚ୍ଚୁଆଲ ମୋଡରେ ପରିଚାଳିତ ହେବ ବୋଲି ଶ୍ରୀ ପୋଖରିଆଲ କହିଛନ୍ତି । ସେ ଆହୁରି କହିଛନ୍ତି ଯେ ପରୀକ୍ଷାରେ ମାନସିକ ଚାପ ସମ୍ପର୍କିତ ପ୍ରଶ୍ନାବଳୀ ନବମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ବିଦ୍ୟାର୍ଥୀଙ୍କଠାରୁ ମାଇଗଭ ପ୍ଲାଟଫର୍ମ ଜରିଆରେ ଆମନ୍ତ୍ରଣ କରାଯିବ । ମନୋନୀତ ପ୍ରଶ୍ନଗୁଡିକ କାର୍ଯ୍ୟକ୍ରମରେ ସ୍ଥାନ ପାଇବ । ମାଇଗଭ ପ୍ଲାଟଫର୍ମ ଜରିଆରେ କରାଯାଉଥିବା ଏକ ଅନଲାଇନ ସୃଜନଶୀଳ ଲିଖନ ପ୍ରତିଯୋଗିତା ମାଧ୍ୟମରେ ଦେଶବ୍ୟାପୀ ବିଦ୍ୟାଳୟ ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକ ବଛାଯିବେ ବୋଲି ସେ ଜଣାଇଛନ୍ତି । ପ୍ରତିଯୋଗିତା ନିମନ୍ତେ ଛାତ୍ରଛାତ୍ରୀ, ଶିକ୍ଷକ ଓ ଅଭିଭାବକଙ୍କ ନିମନ୍ତେ ଭିନ୍ନ ଭିନ୍ନ ବିଷୟ ଦିଆଯିବ । ଆବେଦନକାରୀ ସେମାନଙ୍କ ପ୍ରଶ୍ନ ପ୍ଲାଟଫର୍ମରେ ମଧ୍ୟ ସ୍ଥାନିତ କରିପାରିବେ । ମନୋନୀତ ଅଂଶଗ୍ରହଣକାରୀମାନେ ଅନଲାଇନରେ ସେମାନଙ୍କ ନିଜ ନିଜ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ କାର୍ଯ୍ୟକ୍ରମରେ ଅଂଶ ଗ୍ରହଣ କରିବେ ଓ ସେମାନଙ୍କୁ ଏକ ପିପିସି କିଟ୍ (ପରୀକ୍ଷା ପେ ଚର୍ଚ୍ଚା କିଟ୍)  ମଧ୍ୟ ଦିଆଯିବ । ଅନଲାଇନ ସୃଜନାତ୍ମକ ଲେଖା ପାଇଁ ପୋର୍ଟାଲ ମାର୍ଚ୍ଚ 14, 2021 ପର୍ଯ୍ୟନ୍ତ ଖୋଲା ଯିବ ବୋଲି ସେ କହିଛନ୍ତି ।

ପୋର୍ଟାଲର ଲିଙ୍କ ପାଇବା ପାଇଁ ଏଠାରେ କ୍ଲିକ କରନ୍ତୁ-

https://innovateindia.mygov.in/ppc-2021/

ଛାତ୍ରଛାତ୍ରୀଙ୍କ ନିମନ୍ତେ ମାଇ ଗଭ ପ୍ରତିଯୋଗିତାର ସୃଜନାତ୍ମକ ଲିଖନ ପାଇଁ ବିଷୟ

ବିଷୟ 1- ପରୀକ୍ଷା ସବୁ ପର୍ବପର୍ବାଣି ଭଳି, ତାକୁ ପାଳନ କରନ୍ତୁ ।

କାର୍ଯ୍ୟ: ନିଜର ମନମୁତାବକ ଏକ ପର୍ବର ଦୃଶ୍ୟ ଅଙ୍କନ କରନ୍ତୁ ।

ବିଷୟ 2- ଭାରତ ଅତୁଳନୀୟ, ଭ୍ରମଣ କର ଓ ଏହାକୁ ଖୋଜ ।

କାର୍ଯ୍ୟ: ଭାବି ନିଅନ୍ତୁ ଆପଣଙ୍କ ବନ୍ଧୁ ତିନି ଦିନ ପାଇଁ ଆପଣଙ୍କ ସହରକୁ ଆସିଛନ୍ତି । ପ୍ରତ୍ୟେକ ବିଭାଗରେ ତାଙ୍କ ସ୍ମୃତିପଟରେ କେଉଁ ସବୁ ବିଷୟ ଆପଣ ସୃଷ୍ଟି କରିବେ ।

  • ଦେଖିବାକୁ ଥିବା ସ୍ଥାନ: (ପାଞ୍ଚଶହ ଶବ୍ଦ ମଧ୍ୟରେ ସୀମିତ)
  • ମନ ମୁତାବକ ଖାଦ୍ୟ: (ପାଞ୍ଚଶହ ଶବ୍ଦ ମଧ୍ୟରେ ସୀମିତ)
  • ସ୍ମରଣୀୟ ଅଭିଜ୍ଞତା: (ପାଞ୍ଚଶହ ଶବ୍ଦ ମଧ୍ୟରେ ସୀମିତ)

ବିଷୟ 3- ଜଣକର ଭ୍ରମଣ ଶେଷ ହେଲେ ଅନ୍ୟ ଜଣଙ୍କର ଆରମ୍ଭ ।

କାର୍ଯ୍ୟ: 1500 ଶବ୍ଦ ମଧ୍ୟରେ ତୁମ ବିଦ୍ୟାଳୟର ସବୁଠାରୁ ସ୍ମରଣୀୟ ଘଟଣାର ବର୍ଣ୍ଣନା ।

ବିଷୟ 4- ଆକାଂକ୍ଷା, କେବଳ ହେବା ପାଇଁ ନୁହଁ, କିଛି କରିବା ପାଇଁ ।

କାର୍ଯ୍ୟ: ଯଦି ଅର୍ଥ ଓ ସୁଯୋଗର କୌଣସି କଟକଣା ନଥାଏ ଆପଣ ସମାଜ ପାଇଁ କଣ ଓ କାହିଁକି କରିବେ? ପନ୍ଦର ଶହ ଶବ୍ଦ ମଧ୍ୟରେ ଏକ ଲେଖା ଦିଅନ୍ତୁ ।

ବିଷୟ 5- କୃତଜ୍ଞ ରୁହ ।

କାର୍ଯ୍ୟ: ପାଞ୍ଚ ଶହ ଶବ୍ଦ ମଧ୍ୟରେ ଯାହାଙ୍କ ନିକଟରେ ଆପଣ କୃତଜ୍ଞ ତାଙ୍କ ପାଇଁ କୃତଜ୍ଞତାର ପତ୍ର ଲେଖ ।

ଶିକ୍ଷକଙ୍କ ନିମନ୍ତେ

ବିଷୟ: ଅନଲାଇନ ଶିକ୍ଷା ପଦ୍ଧତି – ଏହାର ସୁବିଧା କଣ ଓ ଏହାକୁ କିପରି ଆହୁରି ଉନ୍ନତ କରିହେବ ।

କାର୍ଯ୍ୟ – ବିଷୟ ଉପରେ 15 ଶହ ଶବ୍ଦ ମଧ୍ୟରେ ଏକ ରଚନା ଲେଖ ।

ମାତା ପିତା ଅଭିଭାବକଙ୍କ ନିମନ୍ତେ

ବିଷୟ 1- ତମର ଶିକ୍ଷାରେ ପିଲାର ଜୀବନ ଗଠନ ହୁଏ, ଯାହା ତୁମେ ସବୁବେଳେ କହିଥାଅ ।

କାର୍ଯ୍ୟ: ପିଲାର ଭବିଷ୍ୟତ ପାଇଁ ତମ ମନରେ ଥିବା ଚିନ୍ତାର ଏକ ଗଳ୍ପଲେଖ । ତୁମ ପିଲା ଏହାର ପ୍ରଥମ ବାକ୍ୟ ଲେଖୁ । ତା ପରେ ପନ୍ଦର ଶହ ଶବ୍ଦ ମଧ୍ୟରେ ନିଜେ ଲେଖ ।

ବିଷୟ 2- ତୁମ ପିଲାର ସାଙ୍ଗ ହୋଇଯାଅ, ମାନସିକ ଚାପ ଦୂର କର ।

କାର୍ଯ୍ୟ- ଶହେ ଶବ୍ଦ ମଧ୍ୟରେ ତୁମ ପିଲା ପାଇଁ ଏକ ପୋଷ୍ଟକାର୍ଡରେ ଲେଖ । ତାକୁ ଜଣାଅ ଏହା କାହିଁକି ଗୁରତ୍ୱପୂର୍ଣ୍ଣ ।

 

******************

SM


(ରିଲିଜ ଆଡି: 1699076) ପରିଦର୍ଶକ କାଉଣ୍ଟର : 361