ঙাকশেল মন্ত্রালয়

জিয়া রাই, চহি ১২শুরবী নেবেলগী অঙাংনা, কিলোমিতর ৩৬ ইরোইদুনা ওতিজম স্পেক্ত্রম দিসওর্দরগী মরমদা খঙহনখ্রে

Posted On: 18 FEB 2021 2:10PM by PIB Imphal

মিস জিয়া রাই, চহি ১২শুরবী নেবেল সেলর মদন রাইগী  মচানুপীনা, ২০২১গী ফেব্রুৱারীগী ১৭তা বান্দ্রা-ৱোর্লি শমুদ্র লম্বী অসিদা গেতৱে ওফ ইন্দিয়া ফাওবা কিলোমিতর ৩৬ পুং ০৮ অমসুং মিনিত ৪০গী মনুংদা পুৱারী শেমখ্রে। মহাক অসি ঔতিজম স্পেক্ত্রম দিসওর্দর (এ.এস.দি.) হায়না খঙনবা কেস অসি লৈবা মীওইনি অমসুং মহাক্না মায় পাক্না ইরোইদুনা মসিগী মরমদা মীয়ামদা খঙহনখি। মহাক্না মহাক্কী মায় পাক্নবা রেকোর্দ তাল্লিবা অসি বান্দ্রা-ৱোর্লি শমুদ্র লম্বী অসিদগী ২০২১গী ফেব্রুৱারী ১৭কী অয়ুক পুং ০৩৫০ তাবা মতমদা হৌখি অমসুং গেতৱে ওফ ইন্দিয়া পুং ১২৩০দা লোইশিনখি। ইরোইবগী থৌরম অসি ইন্দিয়াগী শ্বিমিং ফেদেরেসন্না শকখংলবা শ্বিমিং এসোসিএসন ওফ মহারাস্ত্রাগী মিয়েং মখাদা পাংথোকপনি। থৌরম অসি য়ুথ অমসুং স্পোর্ত এফিয়র্স মিনিস্ত্রীগী এফ.আই.তি. ইন্দিয়া মুভমেন্তগা মরী লৈননা শিনবনি।         

এৱার্দ পীবগী থৌরম অসি গেতৱে ওফ ইন্দিয়াদা ২০২১গী ফেব্রুৱারী ১৭ তা পাংথোকখি। মিস জিয়া রাই গ্রেতর মুম্বাই অমাচর এক্বাতিক এসোসিএসন (জি.এসম.এ.এ.এ.)গী প্রসিদেন্ত শ্রীমতি জারির এন. বালিৱালানা ত্রোফী পীবগা লোয়ননা থাগৎখি।  

মিস জিয়া রাই ২০২০গী ফেব্রুৱারীগী ১৫দা কিলোমিতর ১৪ শাংবা ইলিফেন্ত ইথৎতগী গেতৱে ওফ ইন্দিয়া ফাওবা পুং ০৩গা মিনিত ২৭ অমসুং সেকেন্দ ৩০দা হান্ননা ইরোইদুনা এ.এস.দি. লৈবা নহা ওইরিবা নুপী মচা অমনা অহাংবা ইশিংদা কিলোমিতর ১৪ ইরোইদুনা রেকোর্দ থমখি।

***



(Release ID: 1699039) Visitor Counter : 100