ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଆଜି ନାସକମ୍ ପ୍ରଯୁକ୍ତି ଓ ନେତୃତ୍ୱ ମଞ୍ଚ (NTLF) କୁ ଭିଡିଓ କନଫରେନ୍ସିଂ ମାଧ୍ୟମରେ ସମ୍ବୋଧିତ କରିଛନ୍ତି ।

 ଏହି ଅବସରରେ ଉଦ୍‌ବୋଧନ ଦେଇ ପ୍ରଧାନମନ୍ତ୍ରୀ କରୋନା କାଳରେ ପ୍ରଯୁକ୍ତି ଶିଳ୍ପ ଦେଖାଇଥିବା ନମନୀୟତାର ଉଚ୍ଚପ୍ରଶଂସା କରିଥିଲେ । “ଯେତେବେଳେ ଚିପ୍‌ସ କାମ କରିବାରେ ଅକ୍ଷମ ହେଲା, ସେତେବେଳେ ଆପଣଙ୍କ କୋଡ କାମ ଜାରି ରଖିଲା” ବୋଲି ପ୍ରଧାନମନ୍ତ୍ରୀ କହିଛନ୍ତି । ଅଭିବୃଦ୍ଧି ଆଶା ଯେତେବେଳେ ନିରାଶାରେ ପରିଣତ ହୋଇଥିଲା, ସେତେବେଳେ ଏହି କ୍ଷେତ୍ରରେ ଶତକଡା ଦୁଇଗୁଣ ଅଭିବୃଦ୍ଧି ହେବା ସହ ଚାରି ବିଲିୟନ ଡଲାର ରାଜସ୍ୱ ଆଦାୟ ହୋଇଛି ।

          ପ୍ରଧାନମନ୍ତ୍ରୀ କହିଥିଲେ ଯେ, ଆଜିର ଭାରତ ପ୍ରଗତି ଅଭିମୁଖେ ଓ ସରକାର ଏହି ଭାବନାକୁ ଠିକ୍ ବୁଝିଛନ୍ତି । 130କୋଟି ଭାରତବାସୀଙ୍କ ଆଶା ଆକାଂକ୍ଷାକୁ ଆଖିଆଗରେ ରଖି  ଆମେ ଏ ଦିଗରେ ଦ୍ରୁତ ଅଗ୍ରସର ହେଉଛୁ। ନୂତନ ଭାରତ ଗଠନ ପାଇଁ ଘରୋଇ କ୍ଷେତ୍ରରୁ ମଧ୍ୟ ବହୁତ ଆଶା ରଖିଥିବା ସେ କହିଛନ୍ତି । ଭବିଷ୍ୟତ ନେତୃତ୍ୱ ବିକାଶ ନିମନ୍ତେ ଏପରି  କାଇଦା କଟକଣା ଆଦୌ ଶୁଭଙ୍କର ନୁହଁ । ସରକାର ପ୍ରଯୁକ୍ତି ଶିଳ୍ପକୁ ଏ ପ୍ରକାର କଟକଣାରୁ ମୁକ୍ତ କରିବାକୁ ଚେଷ୍ଟା କରୁଛନ୍ତି ।

ପ୍ରଧାନମନ୍ତ୍ରୀ ଏ ଦିଗରେ ଜାତୀୟ ସଞ୍ଚାର ନୀତି,  ଭାରତ ବୈଶ୍ୱିକ ସଫ୍ଟୱେର ପ୍ରଡକ୍ଟ ହବ୍ ଏବଂ ଅନ୍ୟାନ୍ୟ ସେବା ଯୋଗାଣକାରୀ (OSP)ଭଳି କରୋନା କାଳରେ ଜାରି ମାର୍ଗଦର୍ଶିକା ଇତ୍ୟାଦିର ପଦକ୍ଷେପ ସମ୍ପର୍କରେ ସୂଚନା ଦେଇଥିଲେ । ନିକଟରେ କରାଯାଇଥିବା କୋହଳ ନୀତି ଓ ଭୂସର୍ଭେ ତଥ୍ୟାବଳୀ ଆଇଟି ବାତାବରଣକୁ ସୁଗମ କରିବା ସହ ଆତ୍ମନିର୍ଭର ଭାରତ ଅଭିଯାନକୁ ଫଳପ୍ରଦ ହେବାରେ ସହାୟକ ହେବ ।

          ଯୁବ ଉଦ୍ୟୋଗୀମାନେ ନୂତନ ସୁଯୋଗର ସମ୍ପୂର୍ଣ୍ଣ ସୁବିଧା ନେବା ଉପରେ ପ୍ରଧାନମନ୍ତ୍ରୀ ଗୁରୁତ୍ୱାଆରୋପ କରିଛନ୍ତି । ଷ୍ଟାର୍ଟଅପ୍ ଓ ଉଦ୍‌ଭାବକମାନଙ୍କ ଉପରେ ସରକାରଙ୍କ ସମ୍ପୂର୍ଣ୍ଣ ଆସ୍ଥା ରହିଥିବା ପ୍ରଧାନମନ୍ତ୍ରୀ କହିଛନ୍ତି । ଆତ୍ମପ୍ରମାଣପତ୍ର ପ୍ରଦାନ, ପ୍ରଶାସନରେ ପ୍ରଯୁକ୍ତି ସମାଧାନ, ଡିଜିଟାଲ ଇଣ୍ଡିଆ ଜରିଆରେ ତଥ୍ୟ ହାସଲ ପ୍ରକ୍ରିୟାରେ ଅଗ୍ରଗତି ଘଟିଛି ।

          ପ୍ରଶାସନିକ ସ୍ୱଚ୍ଛତା ଯୋଗୁଁ ସରକାରଙ୍କ ଉପରେ ଜନସାଧରଣଙ୍କ ଆସ୍ଥାବୃଦ୍ଧି ପାଇଥିବା ପ୍ରଧାନମନ୍ତ୍ରୀ କହିଛନ୍ତି । ଜନସାଧାରଣଙ୍କ ଦ୍ୱାରା ପରୀକ୍ଷାନିରୀକ୍ଷା ପାଇଁ ପ୍ରଶାସନିକ ବ୍ୟବସ୍ଥାକୁ ଫାଇଲ ମଧ୍ୟରେ ସୀମାବଦ୍ଧ ନ ରଖି ଡ୍ୟାସବୋର୍ଡରେ ସ୍ଥାନିତ କରାଯାଉଛି ।GeMପୋର୍ଟାଲ ଜରିଆରେ ସରକାରଙ୍କ କାର୍ଯ୍ୟ ପଦ୍ଧତି ଓ ସ୍ୱଚ୍ଛତା ଆଣିବା ଲାଗି ଉନ୍ନତି ପରିଲକ୍ଷିତ ହୋଇଛି ।

          ସରକାରୀ କାର୍ଯ୍ୟରେ ପ୍ରଯୁକ୍ତି ବିଦ୍ୟାର ଉପଯୋଗ ଉପରେ ଗୁରୁତ୍ୱାରୋପ କରି ପ୍ରଧାନମନ୍ତ୍ରୀ ଭିତ୍ତିଭୂମି କ୍ଷେତ୍ରରେ ଭୂତାତ୍ତ୍ୱିକ ଟ୍ୟାଗିଂ ଗରୀବ ଲୋକଙ୍କ ନିମନ୍ତେ  ଘରୋଇ ପ୍ରକଳ୍ପଗୁଡିକର ଶୀଘ୍ର ସମାପନ ଇତ୍ୟାଦିର ଉଦାହରଣ ଦେଇଥିଲେ । ଗ୍ରାମାଞ୍ଚଳରେ ଘରବାଡିର ମ୍ୟାପିଂ ପାଇଁ ଡ୍ରୋନର ଉପଯୋଗ ତଥା ଟିକସ ବ୍ୟାପାରରେ ସ୍ୱଚ୍ଛତା ଆଣିବା ପାଇଁ ପ୍ରଯୁକ୍ତି ବିଦ୍ୟାର ଅଧିକ ଉପଯୋଗ କରାଯାଉଛି । ପ୍ରଧାନମନ୍ତ୍ରୀ ଷ୍ଟାର୍ଟଅପ୍ ଉଦ୍ୟୋଗୀମାନଙ୍କୁ କେବଳ ମୂଲ୍ୟାୟନ ଓ ପ୍ରସ୍ଥାନ ଉପରେ ନିଜକୁ ସୀମାବଦ୍ଧ କରି ନ ରଖିବାକୁ ଆହ୍ୱାନ ଜଣାଇଛନ୍ତି । “ଆପଣମାନେ ଚଳିତ ଶତାବ୍ଦୀ ପର୍ଯ୍ୟନ୍ତ କିପରି ଆପଣଙ୍କ ଉଦ୍ୟୋଗ ତିଷ୍ଠି ରହିବ ସେଥିଲାଗି ଉଦ୍ୟମ କରନୁ । କିପରି ଆପଣମାନେ ବିଶ୍ୱସ୍ତରୀୟ ସାମଗ୍ରୀ ଉତ୍ପାଦନ କରି ବୈଶ୍ୱିକ ଉତ୍କର୍ଷ ପ୍ରତିଷ୍ଠ କରିବେ” ସେଥିପାଇଁ ପ୍ରୟାସ କରିବାକୁ ପ୍ରଧାନମନ୍ତ୍ରୀ ପରାମର୍ଶ ଦେଇଛନ୍ତି । ସମସ୍ୟାର ଦେଶୀୟ ସମାଧାନ ବାହାର କରିବାକୁ ଶ୍ରୀ ମୋଦୀ ବୈଷୟିକବିଦ୍‌ମାନଙ୍କୁ କହିଛନ୍ତି । ଭାରତୀୟ ପ୍ରଯୁକ୍ତି ବିଦ୍ୟାର ନେତୃତ୍ୱକୁ ବଳବତର ରଖି ପ୍ରତିଯୋଗିତାର ନୂତନ ମାନଙ୍କ ପ୍ରତିଷ୍ଠା କରିବାକୁ ପ୍ରଧାନମନ୍ତ୍ରୀ ପରାମର୍ଶ ମଧ୍ୟ ଦେଇଛନ୍ତି ।

          ଆଗାମୀ 2047ରେ ଦେଶ ସ୍ୱାଧୀନତାର ଶହେ ବର୍ଷ ପୂର୍ତ୍ତି ପାଳନ କରିବା ବେଳକୁ ବିଶ୍ୱସ୍ତରୀୟ ସାମଗ୍ରୀ ଦେବା ଉପରେ ପ୍ରଧାନମନ୍ତ୍ରୀ ଗୁରୁତ୍ୱଆରୋପ କରିବା ସହ ଆପଣମାନେ ନିଜର ଲକ୍ଷ୍ୟ ସ୍ଥିର କରନ୍ତୁ ଓ ଦେଶ ଆପଣମାନଙ୍କ ସହ ଅଛି ବୋଲି କହିଛନ୍ତି ।

          ଏକବିଂଶ ଶତାବ୍ଦୀରେ ଭାରତ ସାମ୍ନା କରିବାକୁ ଥିବା ବୈଷୟିକ ମଜବୁତ ସମାଧାନ ସୂତ୍ର ଦେବା ଉପରେ ପ୍ରଧାନମନ୍ତ୍ରୀ ପ୍ରଯୁକ୍ତି ଶିଳ୍ପଦ୍ୟୋଗୀମାନଙ୍କୁ କହିଛନ୍ତି । କୃଷିର ଆବଶ୍ୟକତା ପାଇଁ ଜଳ ଓ ସାର ସମସ୍ୟାର ସମାଧାନ ସୂତ୍ର, ସ୍ୱାସ୍ଥ୍ୟ ଓ ସୁଧାର, ଟେଲି ମେଡିସିନ  ଓ ଶିକ୍ଷା, କୌଶଳ ବିକାଶ ଦିଗରେ ସୁଚିନ୍ତିତ ସମାଧାନ ସୂତ୍ର ବାହାର କରିବାକୁ ପ୍ରଧାନମନ୍ତ୍ରୀ ଆହ୍ୱାନ ଦେଇଛନ୍ତି ।  ଜାତୀୟ ଶିକ୍ଷାନୀତି, ଅଟଳ ଟିଙ୍କରିଂ ଲ୍ୟାବ, ଅଟଳ ଉଷ୍ମାୟନ କେନ୍ଦ୍ର ଇତ୍ୟାଦି ବୈଷୟିକ ସହାୟତା ଯୋଗାଉଥିବାବେଳେ ସେମାନେ ଆଇଟି ଶିଳ୍ପର ସହାୟତା ଲୋଡୁଛନ୍ତି ।

          ପ୍ରଧାନମନ୍ତ୍ରୀ ଉଦ୍ୟୋଗଗୁଡିକୁ  ସେମାନଙ୍କ ବାଣିଜ୍ୟିକ ସାମାଜିକ ଦାୟିତ୍ୱ ପ୍ରତି ସଚେତନ ହେବାକୁ ପରାମର୍ଶ ଦେବା ସହ ସେମାନେ ଡିଜିଟାଲ ଶିକ୍ଷା ଓ ଅନଗ୍ରସର ଅଞ୍ଚଳର ବିକାଶ ଉପରେ ପ୍ରାଧାନ୍ୟ ଦେବାକୁ ପରାମର୍ଶ ଦେଇଛନ୍ତି । ଟାୟାର ଟୁ ଓ ଟାୟାର ଥ୍ରୀ ସହର ଗୁଡିକରେ ସୃଷ୍ଟି ହେଉଥିବା ସୁଯୋଗ ଗୁଡିକର ଉପଯୋଗ କରିବାକୁ ଶ୍ରୀ ମୋଦି ଉଦ୍ୟୋଗପତି ଓ ଉଦ୍‌ଭାବକମାନଙ୍କୁ ପରାମର୍ଶ ଦେଇଛନ୍ତି ।

******

SM/SLP