প্রধানমন্ত্রীগী লোইশঙ

নাসকোম তেক্নোলোজি এন্দ লিদরসিপ ফোরমদা প্রধান মন্ত্রী ৱা ঙাংখ্রে

চিপশিং য়ারক্তবা মতমদা, অদোমগী কোদশিংনা পোৎশক কয়া মথৌ পাংথোকহল্লি, আই.তি ইন্দস্ত্রিদা প্রধান মন্ত্রীনা হায়খি

দরকার ওইদবা চৎন-কাংলোনশিংদগী তেক ইন্দস্ত্রিশিং মনিংতম্নবা সরকারনা থবক পায়খৎলি: প্রধান মন্ত্রী

নহা ওইরিবা ওন্ত্রেপ্রেনিউয়রশিং অনৌবা খুদোংচাবশিং শীজিন্ননবগী নিংতম্বা লৈগদবনি: প্রধান মন্ত্রী

Posted On: 17 FEB 2021 3:07PM by PIB Imphal

ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা নাসকোম তেক্নোলোজি এন্দ লিদরসিপ ফোরম(এন তি এল এফ)দা ৱা ঙাংখ্রে।

থৌরম অদুদা ৱা ঙাংবদা, কোরোনা মনুংদা মখোয়না অৱাবা কয়া ঙাকথোক্নবা হোৎনখিবা অদুগীদমক আই.তি ইন্দস্ত্রি থাগৎলদুনা প্রধান মন্ত্রীনা হায়খি চিপশিং য়ারক্তবা মতমদা, অদোমগী কোদশিংনা পোৎশক কয়া মথৌ পাংথোকহলখি। মনিং হল্লকপগী লাংতক্নবা লৈরিঙৈ চৈরক্তা সেক্তর অসিদা চাদা ২ গ্রোথ লৈখি অমসুং দোল্লর বিল্লিয়ন ৪গী শেন্দোং লাকখি।

প্রধান মন্ত্রীনা হায়খি ঙসি ভারত চাউখৎনবগী ইখৌলাংলে অমসুং মসিগী ইহুল অসি সরকারনা খঙলে। ভারতমচা কোতি ১৩০গী অনিংবশিংনা খোঙজেল য়াংনা চাউখৎনবা ঐখোয়দা ইথিল পীরি। অনৌবা ভারত অমগীদমক প্রাইভেদ সেক্তরদগী থাজবশিং থম্লি অমসুং মখোয়নশু সরকারদা থাজবা থম্লি। তুংগী লুচিংবশিং শেমগৎনবগীদমক অথিংবশিং থম্বা অসি অফবা নত্তে হায়বা সরকারনা খঙলে। দরকার ওইদবা চৎন-কাংলোনশিংদগী তেক ইন্দস্ত্রিশিং মনিংতম্নবা সরকারনা থবক পায়খৎলি।

ইকুই কুইদনা পায়খৎখিবা থবকশিং হায়বদি নেসনেল কম্মুনিকেসন পোলিসি, ভারত মালেমগী সোফৱায়র পুথোক্নবা মফম অমা ওইনা শেমগৎনবা থৌশিল অমসুং কোরোনা মনুংদা পীখিবা অদর সর্বিস প্রোভাইদর(ও এস পি)গী চৎন-কাংলোনশিং প্রধান মন্ত্রীনা ফোঙদোকখি। মহাক্না হায়খি চেম্পিয়ন সর্বিস সেক্তর ১২গী মনুংদা ইনফোর্মেসনগী থবক য়াওহনবা অসিগী মহৈ চাবা হৌরে। মেপশিং অমসুং জিও-স্পসিয়েল দেতাগী মনিংতম্বা পীখিবা অসিনা তেক্নোলোজিগী স্তার্দ অপশিং অমসুং অত্মানির্ভর ভারত মিসনগী থবকশিং মপাঙ্গল কনখৎহল্লগনি।

প্রধান মন্ত্রীনা হায়খি নহা ওইরিবা ওন্ত্রেপ্রেনিউয়রশিং অনৌবা খুদোংচাবশিং শীজিন্ননবগী নিংতম্বা লৈগদবনি। স্তার্দ অপ অমসুং ইন্নোবেতরশিংদা সরকারনা মপুংফানা থাজবা লৈরে। সেল্ফ-সর্তিফিকেসন, লৈবাক ঙাকপদা আই.তিগী পাম্বৈশিং শীজিন্নবা, দিজিতেল ইন্দিয়াগী খুৎথাংদা দেতা মীয়ামদা ফংহনবগী থবকশিং খুমাঙচাউশিল্লে।

লৈবাক ঙাকপদা অরোন-অথুপ লৈহন্দবগী মতাংদা প্রধান মন্ত্রীনা হায়খি মীয়াম্না সরকার অসিদা থাজবা হেনগৎলক্লি। মীয়াম্না নিংথিনা য়েংশিনবা ঙম্নবা লৈবাক ঙাকপা অসি ফাইলশিংদগী দাসবোর্দশিংদা পুরক্লে। জি.ই.এম পোর্তেলগী খুৎথাংদা সরকারনা পোৎ লৈবদগী অমসুং অরোন-অথুপ লৈত্রে অমসুং থৌরাং অসিগী ফিবম ফগৎলে।

প্রধান মন্ত্রীনা হায়খি লৈবাক ঙাকপদা তেক্নোলোজি শীজিন্নবা দরকার ওই। ইনফ্রাস্ত্রকচরশিং অমসুং লায়রবশিংগী য়ুমশিং জিও তেগ্গিং তৌবা অমসুং অসিগুম্বা প্রোজেকশিং তেক্নোলোজিগী মতেংনা মতম চানা লোইশিনবা ঙমগনি। খুঙ্গংগী য়ুমথোঙশিং মেপ লৌনবা দ্রোনশিং শীজিন্নরে অমসুং তেক্সকা মরী লৈনবা থবকশিং মনুং-মপান ফাওনা থবক পাংথোকপা হেনগৎহন্নবা অমসুং মীওইবগী খুৎ চঙবা হন্থহন্নবা তেক্নোলোজি শীজিন্নবা হৌরে। ভেলুএসন অমসুং এক্সিৎকী থবকশিংগীদমক স্তার্দ-অপ ফাউন্দরশিংনা মখোয় মশামক অথিংবা কয়া থম্লোইদবনি।

মহাক্না হায়খি ২১শুবা চহিচা অসিদা মতম শাংনা লৈগদবা ইন্সতিতুৎশিং কমদৌনা শেমগৎকনি হায়বগী মতাংদা অদোম্না খল্লু। মালেমগী থাক য়ৌবা ঙম্বা পোৎথোকশিং কমদৌনা অদোম্না পুথোক্কনি হায়বা খল্লু। তেক্লোলোজিগী লুচিংবশিংনা মখোয়গী পাম্বৈশিংদা মেক ইন ইন্দিয়াগী মমি তাহনগদবনি। তেক্নোলোজিগী লমদা ভারতনা মাঙজিল থানবা অমসুং চাংদম্বগী খোঙজেল অসি তপথহন্দনবা অনৌবা থৌরাংশিং পায়খৎকদবনি। ময়ামদগী হেন্নবা অমসুং ইন্সতিতুৎ শেমগৎনবগী কলচর লৈগদবনি। 

প্রধান মন্ত্রীনা হায়খি নিংতম্বা চহি ১০০ শুরকবা ইং ২০৪৭ ফাওবা চৎকদবা মালেম থাক্কী পোৎথোকশিং অমসুং লুচিংবশিং পুথোক্নবা ৱাখল খনগদবনি। অদোমগী পান্দমশিং থম্মু, অদোমগীদমক লৈবাক অসি লৈরি।

প্রধান মন্ত্রীনা হায়খি ২১শুবা চহিচাদা ভারতনা থেংগদবা খুদোংচাদবশিং কোকহন্নবা মতিক চাবা তেক্নোলোজিগী পাম্বৈশিং পুথোক্নবগী থৌদাং তেক ইন্দস্ত্রিনা লৌগদবনি। লৌউ-শিংউগী ঈশিং অমসুং হার দরকার ওইবগী পাম্বৈশিং পুথোক্নবা, হকচাং ফনা লৈনবা, তেলিমেদিসিন অমসুং ইজুকেসন অমসুং স্কিল দিবলপমেন্তগী মতাংদা পাম্বৈ পুথোক্নবা থবক পায়খৎকদবনি। নেসনেল ইজুকেসন পোলিসি অমসুং অতল তিনকরিং লেবশিং অমসুং অতল ইনকুবেসন সেন্তরনা স্কিল হেনগৎহন্নবা অমসুং ইন্নোবেসন অমসুং ইন্দস্ত্রি মতেং পাংনবা থবকশিং পায়খৎলি। মখোয়গী সি.এস.আরগী থবকশিংদগী ফংলকপা ফলশিংদা ইন্দস্ত্রিশিংনা মিৎয়েং চঙগদবনি অমসুং চাউখৎত্রিবা মফমশিং শেমগৎনবা অমসুং দিজিতেল ইজুকেসন্দা মিৎয়েং চঙগদবনি। তয়ার-২ অমসুং তয়ার-৩ সহরশিংদা লৈরিবা ওন্ত্রেপ্রেনিউয়রশিং অমসুং ইন্নোবেতরশিংগী অনৌবা খুদোংচাবা কয়া লৈরে।

*****



(Release ID: 1698848) Visitor Counter : 7