ৱেলফিয়র অমসুং প্রোতেক্সন ওফ এনিমেলস, প্রিবেন্সন ওফ ক্রএল্তি তু এনিমেলস এক্ত, ১৯৬০গী সেক্সন ৪গী মখাদা লিংখৎখিবা, লৈবাক অসিগী মকোক্তা লৈরিবা দ এনিমেল ৱেলফিয়র বোর্দ ওফ ইন্দিয়া (এ.দবল্যু.বি.আই.)না প্রানি মিত্র ১৪ অমসুং জিবদয়া এৱার্দস ২০২১ অসি মীওই অমগী ওইবা, ওর্গানাইজেসন অমসুং কোর্পোরেৎশিংদা মখোয়না শা-ঙাগী য়াইফনবগী লমদা মপা লৈত্তনা পাংথোকখিবা থবকশিংদা মনাশিং অসি পীখ্রে।

ভারত সরকারগী ফিসরী, এনিমেল হজবেন্দরী অমসুং দাইরিয়িংগী মিনিস্তর শ্রী গিরিরাজ সিংহনা মনাশিং অসি য়েন্থোকখি অমসুং হায়রিবা বসন্ত পঞ্চমিগী য়াইফরবা নুমিৎ অসিদা মহাক্কী য়াইফ-নুঙাই পাওজেল অসি শা-ঙাবু নুংশিজবশিংদা য়ৌহনখি।

মিনিস্তরনা মনা ফংলবশিং অসিবু মখোয়না শা-ঙাগী লমদা মশাগী ওইজবা কয়া অমা থাদোক্তুনা তৌখিবা অসিদা থাগৎপা ফোংদোক্লি।  মিনিস্তিরনা হায়খি মদুদি অসিগুম্বা মনা অসিনা মীওই অমবু নত্ত্রগা শা-ঙাগী য়াইফনবা তৌবা ওর্গানাইজেসনশিং অসিদা পুক্নিং থৌগৎতুনা শা-ঙাশিংবু কনবা হেনগৎলগনি। এ.দবল্যু.বি.আই., শা-ঙাগী য়াইফনবা তৌবা ওর্গানাইজেসনশিং অমসুং শা-ঙা নুংশিজবা মীওইশিংনা ককচেংদগী হৌদুনা শমু ফাওবা শা-ঙাদা তমথিনা তৌবা থিংদুনা লাক্লি। মখা তানা মহাক্না হায় মদুদি গাওসালাশিং অসি তেক্নোলোজি শিজিন্নদুনা মখোয়বু তেক্ত-কাইদনবা য়োকপা মথৌ তাই। অহৌবদা তঙাইফদবা অমসুং পুংশিং খুদিং মরুওইরিবা অসি মীয়াম অসিদা শা-ঙাশিংবু মিনুংশি লৈবা, চানবিবা, শা-ঙাশিংগী য়াইফনবা তৌবা অমসুং শা-ঙাদা তমথিনা তৌবা থিংবা অসি পোক্নবা পাওজেল পীবা অসিনি।

মখাদা পীরিবা ইন্দিভিয়ুএল/ওর্গানাইজেসন অসি প্রানি মিত্র অমসুং জিব দয়া এৱার্দশিং অসি মখোয়গী লমদা ফংখিবনি:-

১)   ইন্দিভিয়ুএলগী প্রানি মিত্র এৱার্দ – শ্রী য়োগেন্দর কুমার, নই দিল্লী, শ্রী মনিশ সক্সেনা, জয়পুর, রাজস্থান অমসুং শ্রী শ্যাম লাল চাউবিসা, উদয়পুর, রাজস্থান।

2)   প্রানি মিত্র এৱার্দ শাউরিয়া – শ্রী অনিল গান্দাস, গুরুগ্রাম, হারিয়ানা, লৈখিদ্রবা শ্রীমতি কলপানা বাসুদেবন, কোম্বাইতোর, তামিল নাদু।

৩)  প্রানি মিত্র এৱার্দ – লাইফ তাইম এনিমেল সর্বিস – মেজোর জেন. (রিতদ.) দাঃ আর. রি. এম. খার্ব, এ.ভি. এস.এম., গুরুগ্রাম হারিয়ানা, দাঃ এস. চিন্নি কৃষ্ণ, চেন্নাই, তামিল নাদু অমসুং দাঃ এস.আর. সুন্দরাম, চেন্নাই, তামিল নাদু।

৪)   প্রানি মিত্র এৱার্দ – এনিমেল ৱেলফিয়র ওর্গানাইজেসন – ৱার্লদ সঁকির্তন তুর থ্রস, হোদাল, হারিয়ানা, শ্রী কারুনা ফাউন্দেসন থ্রস, রাজকোত, গুজরাত অমসুং পিপল ফোি এনিমেল, অহমেদবাদ, গুজরাত।

৫)   প্রানি মিত্র এৱার্দ – কোর্পোরেত – তাতা থ্রস ফাউন্দেসন, মুম্বাই, মহারাস্ত্রা।

৬) জিব দয়া এৱার্দ - এনিমেল ৱেলফিয়র ওর্গানাইজেসন – ধ্যান ফাউন্দেসন, নই দিল্লী অমসুং এনিমেল এইদ চেরিতেবল থ্রস, উদয়পুর, রাজস্থান।

ভারত সরকারগী ফিসরী, এনিমেল হজবেন্দরী অমসুং দাইরিয়িংগী সেক্রেতরী শ্রী অতুল চতুরবেদীনা ৱা ঙাংবদা হায় মদুদি শা-ঙাগী য়াইফনবগী তৌরিবা মনা পীবগী থৌরম অসি য়াম্না মরুওইবা অমনি অমসুং মীওইবা অমসুং শাশিংগা লৈরিবা মরী অসি খঙন্নবা য়াম্না মরু ওইবা হিরম অমনি। শ্রী চতুরবেদীনা মনা ফংলবশিংবু থাগৎপা ফোংদোকখি অমসুংশা-ঙাশিংগীদমক য়াইফবা কয়া অমা তৌরক্কনি হায়না আশা তৌই হায়না ফোংদোকখি। মহাক্না ঐখোয়গী কন্সতিত্যুসন অসি পল্লদুনা হায়খি মদুদি, “মসি ভারতকী নাগরীক অমা ওইনা শা-ঙাশিং অসি ঙাক-শেনবা অমসুং মখোয়বু মহৌশাগী ওইবা অকোইবদা লৈনবা শেমগৎপা অমসুং জিব খুদিংবু নুংশিনা লোয়নবা অসি তৌফম থোকপনি”।

ভারত সরকারগী ফিসরী, এনিমেল হজবেন্দরী অমসুং দাইরিয়িংগী জোইন্ত সেক্রেতরী দাঃ ও.পি. চৌধুরী অমসুং এ.দবল্যু.বি.আই.গী চেয়রমেননা হায় মদুদি মীওই অমা অমসুং শা-ঙাগী য়াইফনবা তৌবা ওর্গানাইজেসন অসিনা অৱা অনা তারবা শাশিং অসি ঙাকথোকপা কনবিবা কয়া অমা তৌরি। লৈবাক পুম্বা শা-ঙাগী য়াইফনবা অনৌবা ৱাখল্লোল কয়া অমা পুথোক্তুনা লাক্লি। এ.দবল্যু.বি.আই.গী চেয়রমেননা শাবু নুংশিজবা মনা ফংবদা থাগৎপা ফোংদোরক্লি অমসুং শাবু নুংশিজবা কয়া অমনা ভর্চুএল ওইনা থৌরম অসি শরুক য়াখি। মহাক্না হায়খি মদুদি মহাত্মা গান্ধী, লোর্দ বুধা, লোর্দ মহাভিরা অসি শা-ঙাবু জিবদয়া অমসুং নুংশিজবা মীওইনি।   

এ.দবল্যু.বি.আই.গী মেম্বর শ্রী গীরিশ জে. শাহ অমসুং শ্রী রাম কৃষ্ণ রাঘুবন্সিনা এৱার্দকী থৌরম অসিদা শরুক য়াখি অমসুং মখোয়না শা-ঙাগী লমদা থেংনরকপা অমসুং মিয়েংশিং কয়া অমা থমখি। এ.দবল্যু.বি.আই.গী মেম্বর প্রোফেসর আর.এস. চৌহান অমসুং ওনকোলোজিস্ত দাঃ অশোক কানৱারনা ভর্চুএল ওইনা থৌরম অসি শরুক য়াখি অমসুং মখোয়না শনগী মথী অমসুং ময়ুংনা হিদাক ওইনা শিজিন্নবা রিসর্সকী মরমদা হায়খি।  এৱার্দিশিংনা শা-ঙাগী য়াইফনবা তৌরিবা থবক থৌরম কয়া অমগী মতাংদা পুথোকখি।

*****