লৌউ-শিংউ মন্ত্রালয়
নেসনেল ফুদ সিক্যুরিতী মিসন (এন.এফ.এস.এম.)গী মখাদা চীঞ্জাক মহৈ মরোং পুথোকপা অমসুং পোত্থোক্কী চাং হেনগৎহন্নবা ভারত লৈঙাক্কী থৌরাংশিং
“হর খেত কো পানি” অমসুং “পর দ্রোপ মোর ক্রোপ”কী পান্দমশিং ফংননবা ২০১৪-১৫ দগী ২০১৯-২০২০ ফাওবগী মনুংদা এন.এপ.এস.এম.গী মখাদা পম্প সেত ২৭৪৬০০, স্প্রিক্লর ১২৬৯৬৭ অমসুং ঈশিং পুনবা পাইপ মিতর লাখ ৭৬৪ য়েন্থোকখ্রে
Posted On:
15 FEB 2021 6:41PM by PIB Imphal
নেসনেল ফুদ সিক্যুরিতী মিসন (এন.এফ.এস.এম.) ২০০৭-০৮দা মফম পাকথোক-চাউথোকহন্দুনা অমদি পোত্থোক্কী চাং হেনগৎহন্দুনা ফৌ, গেহু অমসুং হৱাই পুথোকপগী চাং হেনগৎহন্নবা; লৈহাউগী ফীভম অমদি পোত্থোক্কী চাং হান্নগী ফীভমদা হঞ্জিনহন্নবা; থবক অমদি খুদোংচাবা পীনবা; অমসুং ফার্মগী থাক্কী শেন্মিৎলোন ফগৎহন্নবগীদমক হৌদোকখিবনি। কোর্স সিরিএলশিং ২০১৪-১৫দগী এন.এপ.এস.এম.গী মখাদা হাপচিনখি। ১২শুবা প্লান লোইশিল্লকপা ফাওবদা ফৌ মিলিয়ন তন ১০, গেহু মিলিয়ন তন ৮, হৱাই মিলিয়ন তন ৪ অমসুং কোর্স সিরিএল মিলিয়ন তন ৩ য়াওনা পুন্না মিলিয়ন তন ২৫গী অহেনবা হৱাই-চেংৱাই পুথোক্নবা পান্দমদা মিসন অসি ১২শুবা চহী মঙাগী প্লান ফাওবা শাংদোকখি। ১২শুবা প্লান লান্থোক্লগা ফৌ মিলিয়ন তন ৫, গেহু মিলিয়ন তন ৩, হৱাই মিলিয়ন তন ৩ অমসুং ন্যুত্রি-কম-কোর্স সিরিএল মিলিয়ন তন ২ য়াওরগা পুন্না হৱাই-চেংৱাই মিলিয়ন তন ১৩গী অহেনবা পান্দমগা লোয়ননা মিসন অসি ২০১৭-১৮দগী ২০১৯-২০ ফাওবা মখা শমথখি।
হৌজিক এন.এফ.এস.এম. অসিদা এন.এফ.এস.এম.-ফৌ, এন.এফ.এস.এম.-গেহু, এন.এফ.এস.এম.-হৱাই, এন.এফ.এস.এম.-কোর্স সিরিএল অমসুং এন.এফ.এস.এম.-কম্মর্সিএল মহৈ মরোং হায়রিবা সব-কম্পোনেন্তশিং অসি য়াওরি। হৌজিক্কী ওইনা এন.এফ.এস.এম. অসি খনগৎলবা স্তেত ১২ অমসুং জম্মু অমসুং কাস্মির (জে. এন্দ কে.) অমদি লদাখ হায়রিবা য়ুনিয়ন তেরিতরী ২গী দিস্ত্রিক্তশিংদা পায়খৎলি। এন.এফ.এস.এম.-ফৌনা স্তেত ২৪ অমসুং জে এন্দ কে য়ু.তি.গী দিস্ত্রিক্ত ১৯৩দা, এন.এফ.এস.এম.-গেহুনা স্তেত ১০ অমসুং জে এন্দ কে অমদি লদাখ হায়রিবা য়ু.তি. ২গী দিস্ত্রিক্ত১২৪দা, এন.এফ.এস.এম.-হৱাইনা স্তেত ২৮ অমসুং জে এন্দ কে অমদি লদাখ য়ু.তি. ২গী দিস্ত্রিক্ত ৬৪৪দা, এন.এফ.এস.এম.-কোর্স সিরিএলনা স্তেত ২৬ অমসুং জে এন্দ কে অমদি লদাখ য়ু.তি. ২গী দিস্ত্রিক্ত ২৬৯দা পায়খৎলি। চৎনরিবা মওং ফগৎহনবা, ক্রোপিং সিস্তেমগী দেমোন্সত্রেসনগী লমদা ক্লস্তর দেমোন্সত্রেসন শিন-লাঙবগীদমক লৌমীশিংদা মতেং পীরি। মহৈ মরোং পুথোকপগী হেন্না নৌবা ফগৎলবা তেক্নোলোজীশিং শন্দোক্নবগীদমক ২০১৪-১৫দগী ২০১৯-২০ ফাওবদা ফৌ, গেহু, হৱাই অমসুং কোর্স কম ন্যুত্রিয়া-সিরিএলনচিংবা হৱাই-চেংৱাই মহৈ মরোংশিংগী তেক্নোলোজী দেমোন্সত্রেসনগী মখাদা লৌফম হেক্তর ৮০.০০রোম কোনশিল্লি।
মিসন অসিগী মখাদা, ঐচ.ৱাই.ভি.গী মরুশিং, ফার্ম মেচিনরি/রিসোর্স কঞ্জার্বেসন মেচিনরি/তুলশিং, মতিং লৈবা ৱাতর এপ্লিকেসন তুলশিং, প্লান্ত প্রোতেক্সন য়েন্থোকপা, ন্যুত্রিএন্ত মেনজমেন্ত, ক্রোপিং সিস্তেমদা য়ুম্ফম ওইবা ত্রেনিংশিং লৌমীশিংদা ফংহনবনচিংবা থৌরাংশিং পীরি। ২০২০-২১দগী হৌনা লৌমীশিংগী শেন্থোক হেনগৎহন্নবগী পান্দমদা মফম মফমগী মথৌ তাবগী মতুং ইন্না প্রাইমারী প্রোসেসিং য়ুনিতশিং/অপীকপা থম্ফম উপুশিং/ফ্লেক্সিবিলিতী ইন্তরভেন্সনশিং হাপচিল্লে।
মরু শিন্দোকপগী চাং অমসুং মখল মখা শুনা শিন্দোকপগী ফীভম ফগৎহন্নবগীদমক মিসন অসিদা অহেনবা মীৎয়েঙ চঙলি। কেন্দ্রগী সীদ এজেন্সীশিংগী খুত্থাঙদা লৌমীশিংগী য়ুমথোঙদা খ্বাইদগী নৌবা মখলগী কিত মচাশিং লেম্না য়েন্থোক্লি। হেন্না ফগৎহল্লবা হৱাই-চেংৱাইগী সীদ রিপ্লেসমেন্ত রেত (এস.আর.আর.) হেনগৎহন্নবা ফৌ, গেহু, হৱাই অমসুং কোর্স সিরিএলগী সর্তিফাইদ তৌরবা চাথোক লৈবা মখলগী/হাইব্রিদ মরূ কুইন্তল লাখ ৭৪রোম এন.এফ.এস.এম.গী মখাদা ২০১৪-১৫দগী ২০১৯-২০ ফাওবদা য়েন্থোকখ্রে।
লৌমীশিংগী মফমদা হৱাই অমসুং ন্যুত্রিয়া-সিরিএলগী মতিং লৈবা অফবা মরূশিং ফংহন্নবগীদমক ২০১৪-১৫দগী ২০১৯-২০ ফাওবদা হৱাই অমসুং ন্যুত্রি-সিরিএলগী সর্তিফাইদ তৌরবা মরূ কুইন্তল লাখ ১৬লোম পুথোকখি।
মিসন অসিনা ২০১৪-১৫দগী ২০১৯-২০২০ ফাওবদা লৌফম হেক্তর লাখ ১১০দা মাইক্রোন্যুত্রিএন্ত, বাইও-ফর্তিলাইজর, সোইল এমেরিওরেন্তশিং/(জীপসম/শুনু/অতৈ)শিং শীজিন্নদুনা লৈহাউ ফগৎহনবা ঙম্লে। ২০১৪-১৫দগী ২০১৯-২০ ফাওবগী মনুংদা লৌফম হেক্তর লাখ ১২০রোম ইন্তিগ্রেতেদ পেস্ত মেনেজমেন্ত (আই.পি.এম.)গী মখাদা পুরকপা ঙম্লে। লৌমীশিংগী লৌফম মেকানাইজেসন তৌবগী ফীভম হেনগৎহন্নবগীদমক ২০১৪-১৫দগী ২০১৯-২০২০ ফাওবদা এন.এফ.এস.এম.গী মখাদা হেন্না ফবা ফার্ম ইম্প্লিমেন্তশিং য়েন্থোকখি। “হর খেত কো পানি” অমসুং “পর দ্রোপ মোর ক্রোপ”কী পান্দমশিং ফংবদা ঙাক্লৌ ওইননবা ২০১৫-১৫দগী ২০১৯-২০২০ ফাওবদা এন.এফ.এস.এম.গী মখাদা লৌমীশিংদা পম্প সেত ২৭৪৬০০, স্প্রিংক্লর ১২৬৯৭ অমসুং ঈশিং পুনবা পাইপ মিতর লাখ ৭৬৪রোম য়েন্থোকখ্রে। লৌমীশিংদা হেন্না ফবা মহৈ মরোং পুথোকপগী অমসুং ঙাকথোকপগী তেক্নোলোজীশিংগী মরমদা লৌশিং হেনগৎহন্নবগীদমক ২০১৪-১৫দগী ২০১৯-২০২০ ফাওবদা ক্রোপিং সিস্তেমদা য়ুম্ফম ওইবা লৌমীশিংগী কেপাসিতী বিল্দিং ত্রেনিংশিং ফংহনখি অমদি মসিনা লৌমী লাখ ১৮লোমদা কান্নবা পীখি।
২০১৪-১৫দগী ২০১৯-২০ ফাওবগী মনুংদা স্তেত অমসুং অতৈ ইমপ্লিমেন্তিং ইন্সতিত্যুসনশিংদা কেন্দ্রগী চাকথুং ওইনা স্কিম অসিগী মখাদা লুপা করোর ৮৭৬০.৮১গী শেন্ফম থাদোকখ্রে। প্রোগ্রাম অসি লৈবাকসিদা পায়খৎলবা মতুংদা স্তেত লৈঙাকশিং লোয়ন-লোয়ননা কেন্দ্র লৈঙাক্না লিংজেল মান্ননা হোৎনখি। মসিনা হৱাই-চেংৱাই পুথোকপগী চাং ২০১৪-১৫দা মিলিয়ন তন ২৫২.০২ ওইরম্বদগী ২০১৯-২০দা মিলিয়ন তন ২৯৬.৬৫ ওইরক্তুনা চাদা ১৭.৭১গী চাংদা হেনগৎলকখি। হৱাই-চেংৱাইগী চাথোক ২০১৪-১৫দা হেক্তর অমদা কে.জি. ২০২৮ ওইরম্বদগী ২০১৯-২০দা হেক্তর অমদা কে.জি. ২৩২৫দা হেনগৎলকখি (চাদা ১৪.৬৪ হেনগৎলকখি)। মরুওইনা পনবা য়াবা ৱাফমদি হৱাই পুথোকপগী চাং ২০১৪-১৫দা মিলিয়ন তন ১৭.১৫ ওইরম্বদগী ২০১৯-২০দা মিলিয়ন তন ২৩.১৫ ওইরক্তুনা চাদা ৩৫গী চাংদা হেনগৎলকখি।
*****
(Release ID: 1698281)
Visitor Counter : 175