نئی دہلی،  15  فروری 2021،          وزارت داخلہ اور  ریاستی حکومتوں کے ذریعہ جاری کردہ  رہنما خطوط کے مطابق  مختلف کلاسوں کے لئے  آمنے سامنے کی  تدریس  ملک بھر کے کیندریہ ودیالیوں میں بحال ہوگئی ہے۔ کیندریہ ودیالیوں کو مرحلے وار طریقے سے  اکتوبر ماہ سے ہی  کھولا جانا شروع کیا گیا تھا۔

تمام کیندریہ ودیالیوں سے  11 فروری 2021 کو  مرتب کئے گئے اعداد و شمار کے مطابق   درجہ 9 سے  اوسطاً  42 فیصد طلبا  درجہ 10 کے 65 فیصد طلبا ، درجہ 11 کے 48 فیصد طلبا  اور درجہ 12 کے 67 فیصد طلبا  ملک بھر میں کلاسوں میں حاضر ہورہے ہیں۔ یہ اعداد و شمار  بہت حوصلہ افزا ہیں اور  رجحانات سے  ان میں  روزانہ مسلسل اضافے کا پتہ چلتا ہے۔ کچھ کیندریہ ودیالیوں میں جہاں ریاستی حکومتوں نے  جونیئر گریڈ کے لئے اسکول کھولنے کی اجازت دی ہے، درجہ ایک سے 8 تک   کی کلاسیں بھی  شروع کی گئی ہیں۔

طلبا / والدین کی جانب سے کسی طرح کے خدشے  کا اظہار کئے جانے کی صورت میں  اسکولوں کے ذریعہ والدین اور سرپرستوں کےساتھ   مستقل رابطہ قائم کیا جارہا ہے۔ طلبا کو  ان کے سرپرستوں کی  رضامندی سے اجازت دی جارہی ہے۔

کورونا عالمی وبا کے پیش نظر   ریاست  اور مرکزی حکومتوں کے ذریعہ جاری کردہ ایس او پیز  پر پوری طرح عمل کیا جارہا ہے۔ تمام کیندریہ ودیالیوں سے واضح طور پر کہا گیا ہے کہ وہ  مختلف درجات کے  طلبا کے لئے علیحدہ علیحدہ اوقات  مقرر کریں اور  کلاس روم میں مناسب جسمانی دوری  برقرار رکھنے سمیت  خاطر خواہ حفاظتی اقدامات  کو یقینی بنائیں۔

لیکن  جو طلبا  اسکول میں حاضر نہیں ہورہے ہیں، ان کے لئے  آن لائن کلاسیں بھی چلائی جارہی ہیں۔طلبا مختلف ڈیجیٹل پلیٹ فارموں کے ذریعہ اپنے اساتذہ کے رابطے میں بھی ہیں۔

۔۔۔۔۔۔۔۔۔۔۔

ش ح۔ا گ۔ن ا۔

U-1577