এম.ঐচ.এ. অমসুং রাজ্য সরকারশিংনা পীরিবা গাইদলাইনশিংগী মতুং ইন্না লৈবাক অসিদা লৈরিবা কেন্দ্রিয়া বিদ্যালয়শিংদা তোঙান তোঙানবা ক্লাসশিংগী ফেস-তু-ফেস তীচিংশিং অমুক হন্না হৌখ্রে। কে.ভি.শিং ওক্তোবর থাদগী থেঙ্খাং নাইবা মওংদা হাংদোকপা হৌখ্রে।

কে.ভি. পুম্নমক্তা ২০২১গী ফেব্রুৱারী ১১দা কম্পাইল তৌখিবা দেতাগী মতুং ইন্না লৈবাক শিনবা থুংনা চাংচৎ ওইনা ক্লাস ৯গী মহৈরোই ৪২%, ক্লাস ১০গী মহৈরোই ৬৫%, ক্লাস ১১গী মহৈরোই ৪৮% অমসুং ক্লাস ১২গী মহৈরোই ৬৭%না মশা লাক্তুনা ক্লাসশিং য়াওরি। মশিংশিং অসি দাইনামিক ওই অমসুং ওইরিবা মওংশিং অসিনা নুমিৎ খুদিংগী লেপ্পা লৈতনা হেনগৎলি হায়না তাক্লি। জুনিয়র গ্রেদশিংদা স্কুলশিং হাংবগী রাজ্য সরকারশংনা অয়াবা পীবা কে.ভি. খরদা ক্লাস ১দগী ৮ ফাওবগী ফেস-তু-ফেস ক্লাসশিং হৌখ্রে।

মহৈরোইশিং/মমা-মপাশিংদা চিংনবা অমা হেক্তা লৈরকপদা স্কুলশিংদা মমা-মপা অমসুং গর্জিয়নশিংগা লোইননা চাং নাইনা পাউ ফাওনরি। মহৈরোইশিং অসি মখোয়গী গর্জিয়নশিংদগী মাংজৌননা অয়াবা লৌবগা লোইননা ক্লাস য়াওবগী অয়াবা পীখিবনি।

কোরোনা লাইচৎ অসি য়েংলগা রাজ্য অমসুং কেন্দ্র সরকারশিংনা থোকখিবা এস.ও.পি.শিং মপুং ফানা ঙাক্না চৎলি। কে.ভি. পুম্নমক্না তোঙান তোঙানবা ক্লাসশিংগী মহৈরোইশিং অসি মতম খাইদোক্নবা অমসুং ক্লাসরুমশিংদা ফিজিকেল দিস্তেন্স মপুং ফানা ঙাক্নবা চৎপা য়াওনা চেকশিল থৌরাংশিং মরাং কাইনা পাইখৎনবা ময়েক শেংনা য়াথং পীখ্রে।

অদুম ওইনমক স্কুলদা কারক্ত্রিবা মহৈরোইশিংগীদমক্তা ওনলাইন ক্লাসশিংসু তৌরি। মহৈরোইশিংনা তোঙান তোঙানবা দিজিতেল প্লেৎফোর্মশিংগী খুত্থাংদা মখোয়গী ওজাশিংগা লোইননা পাউ ফাওনরি।

*****