মাইনোরিতী এফিয়র্স্কী কেন্দ্রগী মন্ত্রালয়না লৈবাক অসিদা লৈরিবা ইন্দিজিনিয়র্স আর্তিসনশিং অমসুং ক্রাফতসমেনশিং অসিগীদমক ২০২১গী ফেব্রুৱারি ২০দগী ন্যু দিল্লীদা লৈরিবা জৱাহর্লাল নেহরু স্তেদিয়মদা ২৬শুবা “হুনার হাত” শিল্লগনি অমসুং মদু ২০২১গী ফেব্রুৱারি ২১দা পেত্রোলিয়ম অমসুং নেচরেল গ্যাস্কী কেন্দ্রগী মন্ত্রী শ্রী ধর্মেন্দ্র প্রধাননা ফোর্মেল্লী ওইনা হৌদোক্লগনি৷

পোর্তস, শিপ্পিং অমসুং ৱাতরৱেজকী রাজ্যগী কেন্দ্রগী মন্ত্রী(আই/সি) শ্রী মনসুখ মন্দাবিয়ানা থৌরম অসিদা থৌরম মপু ওইনা শরুক য়ারগনি৷

“মীয়ামগী খোল্লাউ” হায়বা অসিনা থীম ওইদুনা ২৬শুবা “হুনার হাত” ফেব্রুৱারি ২০দগী ২০২১গী মার্চ ০১ ফাওবা পাংথোক্লগনি অমসুং রাজ্য/য়ু.তি. ৩১ হেনবদগী নুপী আর্তিসন কয়া অমা য়াওনা আর্তিসন অমসুং ক্রাফতসমেন ৬০০ হেনবনা শরুক য়ারগনি৷

লৈবাক অসিদা লৈরিবা আর্তিসনশিং অমসুং ক্রাফতসমেনশিং অসিগী ইন্দিজিনিয়র্স প্রদক্তশিং অসি য়োকখৎনবা “মপুং ফাবা প্লেতফোর্ম” অমা ওইরিবা “হুনার হাত” অসিনা হৌজিক ফাওবদা আর্তিসন, ক্রাফতসমেন অমসুং আর্তিস্ত লাখ ৫ হেন্না থবক পীখ্রে অমসুং থবক্কী খুদোংচাবা ফংহনখ্রে হায়না মাইনোরিতী এফিয়র্স্কী কেন্দ্রগী মন্ত্রী শ্রী মুখতার অবাস নাখবিনা ঙসি মফম অসিদা ফোংদোকখ্রে৷ লৈবাক অসিনা মনিং মখা তম্বা চহী ৭৫ মপুং ফারকপদা পাংথোক্কদৌরিবা ৭৫ “হুনার হাত” অসিদা আর্তিসন অমসুং ক্রাফতসমেন লাখ ৭ লিশিং ৫০,০০০দা মাইনোরিতী এফিয়র্স্কী কেন্দ্রগী মন্ত্রালয় অসিনা থবক পীরগনি অমসুং থবক্কী খুদোংচাবা ফংহল্লগনি৷

ন্যু দিল্লীদা পাংথোক্কদৌরিবা “হুনার হাত” অসিদা য়ু.তি. অমসুং রাজ্য ৩১ হেনবদগী আর্তিসনশিং অমসুং ক্রাফতসমেনশিংনা শরুক য়ারগনি হায়না শ্রী নাখবিনা ফোংদোকখ্রে৷ আন্ধ্র প্রদেশ, অসাম, বিহার, চান্দিগর্হ, ছত্তিশগর, দিল্লী, গোৱা, গুজরাত, হরিয়ানা, হিমাচল প্রদেশ, জম্মু-কাশ্মীর, ঝর্খন্দ, কর্নতকা, কেরলা, লদাখ, মধ্য প্রদেশ, মনিপুর, নগালেন্দ, ওরিশা, পুদুচেরী, পঞ্জাব, রাজস্থান, সিক্কিম, তামিল নাদু, তেলঙ্গনা, উত্তর প্রদেশ, উত্তরখন্দ, ৱেস্ত বেঙ্গলদগী আর্তিসনশিং অমসুং ক্রাফতমেনশিংনা জৱাহর্লাল নেহরু স্তেদিয়মদা পাংথোক্কদৌরিবা “হুনার হাত” অসিদা মখোয় মখোয়গী খুৎনা শাজবা পোত্থোকশিং অদু উৎনবা অমসুং য়োন্নবগীদমক শরুক য়ারগনি৷

জৱাহর্লাল নেহরু স্তেদিয়মদা পাংথোক্কদৌরিবা “হুনার হাত” অসি ভর্চুয়েল অমসুং ওনলাইন প্লেতফোর্মদসু http://hunarhaat.org দসু ফংলগনি অমসুং জি.ই.এম. পোর্তেলদসু ফংলগনি  অমসুং লৈবাক অসিগী অমসুং মপান লৈবাক্কী মীয়াম্না “হুনার হাত” প্রদক্তশিং অসি ওনলাইন অমসুং দিজিতেলগী খুৎথাংদসু লৈবা য়ারগনি হায়না শ্রী নাখবিনা ফোংদোকখ্রে৷

ফেব্রুৱারিগী ০৬তগী ১৪ ফাওবা কর্নতকাগী মহীশুরদা পাংথোকখিবা “হুনার হাত” অসিদা মীওই লাখ কয়া য়েংবা লাকখ্রে অমসুং ইন্দিজিনিয়র্স আর্তিসনশিং অমসুং ক্রাফতসমেনশিং অসি থৌনা হাপখ্রে৷ প্রধান মন্ত্রী স্রী নরেন্দ্র মোদী অপীল “মীয়ামগী খোল্লাউ” অসি শৌগৎপা ওইনা ইন্দিজিনিয়র্স প্রদক্তশিং অসি মীয়ামশিং অসিনা পাক শন্না লৈখ্রে৷

ন্যু দিল্লীগী জৱাহর্লাল নেহরু স্তেদিয়মদা পাংথোক্কদৌরিবা “হুনার হাত”কী “বৱর্চিখানা” সেক্সনদা লৈবাক অসিগী তোঙান তোঙানবা মফমশিং অসিদা হাউনা চানরিবা অথুম অহাউশিং অদু য়েংবা লাক্লিবা মীয়ামশিং অসিনা চাবা ফংলগনি হায়না শ্রী নাখবিনা ফোংদোকখ্রে৷ অসিগীসু মথক্তা ন্যু দিল্লীগী “হুনার হাত” অসিদা লৈবাক অসিগী মমিং লৈরবা আর্তিস্তশিংনা খুদোল তমগদৌরিবা তোঙান তোঙানবা কল্চরেল অমসুং ম্যুজিকেল প্রোগ্রামশিং অদু য়েংবা লাক্লিবা মীয়ামশিংনা শরুক য়াবা ফংলগনি৷

লাক্কদৌরিবা নুমিৎশিং অসিদা “হুনার হাত” অসি গোৱা, ভোপাল, জাইপুর, চান্দিগর্হ, মুম্বাই, হায়দ্রবাদ, রাঞ্চি,সুরাত/অহমেদবাদ, কোচি, গুৱাহতি, ভুবনেশ্বর, পত্ন, জম্মু-কাশ্মীর অমসুং অতোপ্পা মফমশিংদা শিল্লগনি৷

                                                                                         ******