অৱাং নোংপোক থংবা লমদমগী চাউখৎ থৌরাং (দোনর), এম.ও.এস. পি.এম.ও., পব্লিক গ্রীভান্সেস, পেনসন্স, এতোমিক ইনর্জী অমসুং স্পেসকী কেন্দ্রগী রাজ্য মন্ত্রী (ইন্দিপেন্দেন্ত চার্জ) দা. জিতেন্দ্র সিংহনা হায়খি ফেমিলী পেন্সনগী অপ্পর সিলিং অচৌবা অহোংবা ওইনা থা অমদা লুপা ৪৫,০০০দগী লুপা ১,২৫,০০০দা হেনগৎখি। মহাক্না হায় খোঙথাং অসিনা লৈখিদ্রবা কর্মচারীশিংগী ইমুং মনুংগী “ইজ ওফ লিবিং: পুরক্নবা খোঙথাং অমনি অমসুং মসিনা মখোয়দা ফাইনান্সিএল সেক্যুরিতী মরাং কাইনা ফংহনগনি। মন্ত্রীনা হায় দিপার্তমেন্ত ওফ পেন্সন এন্দ পেন্সনরস ৱেলফিয়র (দি.ও.পি.পি.দবল্যু.)না মমা-মপাশিং লৈখিদ্রবা মতুংদা অঙাং অমনা ফেমিলী পেন্সন অনি লৌথোকপদা ইলিজিবল ওইবগী মতাংদা মানা লৌথোকপা য়াবা শেনফমগী মতাংদা ক্লেরিফিকেসন থোকখ্রে। দা. জিতেন্দ্র সিংহনা হায় ফেমিলী পেন্সন অনিগী শেনফমঅসি হৌজিক্তি থাদা লুপা ১,২৫,০০০ ওইরগনি হায়রিবা অসি হান্না থম্লম্বা লিমিৎ অদুদগী শরু অনি মখাই হেন্না হেল্লি।

সেন্ত্রেল সিবিল সর্ভিসেস (পেন্সন) রুল্স ১৯৭২গী সব-রুল (১১)গী রুল ৫৪গী মতুং ইন্না, করিগুম্বা নুপী অমসুং নুপা অদু সরকারগী কর্মচারী ওইবা তারবা অমসুং মখোয়না লৈখিদবদা রুল অসিগী প্রোবিজন অসিনা গভর্ন তৌরবদি  লৈহৌরিবা অঙাং অদুনা লৈখিদ্রবা মমা-মপাশিংগী ফেমিলী পেন্সন অনিমক্কী ইলিজিবল ওইগনি। মমাংদা অসিগুম্বা কেসশিংদা ফেমিলী পেন্সন অনিগী অপুনবা শেনফম অসিদা অথিংবা লৈরমখি মদুদি থাদা লুপা ৪৫,০০০/- অমসুং লুপা ২৭,০০০/- অসি মথং শিৎনা রেৎ ৫০% অমসুং ৩০% ওইদুনা ৬শুবা সি.পি.সি,গী রিকম্মেন্দেসনশিং মতুং ইন্না খ্বাইদগী ৱাংবা পে লুপা ৯০,০০০/- ওইনা লৌদুনা মসিদা লেপখি।

খ্বাইদগী ৱাংবা পে অসি ৭শুবা সি.পি.সি.গী রিকম্মেন্দেসনশিং ইমপ্লিমেন্ত তৌরবা মতুং থাদা লুপা ২,৫০,০০০ ওইহনখ্রে মরম অসিনা সি.এস.এস. (পেন্সন)রুল্সকী রুল ৫৪(১১)দা পীবা শেনফম অসি থাদা লুপা ২,৫০,০০০গী ৫০% ওইদুনা ১,২৫,০০০দা অমসুং লুপা ২,৫০,০০০গী ৩০% ওইদুনা লুপা ৭৫,০০০দা রিভাইজ তৌখ্রে।

মথক্তা পীরিবা ক্লেরিফিকেসন অসু তোঙান তোঙানবা মন্ত্রালয়শিং/বিভাগশিংদগী লাকপা রিফরেন্সশিংদা ইস্যু তৌখ্রে। হৌজিক লৈরিবা রুল অসিগী মতুং ইন্না করিগুম্বা মমা-মপা অদু সরকারগী কর্মচারী ওইরবা অমসুং অমনা সর্ভিসতা লৈরিঙেদা নত্ত্রগা থবক্তগী পোত্থরবা মতুংদা লৈখিদবা তারবদি ফেমিলী পেন্সন অসি হিংহৌরিবা নুপা/নুপীঅদুদা পীগনি অমসুং নুপা/নুপী অদুসু লৈখিদবা তারবদি লৈহৌরিবা অঙাং অদুদা ইলিজিবিলিতী কন্দিসনশিং অদু থুংলবদা লৈখিদ্রবা মমা-মপা অনিমক্কী ফেমিলী পেন্সন অনিমক পীগনি।

<><><><><>