এগ্রীকলচর অমসুং ফার্মরস ৱেলফিয়র, রুরেল দিবলপমেন্ত, পনচায়ৎ রাজ অমসুং ফুদ প্রোসেসিং ইন্দস্ত্রীগী য়ুনিয়ন মিনিস্তর শ্রী নরেন্দ্র সিংহ তোমারনা হায় মদুদি ইন্দিয়া অসি পলসেস মরাংকাইনা পুথোক্তুনা মশাগী ওইবা কোন্নজদুনা পন্থুং লোমদা চংশিল্লি। “চহি মঙা-তরুক অসিগী মনুং অসিদা, লৌমীশিং, সাইন্তিস্তশিং অমসুং সেন্ত্রেল পোলিসিশিং অসিনা চোকথবা লৈতনা হোৎনবা মরম্না লৈবাক অসিদা পলসেস অসি তোন লাখ ১৪০ দগী তোন লাখ ২৪০দা হেনগৎলক্লি। হৌজিক্তি ঐখোয়না তুংদা চংগদবা অসিদা পুক্নিং চংবা হৌরে” হায়না মিনিস্তরনা হায়। শ্রী তোমারনা মখা তানা হায় মদুদি পাদুনা য়েংবগী মতুং ইন্না ২০৫০দদি চাওরাক্না পলসেস তোন লাখ ৩২০মুক চংলরবা য়ারি। প্রধান মন্ত্রী শ্রী নরেন্দ্র মোদীনা হায়বগী মতুং ইন্না মীরমদগী পলসেস পুশিল্লকপা অসি হন্থরে অমসুং লৈবাক অসিদা লুপা করোর ১৫০০০ চহিদা তুংশিনবা ঙম্লে। শ্রী তোমারনা অথোইবা অতিথি ওইনা ইন্দিয়ন পলসেস রিসর্স ইন্সতিত্যুৎ (আই.আই.পি.আর.)না শিনবা ৱার্লদ পলসেস দেদা ৱা ঙাংখি।

থৌরম অসিদা শ্রী তোমারনা আই.আই.পি.আর. ভোপাল অমসুং বিকন্দর রিজনেল সেন্তরগী ওফিস অমসুং লেবোরেতোরী বিল্দিং শঙ্গাখ্রে অমসুং রিজনেল সেন্তর খোর্দা (ওরিশা)গী উরেপ উয়ুং তমখি। নুমিৎ হুম্নিগী ওইবা নেস্নেল সেমিনার “ওন সেলফ-রিলাইন্স এন্দ ন্যুত্রিসন সেক্যুরিতি” অসি শিনখি, হায়রিবা অসিদা সাইন্তিস্ত, রিসর্সসরস, পোলিসি শেম্বা অমসুং লৌমী ৭০০ হেন্না শরুক য়াখি”।

শ্রী তোমারনা হায় মদুদি ৱার্লদ ফুদ অমসুং এগ্রীকলচর ওর্গানাইজেসন্না মীয়ামগী হকশেল ফন্নবা পলসেসদা অহেনবা শাফু পীনবগী মিয়েংদা ৱার্লদ পলসেস দে অসি পাকথোক্নবা লেপ্পনি। মসিগা লোয়ননা, মালেম অসিনা মিয়েং থম্লিবা অসি পলসেস থাবা অসি হেনগৎহনবা অসিনি। মিনিস্তরনা হায় মদুদি চহি তরুক অসিগী মনুংদা পলসেসকী এম.এস.পি. ৪০%দগী ৭৩% ফাওবদা হেনগৎলক্লি। মহাক্না হায় মদুদি চিঞ্জাক্কী অৱাৎপা লৈতনবা পলসেস অসিদা য়াম্না থবক তৌবা মথৌ তাই। ইন্দিয়ন কাউন্সিল ওফ এগ্রীকলচর রিসর্সনা অচৌবা থৌদাং অমা লৌরি হায়না মহাক্ন মখা তানা হায়রি।

২০২২দা লৌমীশিংগী ইনকম শরুক অনি থোক্না হেনগৎনবগী মরমদা ৱা ঙাংলদুনা য়ুনিয়ন মিনিস্তরনা হায় মদুদি সেন্ত্রেল অমসুং স্তেত সরকার অমসুং আই.সি.এ.আর. অমসুং লৌমীশিংনা পান্দম অসি ফংনবা য়াম্না কন্না হোৎনরি। প্রধান মন্ত্রী ফসল ভীমা য়োজনা অসি মওং অমদা শেমদোক্লগা লৌমীশিংদা পীরি। চহি ৪দা লৌমীশিং অসিদা প্রধান মন্ত্রী ফসল ভীমা য়োজনাগী প্রিমিয়ম ওইনা লুপা করোর লিশিং ১৭ পীরি, মসিদা মখোয়দা শরুক মঙা থোক্না পীদুনা লুপা করোর লিশিং ৯০ ওইরি। 

শ্রী তোমারনা হায় মদুদি লৈবাক অসিদা লৌমী ৮৬% অমদি অপিকপা অমসুং অকক্নবা অমা ওইরি। মখোয়না মীয়াম্না পাম্বা খর তাংবা মহৈ-মরোং খক্তদা শেন্দোং লৈরি। লৌমীশিংগী কান্নবা অনৌবা কয়া অমা পুথোকপা মথৌ তারি। মসি য়েংলগা শেমদোক্নবা অমসুং এফ.পি.ও.গী স্কীম লুপা করোর লাখ অমা ফন্দ ওইনা পুথোকখ্রে। এগ্রীকলচর অমসুং হোর্তিকলচরগী পোৎথোকশিং মাং তাকপশিংদগী কন্নবা কিসান রেইল অমসুং কৃষি উরান স্কীম অসি হৌদোক্লি। ত্রেনিং ফংলবা লৌমী ১৫০ থবক হৌখ্রে অমসুং তি.ও.পি. স্কীমগী মখাদা ৫০% সবসিদি পীখ্রে।

মিনিস্তরনা হায় মদুদি অফবা মহৈ-মরোংগীদমক অফবা স্পাইসেস অমসুং য়াম্না ফবা মরু চংই। মসি ৱাখলদা থমদুনা, মরুগী হব ১৫০ অমা লিংখৎলে। এগ্রীকলচরগী সেক্তর পুম্বা মাংলোমদা চংশিনগদবনি, মসি লৈবাক অসিগী ওইনা মরু ওইবনি। ইন্দিয়া অসি থাওগী মরু অসি মশাগী কোন্নবা ওইগদবনি, মসিগীদমক সাইন্তিস্ত অসিনা লেপ্পা লৈতনা হিরম অসিদা থি-হুম্বা চৎথরি হায়না মহাক্না মখা শমথখি।

এগ্রীকলচর অমসুং ফার্মরস ৱেলফিয়রগী মিনিস্তর ওফ স্তেত শ্রী কাইলাস চৌধুরী অমসুং আই.সি.এ.আর.গী দাইরেক্তর জেনেরেল দাঃ ত্রীলোচান মোহাপাত্রানশু থৌরম অসিদা ৱা ঙাংখি. থৌরম অসিদা আই.সি.এ.আর.গী দিপুতি দাইরেক্তর জেনেরেল দাঃ তিলক রাজ শর্ম্মা, এসিস্তেন্ত দাইরেক্তর জেনেরেল দাঃ সঞ্জিব গুপ্তা, আই.আই.পি.আর.গী দাইরেক্তর দাঃ  এন.পি. সিংহ অমসুং লৌমীশিং, সাইন্তিস্ত অমসুং অতোপ্পা ওফিসিএলশিংনা শরুক য়াখি।

*****