ইং ২০২০-২১গী শেনবা চহিগী অহানবা ক্বার্তর অহুমদা ভারতকী সীরিএল – চেং, গেহু অমসুং অপৌবা হৱাই মীরমদা থাদোকপগী হীরমদা য়াম্না মশক থোক্নিংঙাই ওইবা থৌওং পাংথোকপা উবা ফংখি।

এপ্রিল-দিসেম্বর ২০২০গী দেতাগী মতুং ইন্না সীরিএল এক্সপোর্ত তৌবগী চাংদা মমাংগী চহিগী মান্নবা মতমদা ওইখিবা লুপা করোর ৩২,৫৯১ (য়ু.এস. দোল্লর মিলিয়ন ৪৫৮১)দগী লুপা করোর ৪৯,৮৩২দা হেনগৎখি। মসিগী থৌওং অসিদা রুপীগী ওইনা ৫২.৯০% অমসুং য়ু.এস. দোল্লরগী ওইনা ৪৫.৮১%গী চাং হেনগৎপগী ফিভম উবা ফংখি। এগ্রিকলচরেল অমসুং প্রোসেস ফুদ প্রদক্ত এক্সপোর্ত দিভেলপমেন্ত ওথোরিতী (এ.পি.ই.দি.এ.)গী মনুং চনবা পোত্থোকশিংগী অপুনবা ওইনা এক্সপোর্ত তৌবগী মতাংদা রুপীগী হীরমদা য়েংবা মতমদা মীরমদা থাদোক্লিবা অসিগী অপুনবা শেনফমগী শরুক অসি ৪৮.৬১% ওইখি।

এপ্রিল-দিসেম্বর, ২০২০গী দেতা ফংবগী মতুং ইন্না বাসমতী চেং মীরমদা থাদোকপগী চাং অসি মমাংগী চহিগী মান্নবা মতমদা লুপা করোর ২০,৯২৬ (য়ু.এস. দোল্লর মিলিয়ন ২৯৩৬) ওইখিবা অদুগা চাংদম্নবদা লুপা করোর ২,০৩৮ (য়ু.এস. দোল্লর মিলিয়ন ২৯৪৭) ওইখি। মসিগী মনম নুংশিবা অমসুং অশাংবা চেং অসিবু মীরমদা থাদোকপদা রুপীগী ওইনা ৫.৩১% অমসুং দোল্লরগী ওইনা ০.৩৬%গী শাহৌ লৌখি। এ.পি.ই.দি.এ.গী মনুং চনবা পোত্থোকশিংগী মীরমদা থাদোকপগী অপুনবা চাংদা বাসমতী চেঙনা ২১.৪৪%গী শরুক ওইখি। ভারত্তগী বাসমতী চেঙ থাদোকফম ওইরিবা খ্বাইদগী মরু ওইবা লৈবাকশিংগী মনুংদা ইরান, সাউদী অরাবিয়া, ইরাক, য়ুনাইতেদ অরাব ইমিরেৎস, কুৱেৎ অমসুং য়ুরোপকী লৈবাকশিংনচিংবা য়াওরি।

ইং ২০২০-২১গী অহানবা ক্বার্তর অহুমদা বাসমতী নত্তবা অতোপ্পা চেঙগী মীরমদা থাদোকপগী চাংদসু মশক থোক্না হেনগৎপগী ফিভম উবা ফংখি। ২০১৯গী এপ্রিল-দিসেম্বরগী মতমদা মসিবু মীরমদা থাদোকপগী চাংনা লুপা করোর ১০,২৬৮ (য়ু.এস. দোল্লর মিলিয়ন ১৪৪৮) ওইখিবা অদুগা চাংদম্নবদা এপ্রিল-দিসেম্বর, ২০২০গী মনুংদা লুপা করোর ২২.৮৫৬ (য়ু.এস. দোল্লর মিলিয়ন ৩০৬৮) ওইখি। মসিগী এক্সপোর্তকী মতৌ অসিনা রুপীগী ওইনা ১২২.৬১% অমসুং দোল্লরগী ওইনা ১১১.৮১%গী শাহৌ লৌখি। এ.পি.ই.দি.এ.গী মনুং চনবা পোত্থোকশিংগী মীরমদা থাদোকপগী অপুনবা চাংদা বাসমতী নত্তবা চেঙনা ২২.৩২%গী শরুক ওইখি। ভারত্তগী বাসমতী নত্তবা চেঙ থাদোকফম ওইরিবা খ্বাইদগী মরু ওইবা লৈবাকশিংগী মনুংদা নেপাল, ভুতান, য়ুনাইতেদ অরাব ইমিরেৎস, সোমালিয়া, গীনিয়া অমসুং এসিয়া, য়ুরোপকী লৈবাক কয়া অমসুং য়ুনাইতেদ স্তেৎসনি।

এপ্রিল-দিসেম্বর, ২০২০গী মতমগী মনুংদা গেহুবু মীরমদা থাদোকপগী চাংদসু মশক থোক্না হেনগৎপগী ফিভম উবা ফংখি। চহি অমগী মমাংগী চপ-মান্নবা তাঙ্কক্তা গেহুবু মীরমদা থাদোকপগী চাংনা লুপা করোর ৩৩৬ (য়ু.এস. দোল্লর মিলিয়ন ৪৮) ওইখিবা অদুগা চাংদম্নবদা এপ্রিল-দিসেম্বর, ২০২০গী মনুংদা লুপা করোর ১,৮৭০ (য়ু.এস. দোল্লর মিলিয়ন ২৫২) ওইদুনা হেনগৎখি। হৌজিক লৈরিবা চৎনবীগী মতুং ইন্না গেহুবু মীরমদা থাদোকপদা রুপীগী ওইনা ৪৫৬.৪১% অমসুং দোল্লরগী ওইনা ৪৩১.১০%গী শাহৌ লৌখি। এ.পি.ই.দি.এ.গী মনুং চনবা পোত্থোকশিংগী মীরমদা থাদোকপগী অপুনবা চাংদা গেহুনা ১.৮৪%গী শরুক ওইখি। ভারত্তগী গেহু থাদোকফম ওইরিবা খ্বাইদগী মরু ওইবা লৈবাকশিংগী মনুংদা নেপাল, বঙ্গলাদেশ অমসুং য়ুনাইতেদ অরাব ইমিরেৎস য়াওরি।  

এপ্রিল-দিসেম্বর, ২০২০গী দেতা ফংবগী মতুং ইন্না অতোপ্পা সীরিএল- মিল্লেৎ, চুজাক অমসুং অতোপ্পা অপৌবা হৱাইশিংবু মীরমদা থাদোকপগী চাং অসি মমাংগী চহিগী মান্নবা মতমদা লুপা করোর ১০৬১ (য়ু.এস. দোল্লর মিলিয়ন ১৪৯) ওইখিবা অদুগা চাংদম্নবদা এপ্রিল-দিসেম্বর, ২০২০গী মনুংদা লুপা করোর ৩০৬৭ (য়ু.এস. দোল্লর মিলিয়ন ৪১৩) ওইখি। মসিগী থৌওং অসিদা হন্দক্কী শেনবা-চহিদা রুপীগী ওইনা ১৮৯.০৯% অমসুং দোল্লরগী ওইনা ১৭৭.০২%গী শাহৌ লৌখি। এ.পি.ই.দি.এ.গী মনুং চনবা পোত্থোকশিংগী মীরমদা থাদোকপগী অপুনবা চাংদা বাসমতী চেঙনা ৩.০১%গী শরুক ওইখি। ভারত্তগী হায়রিবা পোত্থোকশিং অসিবু থাদোকফম ওইরিবা খ্বাইদগী মরু ওইবা লৈবাকশিংদি সাউদী অরাবিয়া, য়ুনাইতেদ অরাব ইমিরেৎস, নেপাল, য়ুনাইতেদ স্তেৎস, জর্মনী অমসুং জাপান্নি।

কোবিদ-১৯গী লাইচৎনা মরম ওইদুনা মালেম শিনবা থুংবগী পোত্থোক কয়া অমগী সপ্লাই চেন্দা শোকহনখিবা মতমগী মনুংদা মসিগী হেনগৎপগী থৌওং অসি পাংথোকপা ঙমখ্রিবা অসি সরকারনা কোবিদ-১৯গী চেকশিন লৌখৎ-লৌখৎনা মীরমদা চেঙ থাদোকপদা অয়েৎপা লৈহন্দনবা মতিক চাবা থবক লৌখত্তুনা হোৎনখিবগী থৌওংশিং অদুননি হায়না লৌনরি। “ঐখোয়না কোবিদ-১৯না ওইহল্লকপা হকশেল অমসুং থবক তৌবদা অয়েৎপা পীবগী থৌরমশিং অসিনা মরম ওইদুনা হকশেল ফনা অমসুং হাইজীন ঙাক্না লৈনবা তোঙানবা খোঙথাং কয়াসু পায়খৎপগা লোয়ননা মীরমদা চেঙ থাদোকপগী থৌওংশিংদা অরেপ্পা লৈহন্দনবসু হোৎনখি”, হায়না এ.পি.ই.দি.এ.গী চেয়রমেন, দাঃ মধৈয়ান অঙ্গামুথুনা হায়খি। 

চেঙবু মীরমদা থাদোকপদা খুমাং চাউশিলহন্নবগীদমক্তা, সরকারনা এ.পি.ই.দি.এ.গী মিৎয়েং মখাদা রাইস এক্সপোর্ত প্রোমোসন ফোরম (আর.ই.পি.এফ.) লিংখৎখ্রবনি। আর.ই.পি.এফ.তা চেঙগী ইন্দস্ত্রী, এক্সপোর্ত তৌবশিং, এ.পি.ই.দি.এ.গী ওফিসিএলশিং, কম্মর্স মন্ত্রালয় অমসুং নোংচুপ বেঙ্গোল, উত্তর প্রদেশ, পঞ্জাব, হরিয়ানা, তেলঙ্গানা, আন্ধ্র প্রদেশ, অসম, ছতিসগর অমসুং ওরিশা য়াওনা চেঙ পুথোকপা মরু ওইবা রাজ্যশিংগী লৌউ-শিংউবগী দাইরেক্তরশিংনা মীহুৎ ওইদুনা ওইরি।

*****