হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন অমসুং ইন্দিয়ন রেদ ক্রোস সোসাইতিগী চেয়রমেন্না ঙসি মশীং য়াম্লবা মাস্ক অমসুং সাপোন য়েন্থোকপদা ফমফলাংদা লেঙশিনখ্রে।

হৌদোরকপদা, দাঃ হার্শ বর্ধন্না থৌরম অসিদা মহাক্না নুঙাইবা ফোংদোকখি। মহাক্না হায়খি মদুদি, “ঐহাক্না য়াম্না হরাওবা ফাওই মদুদি অসিগুম্বা কোবিদ-১৯গী মাস্ক য়েনবগী শরুক অমা ওইবা অসিদা। মসি লৈবাক অসিগী অসিগুম্বা য়েন্থোকপা অসিগী পরিংনি। দিল্লী অসিমক্তা, ঐখোয়না রেলৱে স্তেসন্দা মাস্ক য়েন্থোকখি, সবজিমান্দি অমসুং মফম অসিদা লায়না অসিগী লানশিনবা য়াবা মফমশিংদা য়েন্থোকখি”।

ইন্দিয়ন রেদ ক্রোস সোসাইতিনা হোৎনরিবা অমসুং বেক্সিন পুথোকখ্রবা মতুং কোবিদ-১৯ অসিগী মরুওইবা লৌরিবশিং অসিদা , দাঃ হার্শ বর্ধন্না হায় মদুদি, “ঐখোয়গী লৈবাক অসিনা পুথোক্লিবা বেক্সিন অসি কোবিদ-১৯ অসি ঙাকথোকপদা অয়াবা লৈরে হায়বা অসিদা য়াম্না নুঙাইবা ফাওই অমসুং ভারত সরকারনা বেক্সিনেসন অসি মালেমগী ওইনা হান্ননা হৌদোকখ্রে। অদুবু বেক্সিন অসিনা পুম্নমক য়ারে হায়বা অদুদি য়াদ্রি। শেংনা হায়রবদা, ঙাকথোক্নবগী খোঙথাংশিং অসি হৌজিকশু অমসুং লাক্লিবা মতুংদা লৌখৎপা মথৌ তাই। মসি য়েংদুনা , আই.আর.সি.এস.না লায়না অসি ঙাকথোক্নবগী পান্দমদা মাস্ক য়েন্থোক্লি”।

অসিগুম্বা য়েন্থোকপা অসিগী মরুওইবা লৌদুনা, য়ুনিয়ন মিনিস্তরনা হায় মদুদি, “মাস্ক য়েন্থোকপা অসি মাস্ক অমসুং খুৎ-শা লু-নানবগী শক্তম অমনি। লম্বীদা চৎলিবা দ্রাইভর অমসুং মখোয়বু মতেং পাংনবা লৈরিবশিং অসি লায়না অসিনা নাহনবা য়াবগী খুদোংচাবা য়াম্না লৈ। আই.আর.সি.এস.না য়েন্থোক্লিবা মাস্ক অসিনা কোবিদ অসি ঙাকথোকপদা য়াম্না মতেং পাংগনি”।

ইন্দিয়াগী ওইরিবী কোবিদকী ফিবম অসিদা ৱা ঙাংলদুনা দাঃ হার্শ বর্ধন্না হায় মদুদি, “ইন্দিয়া অসি মালেমগী ওইনা খ্বায়দগী থুনা অনাবা ফগৎখিবা লৈবাক্নি। পোজিতিব কেস অসি হন্থরক্লি অমসুং ঙসিদি লাখ ১.৪দা লৈরি।  ২০২০দা লেব অমা লৈরম্বদগী, ঙসিদি ঐখোয়না লেব ২৩৭৩ লৈবা ঙম্লে। ঐখোয়না নোংমদা তেস্ত মিল্লিয়ন ১ তৌবা ঙম্লে। ঐখোয়না অপুনবা তেস্ত করোর ২০ তৌবা ঙমখ্রে। হায়রিবা অসি “সরকার পুম্বা” অমসুং “মীয়াম পুম্বা” হায়বা খোঙজং অসিননি।

মহাক্না মকা তানা হায় মদুদি, “ভারতনা মরোমদোমগী ওইবা মাস্ক, পি.পি.ই. কিত, ভেন্তিলেতর পুথোকচব খক্তা নত্তনা হায়রিবশিং অসি মপাল লমদা থাদোক্লি। লাখ ৫৮ হেনবা বেনেফিসরি তিকা থাখ্রে। প্রধান মন্ত্রী শ্রী নরেন্দ্র মোদীনা বেক্সিনেসন দ্রাইব হৌদোকখি অমসুং হেলথৱার্করশিং তিকা থানবা খংহল্লি। ঐখোয়না ফেব্রুৱারীদগী মমাংচেনবশিং তিকা থাবা হৌরগনি”।

বেক্সিন মতাংদা অরানবা পাউ শন্দোক্লিবা অসিগী মতাংদা পল্লদুনা দাঃ হার্শ বর্ধন্না হায় মদুদি, “মীওই কয়া অমনা অরানবা পাউ অমসুং তোকঙা শন্দোক্নবা হোৎনরি অদুবু মসি পুম্বা মীয়াম্না থাজবিদনবা হায়জরি”।

শ্রী আর.কে. জেইন, আই.আর.সি.এস.কী সেক্ত্রেতরী জেনেরেল অমসুং মীহুৎশিংনা থৌরম অসিদা শরুক য়াখি।

****