কমর্স অমসুং ইন্দস্ত্রী মন্ত্রালয়
ত্রেদ অমসুং ইনভেস্তমেন্তকী মতাঙদা অহানবা ইন্দিয়া-ই.য়ু. হায় লেবেল দাইলোগ পাঙথোকখ্রে
Posted On:
06 FEB 2021 9:36AM by PIB Imphal
অহানবা হায় লেবেল দাইলোগ (ঐচ.এল.দি.) কম্মর্স অমসুং ইন্দস্ত্রী মন্ত্রী শ্রী পিয়ুস গোয়ল অমসুং য়ুরোবিয়ন য়ুনিয়ন একজেক্যুতিব ভাইস-প্রেসিদেন্ত অমসুং ত্রেদ কম্মিস্নর মিস্তর ভাল্দিস দোম্ব্রোব্সকিসনা পুন্না থৌরম মপু ওইমিন্নদুনা ফেব্রুৱারী ৫, ২০২১দা পাঙথোকখ্রে।
দাইলোগ অসি পাঙথোক্নবগী খোঙফম অসি নাকল অনিগী ওইবা ত্রেদ অমসুং ইনভেস্তমেন্তকী মরীবু মন্ত্রীশিংগী থাক্তা লমজিংনবা পান্দমদা জুলাই ২০২০দা পাঙথোকখিবা ১৫শুবা ইন্দিয়া-ই.য়ু. লীদর্স সম্মিতকী অচৌবা মহৈ অমনি।
ঐচ.এল.দি. অদুদা খন্ন-নৈনখিবদা, মন্ত্রীশিংনা কোবিদ-১৯ মতুংগী মতমসিদা মালেমগী ওইনা তেংবাংনবা অমদি শৌগৎমিন্নবগী মরুওইবা ৱাফমশিং থম্লদুনা চাং চাইনা ৱারী ৱাতায় শানদুনা, নাকল অনিগী ওইবা ত্রেদ অমসুং ইনভেস্তমেন্তকী মরী হেন্না চেৎশিনহন্নবা অমদি লাংফমগী মতমসিদা লল্লোন ইতিকশিংগীদমক অথুবা ফথহনবা য়াবা ৱাফমশিংদা মীৎয়েং থম্নবা য়ানখি।
মন্ত্রীশিংনা নাকল অনিগী ওইবা রিগুলেতরী দাইলোগ অমা; মখা তানা তেংবাংনবা য়াবা ৱাফমশিং খঙদোকমিন্ননবা ইন্দিয়া-ই.য়ু. মল্তিলেতরেল দাইলোগ অমা পাঙথোক্পনচিংবা নাকল অনিগী ওইবা ত্রেদ অমসুং ইনভেস্তমেন্তকী তেংবাংনবগী ৱাফম কয়াদা য়ানবা ৱাফম অমা পুরক্নবা পান্দমদা লাক্কদৌরিবা থা অহুমসিগী মনুংদা অমুক্কা হন্না উননবা ৱাফমসু য়ানখি।
মশক থোক্না মাঙদা থাংজিনবা খোঙথাঙ অমা ওইনা মরক্কী ওইবা য়ানবা অমগা লোয়ননা নাকল অনিগী ওইবা ত্রেদ অমসুং ইনভেস্তমেন্তকী য়ানবা ৱাফমশিং অমুক হন্না হৌদোক্নবগীদমক চাং নাইনা ৱারী ৱাতায় শাবা হৌননবা ৱাফমসু খন্নখি।
মন্ত্রীশিংনা নাকল অনিগী ওইবা লল্লোন ইতিক্কী মরীগী মতিং চপ চানা ফুদোকপা নৌনা শেমগৎপা ইন্দিয়া-ই.য়ু.গী লল্লোন ইতিক্কী অমদি শেন্মিৎলোনাগী ওইবা খোঙবু অমা শেমগৎপদা থাজবা থম্নদুনা খোঙফম অমা লেপমিন্ননবা ৱাফমগা লোয়ননা লোইশিনখি।
***
(Release ID: 1695778)
Visitor Counter : 202