শেল-থুম মন্ত্রালয়

স্তেত মরিনা ইজ ওফ দুইং বিজিনেস রিফোর্ম্স পুরকখ্রে; অহেনবা শেন্ফম লুপা করোর ৫,০৩৪ পুবগী অয়াবা ফংখ্রে

হৌজিক ফাওবদা স্তেত ১২না ইজ ওফ দুইং বিজিনেস রিফোর্ম্স পায়খৎখ্রে অমদি অহেনবা শেন্ফম লুপা করোর ২৮,১৮৩ পুবগী অয়াবা ফংখ্রে

Posted On: 06 FEB 2021 11:59AM by PIB Imphal

অহেনবা স্তেত মরি – অসাম, হরিয়ানা, হিমাচল প্রদেশ অমসুং পঞ্জাবনা শেলথুম মন্ত্রালয়গী দিপার্তমেন্ত ওফ এক্সপেন্দিচরনা লাউথোকখিবা “ইজ ওফ দুইং বিজিনেস” রিফোর্ম্সকী থবক পায়খৎখ্রে‍। অসুম্না হায়রিবা স্তেতশিং অসি হৌজিক্তি অহেনবা শেলথুমগী মচাক খোমগৎপা য়াহল্লে অমদি ওপন মার্কেত বোরোৱিংগী খুত্থাঙদা লুপা করোর ৫,০৩৪গী অহেনবা শেন্ফম খোমগৎনবা অয়াবা পীখ্রে‍।

হায়রিবা স্তেত মরি অদুদি অসাম, হরিয়ানা, হিমাচল প্রদেশ অমসুং পঞ্জাবনি‍। অসুম্না লল্লোন ইতিক্কী লমদা লায়থোকহন্নবা লাউথোকখিবা অওনবশিং পুরকখ্রবা অপুনবা স্তেত মশিং ১২ শুরে‍। মমাঙদা অন্ধ্র প্রদেশ, কর্নাতকা, কেরলা, মধ্য প্রদেশ, ওরিসা, রাজস্থান, তামিল নাদু অমসুং তেলঙ্গনানা হায়রিবা অওনবা অসি মপুং ফানা পায়খৎলে হায়বা ৱাফম থম্লকখ্রবা মতুংদা দিপার্তমেন্ত ওফ প্রমোসন ওফ ইন্দস্ত্রী এন্দ ইন্তরনেল ত্রেদ (দি.পি.আই.আই.তি.)না কনফার্ম তৌখ্রে‍।

লল্লোন ইতিক্কী লমদা লায়থোকহন্নবা অওনবা মপুং ফানা পুরক্লবা মতুংদা স্তেত ১২সিদা লুপা করোর ২৮,১৮৩গী অহেনবা শেন্ফম পুবগী অয়াবা পীখ্রে‍। স্তেত স্তেতকী ওইনা পুনবগী অয়াবা পীখ্রবা অহেনবা শেন্ফমশিং মখাদা পীরি‍:

 

সেরিএল মশিং

স্তেত

শেন্ফম (লুপা করোরগী খুজিংদা)

১.

অন্ধ্র প্রদেশ

২,৫২৫

২.

অসাম

৯৩৪

৩.

হরিয়ানা

২,১৪৬

৪.

হিমাচল প্রদেশ

৪৩৮

৫.

কর্নাতকা

৪,৫০৯

৬.

কেরলা

২,২৬১

৭.

মধ্য প্রদেশ

২,৩৭৩

৮.

ওরিসা

১,৪২৯

৯.

পঞ্জাব

১,৫১৬

১০.

রাজস্থান

২,৭৩১

১১.

তামিল নাদু

৪,৮১৩

১২.

তেলঙ্গনা

২,৫০৮

 

ইজ ওফ দুইং বিজিনেস অসি লৈবাকসিদা ইনভেস্তমেন্তকা চুনবা লল্লোন ইতিক্কী ফীভমগী মরুওইবা ইন্দিকেতর অমনি‍। ইজ ওফ দুইথ বিজিনেস ফগৎহনবনা স্তেতশিংগী শেন্মিৎলোন্দা তুংদা হেন্না য়াঙনা চাউখৎপা পুরকপা ঙমহনগনি‍। মরম অসিনা ভারত লৈঙাক্না মে ২০২০দা স্তেতশিংদা অহেনবা শেন্ফম পুনবগী অয়াবা পীববু ইজ ওফ দুইং বিজিনেসগী লমদা অওনবা পুরকপগা মরী লৈনহনখিবনি‍। হায়রিবা কাঙলুপসিদা লাউথোকখিবা অওনবা পুরক্কদবশিংদুদি:

 

(১)     ‘দিস্ত্রিক্ত লেভেল বিজিনেস রিফোর্ম এক্সন প্লান’কী অহানবা এসেসমেন্ত লোইশিনবা

(২)     তোঙান তোঙানবা এক্তশিংগী মখাদা বিজিনেসশিংনা লৌখিবা রেজিস্ত্রেসন সর্তিফিকেত/এপ্রুভেল/লাইসেন্সশিং অমুক রিনিউ তৌবগী মথৌ তাবা লৌথোকপা‍।

(৩)     ইন্সপেক্তরশিং এলোকেত তৌবগী থবক কেন্দ্রদগী তৌরকপা, হায়রিবা ইন্সপেক্তর অদু চপ মান্নবা য়ুনিত অমদা থংনবা চহীদা এসাইন তৌদবা, বিজিনেস মপুশিংদা ইন্সপেক্সন নোতিস মাঙজৌননবা পীবা, অমসুং ইন্সপেক্সন রিপোর্ত ইন্সপেক্সন তৌরবা মতুং পুং ৪৮গী মনউংদা থাগৎপা হায়বনচিংবা কম্পুতরাইজ সেন্ত্রেল রেন্দম ইন্সপেক্সন সিস্তেমগী থবক এক্তশিংগী মখাদা পায়খৎপনি‍।

কোবিদ-১৯ লাইচৎনা পীরকপা শিংনবশিং থেংনবদা মথৌ তাবা মচাকশিং ফংহন্নবগীদমক ভারত লৈঙাক্না মে ১৭, ২০২০দা স্তেতশিংগী শেন পুবগী লিমিত মখোয়গী জি.এস.দি.পি.গী ২দা হেনগৎহনখি‍। হায়রিবা অখন্নবা থৌরাং অসিগী তঙ্খায় অমদি স্তেতশিংনা মীয়ামগী য়াইফনবা লৌখৎপা অওনবা পুরকপগী থৌওংগা মরী লৈনহল্লি‍। খঙদোক্লবা মীয়ামগী য়াইফনবা পুরক্কদবা অওনবা মরি অদুদি (ক) ৱন নেসন ৱন রেসন কার্দ সিস্তেম চৎনহনবা , (খ) ইজ ওফ দুইং বিজিনেস রিফোর্ম, (গ) অর্বান লোকেল বোদী/য়ুতিলিতী রিফোর্ম অমসুং (ঘ) পৱার সেক্তর রিফোর্মনি‍।

হৌজিক ফাওবদা স্তেত ১৭না লাউথোকখিববা অওনবা মরিসিগী মনুংদা অমা নৎত্রগা অমদি পুরক্তুনা অওনবা পুরকপগা মরী লৈননা শেন পুবগী অয়াবা ফংখ্রে‍। মসিগী মনুংদা স্তেত ১২না ৱন নেসন ৱন রেসন কার্দ সিস্তেম, স্তেত ১২না ইজ ওফ দুইং বিজিনেস রিফোর্ম্স, স্তেত ৫না লোকেল বোদী রিফোর্ম্স অমসুং স্তেত ২না পৱার সেক্তর রিফোর্ম্সকী থবক পায়খৎখ্রে‍। অওনবা পুরকপগা মরী লৈনননা স্তেতশিংদা অহেনবা শেন্ফম পুবগী অয়াবা পীখিবা অপুনবা শেন্ফম লুপা করোর ৭৪,৭৭৩নি‍।

***

 



(Release ID: 1695777) Visitor Counter : 33