ঙসিদি ভারত অসি মার্কেৎ অমখক্তা নত্ত্রে, অদুবু দিফেন্সগী সেক্তর য়াওনা মালেমগী ওইনা চাওনা খুদোংচাবা লৌফম ওইবা লমদম অমা ওইরি হায়না ভারতকী রাস্ত্রপতি শ্রী রাম নাথ কোবিন্দ হায়খ্রে। মহাক্না ঙসি বেঙ্গালুরুদা এরো ইন্দিয়া-২১গী ফংসন লোইশিনবদা ৱা ঙাংখি (ফেব্রুৱারী ৫, ২০২১)। রাস্ত্রপতিনা হায়খি মদুদি এরো ইন্দিয়া ২০২১ অসি দিফেন্স অমসুং এরোস্পেস মালেমগী থাক্তা পুখৎপদা লৈরিবা অহিংবা খুদম অমনি। থৌরম অসিনা মালেমগী মফমশিংনা ইন্দিয়াগী তৌবী ঙম্বা অসিগী থাজবা অসি উৎলি।

 রাস্ত্রপতিনা হায় মদুদি দিফেন্স অমসুং এরোস্পেসগী মফমদা ভারত্না হৌখিবা চহি তরুক অসিদা অমুক্তা তৌখিদ্রিবা মওংদা ইনভেস্তর অমসুং লনাইগী কম্পনিশিংদা খুদোংচাবা পীরি। ঐখোয়না ইন্দিয়া অসি দিফেন্স সেক্তর অসি পান্দম অনি মদুদি মরোমদোম লেপচবা অমসুং মপাল লমদা থাদোকপা অসিদা মাংজিল থারিবা লৈবাকশিংগী মনুং চন্নবা পোলিসি কয়া অমা লৌখৎতুনা লাক্লি।

রাস্ত্রপতিনা হায় মদুদি সরকার অসিনা ‘ইজ ওফ দুইং ব্যুজিনেশ’ অসি পুক্নিং থৌগৎতুনা ইন্দিয়াদা মেনুফেকচর ময়াম অমা লিংখৎনবা পান্দম থম্লি। দিফেন্স সেক্তর অসিশু হান্নদগী কোমথোরক্লি। পোৎলম কয়া অমা লাইসেন্স চংগদবা অসি লৌথোরক্লি। ইন্দস্ত্রীএল লাইসেন্স অমসুং মপাল লমদা থাবগী অয়াবগী থৌওংশিং হেন্না লায়থোকহল্লি। দিফেন্সগী ইন্দস্ত্রী লিংখৎপা অমসুং এম.এস.এম.ই.দা অহেনবা শাফু পীবা অসি লায়না থোক্নবা কোরিদুর অনি উত্তর প্রদেশ অমসুং তামিল নাদুদা লিংখৎলি। হোৎনরিবা পুম্বা অসিনা লৈবাক অসিদা য়াম্না চাওনা থবক্কী খুদোংচাবা অমা পীরগনি লোয়ননা ইন্দিয়ানা দিফেন্সগী লমদা মরোমদোম লেপচবা ঙম্লগনি।   

ইন্দিয়ন ওসিন রিজনগী দিফেন্স মিনিস্তরশিং পুনবা অসিদা থীম ওইনা পীরিবা ‘ইনহেন্স পীস, সেক্যুরিতি অমসুং কো-ওপরেসন ইন দ ইন্দিয়ন ওসিন’এরো ইন্দিয়া ২০২১ অসিদা রাস্ত্রপতিনা হায় মদুদি ইন্দিয়ানা মতম পুম্বদা শান্তি থম্বা অমসুং চাওখৎপা পুরকপা হায়বা অসি মীয়ামদা পাওজেল পীদুনা লাক্লি। আই.ও.আর. অসি মরুওইবা মফম অমনি মরমদি মসিগী মহৌশাগী ওইবা লল মরাং কাইনা লৈবা অসিনি। ঐখোয়না ‘এস.এ.জি.এ.আর.’গী ৱাখল্লোল অসি পুথোক্তুনা ‘সেক্যুরিতি অমসুং গ্রোথ ফোর ওল ইন দ রিজন’ অসি পীদুনা ইন্দিয়ন ওসিন রিজন্দা মতেং পাংননবা পুক্নিং থৌগৎলি। আই.ও.আর. লৈবাকশিংনা রাজনিতি, ইকোনোমিক, কলচরেল অমসুং দিফেন্স অসিদা মতেং পীনবা অসিদা মিয়েং চংলি।  

রাস্ত্রপতিনা হায় মদুদি ইন্দিয়ানা ঐখোয়গী লৈজরিবা হৈ-শিংবা অমসুং ললশিং অসি আই.ও.আর. লৈবাকশিংগা পুন্না থৌরাং তৌমিন্নদুনা মীওইবগী ওইবদা মতেং তৌবা অমসুং অমাং-অতা চাওনা থোরকপদা মতেং পীনবা লৈরি। কোবিদ-১৯ লায়চৎ মনুংদা ওপরেসন এস.এ.জি.এ.আর.-১গী মখাদা ঐখোয়গী য়ুম্লোন্নবা য়ৌশিনখি অমসুং মখোয়দা মেদিকেল তীমশিং, হিদাক লাংথক লোয়ননা লায়ওং খঙনবা কিত, ভেন্তিলেতরস, মাস্ক, গ্লোব অমসুং অতৈ মেদিকেল পোৎশিং পীখি। ঐখোয়না পুথোক্লিবা বেক্সিন অসি পীনবা হায়খিবা মীওইবা পুম্ববু কোবিদ-১৯ লায়চৎ অসি লান্থেংননবা মরুপ মপাং ওইবা মীরমগী য়ুম্লোন্নবা লৈবাকশিংদা চাওনা মতেং পীবা হৌখ্রে হায়না মহাক্না হায়খি।

রাস্ত্রপতিগী ৱা ঙাংবা য়েংনবা মফম অসিদা নম্বিয়ু

***