লৈবাক অসিদা ইন্দস্ত্রিগী অয়াবা পীনবগীদমক শিঙ্গল ৱিন্দো এপ্রুবেল সিস্তেম অমা লিংখৎনবা কেন্দ্র সরকারনা থবক পায়খৎলি। ভারত্তা শেন থাদনবা ভারত সরকারগী দিপার্তমেন্তশিং অমসুং স্তেৎ শিঙ্গল ৱিন্দো ক্লিয়ারেন্সশিংগী তোঙান-তোঙানবা আই.তি প্লেতফোর্মশিং লৈরবসু তোঙান-তোঙানবা মরী লৈনবশিংদগী অয়াবশিং লৌনবা অমসুং ই-পাউ লৌনবা ইনভেস্তরশিংনা মফম কয়াদা চৎপা দরকার ওইরি।

মসি কোক্নবা, পুম্নমক্কী ওইনা ইনভেস্তমেন্ত ক্লিয়ারেন্স সেল অমা শেমদুনা শেন থাদদ্রিঙৈ মমাঙগী পাউতাকশিং, লেন্দ বেঙ্কশিংগী মরী লৈনবা ই-পাউশিংগী খুদোংচাবা পীগনি অমসুং কেন্দ্র অমসুং রাজ্যগী থাক্তা অয়াবা পীনবগী খুদোংচাবা লৈগনি অমসুং হায়রিবা থবকশিং অসি বজেত ২০২০-২১দা লাউথোকখ্রে।

ভারত্তা ললোন-ইতিক্কী থবকশিং হৌনবা কেন্দ্র অমসুং রাজ্যগী দরকার ওইবা অয়াবা পুম্নমক লৌনবা সেল অসিনা ৱান-স্তোপ দিজিতেল প্লেতফোর্ম অমা ওইনা থবক তৌনবা হোৎনরি। ইনভেস্তমেন্ত ক্লিয়ারেন্স সেল অসি নেসনেল পোর্তেল অমা ওইগনি, মসিদা হৌজিক লৈরিবা মিনিস্ত্রিশিংগী আই.তি পোর্তেলশিংদা অকায়বা পীদনা ভারত সরকারগী মিনিস্ত্রিশিং/দিপার্তমেন্তশিংগী ক্লিয়ারেন্সকী থবকশিং পুনশিনগনি অমসুং অমতা ওইবা, অপুনবা এপ্লিকেসন ফোর্ম অমা লৈরগনি। মসিনা ইনভস্তরশিংনা ই-পাউ লৌনবা অমসুং তোঙান-তোঙানবা মরী লৈনবশিংদগী অয়াবা লৌনবা তোঙান-তোঙানবা ওফিসশিংদা চৎপা মথৌ তাররোই অমসুং অকক্নবা মতমগী মনুংদা অয়াবা পীরগনি অমসুং ইনভেস্তরশিংদা মতম চানা ই-পাউ পীরগনি।

ৱাফম অসি ঙসি রাজ্য সভাদা অইবা ওইনা পীবা পাউখুম অমদা কমর্স অমসুং ইন্দস্ত্রিগী রাজ্য মন্ত্রী শ্রী সোম প্রকাসনা ফোঙদোকখিবনি।

*****