দেভেলপমেন্ত ওফ নোর্ত ইস্তর্ন রিজন (দোনর)গী কেন্দ্রগী রাজ্য মন্ত্রী, পি.এম.ও. পর্সোনেল, পব্লিক গ্রীভান্সেস, পেন্সন, এতোমিক ইনর্জী অমসুং স্পেসকী এম.ও.এস. দোক্তর জিতেন্দ্র সিংহন ঙসি ফোঙদোকখিবদা স্পেস তেক্নোলোজীগী লমদা প্রধান মন্ত্রীগী মঙলান অসি স্পেস সেক্তরদা ভারতকী মতিং ফুদোকহনবা; স্কিলো কেপাসিতী অমসুং ক্রিএতিভিতীদা অহোংবা পুরক্তুনা লৈবাকসিবু মরোমদোম লেপচবা অমদি তেক্নোলোজীগী লমদা খুমাঙ চাউশিনবা ফীভম পুরক্নবনি‍। রাজ্য সভাদা হংলকপা ৱাহং অমগী অইবা পাউখুমদা মন্ত্রীনা ফোঙদোকখিবদা মঙলান অসিনা স্পেস সেক্তরদা মশিং য়াম্লবা থবক পীবগী খুদোংচাদা শেমগৎনবা পান্দম থম্লি‍। ভারতনা মালেমগী স্পেস তেক্নোলোজীগী পৱারহাউস ওইনা ইনেব্লিং পোলিসী এনভাইরনমেন্তগী খুত্থাঙদা প্রাইভেত সেক্তরবু লমজিংবিদুনা অমদি য়োকখৎপীদুনা স্পেস এসেতশিং খুন্নাই-শেন্মিৎলোন খুমাঙ চাউশিলহনবদা মরুওইবা থৌদাং লৌগনি‍।

মঙলান অসিনা লৈবাক্কী মচাক মথুমশিং মওং চুম্না শিজিন্ননবগীদমক স্পেস সেক্তরগী এপ্রোচ অসি সপ্লাই দ্রিভনদগী দিমান্দ দ্রিভন মোদেল ওন্থোকপগা লোয়ননা কেপাসিতী অমসুং ক্রিএতিব স্কিলশিং লোকশিন্দুনা তুংগী মীরোলগী মতিংবু পুক্নিং চিংশিন্দুনা অমদি ফুদোকহন্দুনা আর. এন্দ দি., কত্তিং ইদ্জ তেক্নোলোজী, স্পেসকী অনৌবা মফমশিং, স্পেস এক্সপ্লোরেসন, হ্যুমেন স্পেস ফ্লাইততা অহেনবা মীৎয়েঙ চঙগনি‍।

মঙলান অসিনা হেন্না য়াঙবা, হোঙবা অমদি মতিং লৈবা মওংনা তেক্নোলোজী-দেলিভর্দ পব্লিক সর্ভিসশিং মখা তানা শেমগত্তুনা মীচম মীয়ামদসু কান্নবা হেন্না পীগনি‍।

<><><><><>