নেস্নেল দিফেন্স কোলেজ(এন.দি.সি.)গী ৬১শুবা কোর্স মমাংগী কোর্স অদুদগী মীওই ১০ হেন্না শরুক য়াদুনা পুন্না মীওই ১১০না শরুক য়াদুনা ২০২১গী ফেব্রুৱারী ০১দা হৌখ্রে৷ মশিং হেনগৎলক্লিবা মফমশিং অসি অয়াম্বনা মরুপ মপাং ওইরিবা লৈবাকশিং অসিগী ওফিসরশিংগী ওইরি৷ উজবেকিস্তান, তাজিকিস্তান, ফিলিপিন্স অমসু মালদ্বীপ্সতগী লাক্লিবা ওফিসরশিংনা মতম খরা গেপ লৈরুরবা মতুং অসিদা শরুক য়ারি৷ মরুপ মপাং ওইরিবা লৈবাকশিং অসিদগী শরুক য়াবা লাক্লিবা মীওইশিং অসিনা লৈবাক অদুগী রিজনেল অমসুং ইন্তরনেস্নেল দিপ্লোমেসীগী মীহুৎশিং ওই অমসুং এন.দি.সি. অসিদা খা-অমেরিকা কন্তিনেন্ত নত্তনা অতৈ কন্তিনেন্ত পুম্নমক্কী মীহুৎশিংনা শরুক য়ারি৷ অদুমওইনমক হৌখিবা এন.দি.সি. কোর্স অসিদা খা-অমেরিকা(ব্রজিল)দগী মীওই অমা কোর্স অসিদা শরুক য়ারম্মী৷

ইহান হানবা এন.দি.সি. কোর্স অসি ১৯৬০দা পাংথোকখি৷ ঙসি ফাওবদা কোলেজ অসিদা মরুপ মপাং ওইরিবা লৈবাক ৬৯দগী এলম্নি ৮৩৫ য়াওনা অলম্নি ৩,৮৯৯ লৈ৷ সিভিল সর্ভিসেস্কী ওইনা ভেকেন্সী অনি লৈ অমসুং ৬১শুবা এন.দি.সি. কোর্স অসিদা হৌজিক লৈরিবা সিভিল সর্ভিসেস্কী মশিং অসি ১৯নি৷

৬১শুবা কোর্স অসিগীদমক মপান লমগী ওফিসর্শিং শরুক য়াবা হেনগৎলকপা অসি তরাম্না ওক্লদুনা এন.দি.সি.না হৌখিবা চহী অসিদা থেংনখিবা চেলেঞ্জশিং অদু খুদোংচাবশিং ওইনা ওন্থোক্লগনি হায়না এন.দি.সি. কম্মান্দেন্ত এয়র মার্শেল দি. চৌধুরীনা থাজবা ফোংদোরকখ্রে৷  হন্দক্তা শেমগৎখিবা ‘নেস্নেল সেক্যুরিতীদা রাস্ত্রপতিগী চিয়র ওফ এক্সিলেন্স’ অসিনা এন.দি.সি. তৌরিবা একাদেমিক ফিভম অসি হেন্না ফহল্লগনি৷

নেস্নেল দিফেন্স কোলেজ অসি চহী ৭৫ মপুং ফারকপা অসিগা মরী লৈননা চিয়র অসি শেমগৎনবগী অয়াবা অদু রাস্ত্রপতি শ্রী রাম নাথ কোবিন্দনা ২০২০গী নবেম্বর ০২দা অয়াবা পীখ্রে৷ অসিগুম্বা ইকাই খুম্নবা চিয়র অসিদা এয়র ভাইস মার্শেল (দা) আর্জুন সুব্রামনিয়ম, এ.ভি.এস.এম.(রিতাইয়র্দ)না ইহান হান্না ফমখ্রে৷

*****