পার্লিয়ামেন্তরী এফিয়র্স মন্ত্রালয়

প্রধান মন্ত্রীনা পারলিয়ামেন্তকী বজেৎকী সেসন্দা পার্তী পুম্বগী মীফমদা ৱা ঙাংখ্রে

সরকারনা ফার্মগী আইনগী মতাংদা লেপ্লিবা অসি জনুৱারি ২২দা লেপখিবা অদুগা অদুমক মান্নরি অমসুং লৌউ-শিংউনা পীখিবা ৱাহৌদোক অদুসু অদুমক চৎনরিঃ প্রধান মন্ত্রী

প্রধান মন্ত্রীনা পারলিয়ামেন্তনা নীংথিনা মথৌ তৌবগী মরু ওবগী মতাংদা নৌহৌননা ৱাফম থমখ্রে

বজেৎকী সেসন অসিনা ৩৩রক ফম্বগী মনুংদা হীরম ৩৮ লৌখৎকনি (বিল ৩৩ অমসুং শেল-থুমগী হীরম ৫ য়াওনা)

Posted On: 30 JAN 2021 3:35PM by PIB Imphal

প্রধান মন্ত্রী, শ্রী নরেন্দ্র মোদীনা জনুৱারি ৩০, ২০২১গী পারলিয়ামেন্তকী বজেৎকী সেসন্দা পার্তী পুম্বগী মীফমদা ৱা ঙাংখ্রে।

প্রধান মন্ত্রীনা মহাত্মা গান্ধীনা লৈখিদবা নুমিৎ অসিদা মহাক্কী মফমদা ইকায় খুম্নবা উৎলদুনা ঐখোয় পুম্নমক্না মহাক্কী মঙলানবু মঙফাওনহন্নবা পুন্না হোৎনমিন্নগদবনি হায়খ্রে। ঙসিগী অয়ুক্তা য়ু.এস.এ.দা মহাত্মা গান্ধীগী মুর্তিবু মাংহন-তাকহনখিবা থৌদোক অদুবু য়ানিংদবা ফোংদোক্লদুনা অসিগুম্বা নুংশীনদবগী অকোয়বগী ফিভম অসি গ্রহ অসিদা তরাম্না ওক্তে হায়নসু ফোংদোকখি।

প্রধান মন্ত্রীনা সরকার অসিনা চাওথোকপা ৱাখল্লোনগা লোয়ননা ফার্মগী আইনগী হীরমদা মায়োক্নরি হায়বগী থাজবসু পীখি। মহাক্না হীরম অসিগী মতাংদা সরকারগী ওইবা ৱারেপ অসি জনুৱারি ২২দা ওইখিবা অদুগা চপ মান্নরি অমসুং লৌউ-শিংউ মন্ত্রীনা থমখিবা ৱাহৌদোক অদুসু হৌজিকসু চৎনরি হায়না ফোংদোকখি। মসিগা মতাংদা ৱারী শানববু খুমাং চাউশিলহন্নবা লৌউ-শিংউগী মন্ত্রী অসি শুপ্নতগী তেলিফোন কোল অমা তৌরগা য়াগনি হায়বগী ৱাফমসু থমখি।

জনুৱারি ২৬তা থোকখিবা লাইবক থিবা থৌদোক্কী মতাংদা লুচিংবশিংনা ফোংদোকখিবা ৱাফম্বু পল্লদুনা, প্রধান মন্ত্রীনা মসিগী মতাং অসিদা আইন্না তৌফম থোকপা অদুম তৌরক্কনি হায়না ফোংদোকখি।

প্রধান মন্ত্রীনা মীফম অসিদা লুচিংবশিংনা হৌদোরকপা হীরম খুদিংগী মতাংদা সরকার অসিনা কুপ্না ৱারী শানবা শেম-শাদুনা লৈরি হায়খি। মহাক্না পারলিয়ামেন্তনা নীংথিনা মথৌ তৌবা অমসুং হাউস অসিগী মনুংদা পাক শনবা ৱারী ৱাতাই শাবগী মরু ওইবগী মতাংদা নৌহৌননা অমুক পনখি। য়াম্না তোয়না অয়েৎপা পীরকপা মতমদা অপিকপা পার্তীশিংনা অৱাবা কয়া মায়োক্নৈ মরমদি মখোয়না মশাবু নীংথিজনবা ফোংদোকপা ঙমজদে হায়নসু মহাক্না মখা তাখি। মরম অদুনা পারলিয়ামেন্তনা নীংথিনা মথৌ পাংথোকহনবা, অয়েৎপা লৈহন্দবা অমসুং অপিকপা পার্তীশিংনা মখোয়গী ৱাখল্লোনশিংবু ফোংদোকপা ঙমহন্নবা অচৌবা পার্তীশিংনা থৌদাং লৌগদবনি হায়না মহাক্না হায়খি।

প্রধান মন্ত্রীনা সেক্তর কয়াদা মালেমগী অফবা পুরক্নবা ভারতনা লৌবা য়াবা থৌদাং কয়াগী মতাংদসু পনখি। মহাক্না ঐখোয়গী মীয়ামগী মহৈ-মশিং অমসুং থবক তৌবা ঙম্বা মীওইশিংগী মতাংদা পনখি অমসুং মসিনা মালেম্বু নুংঙাই-য়াইফনা লৈহন্নবা অহেনবা শাফু অমা ওইহনবা য়াগনি হায়নসু ফোংদোকখি।

ঙাক-শেল মন্ত্রী, শ্রী রাজনাথ সিংহনা লুচিংদুনা মমাংদা পাংথোকখিবা মীফম অমদা, পার্লিয়ামেন্তরী এফিয়র্স, কোয়লা অমসুং মাইনগী মন্ত্রী, শ্রী প্রহলাদ জোশীনা সরকার অসিনা রুল্স ওফ প্রোসিজরগী মখাদা অয়াবা পীবগী মতুং ইন্না ফ্লোর অসিদা পার্লীয়ামেন্তকী হীরম খুদিংমক খন্ন-নৈননা মতম পুম্বদা শেম-শাদুনা লৈরি হায়না ফোংদোকখি। মহাকনা পার্তীগী লুচিংবা খুদিংদা মখোয়না তেংবাংবীদুনা হাউস অসিনা নীংথিনা থবক তৌবা ঙমহনসি হায়নসু হায়জখি।

http://static.pib.gov.in/WriteReadData/userfiles/image/image0013JIR.jpg

শ্রী প্রহলাদ জোশীনা জনুৱারি ২৯, ২০২১, ইরায় নুমিত্তগী হৌখিবা পার্লিয়ামেন্তকী বজেৎ সেসন, ২০২১ অসিনা হীরম ৩৮ (বিল ৩৩ অমসুং শেল-থুমগী হীরম ৫) লৌখৎকনি হায়না পাউদমখি।  সেসন অসিনা কেন্দ্রগী ব্জেৎ ২০২০-২১গা মরী লৈনবা শেল-থুমগী হীরমশিং অসিদা অহেনবা মিৎয়েং চঙগনি অমসুং রাস্ত্রপতিগী ৱারোল, লেজিস্লেতিব অমসুং অতোপ্পা তঙাই ফদবা থবকশিংসু সেসন অসিগী মনুংদা পায়খৎকনি হায়বগী থাজবসু মহাক্না পীখি।

শ্রী জোশীনা মখা তানা পাউদমখিবদা,  ইন্তর-সেসন মতমগী মনুংদা ওর্দিনান্সকী মহুৎ শিনখিবা বিল ৪ অদুদি পার্লিয়ামেন্ত অসিনা অমুক্ক হন্না ফম্বগী চয়োল ৬কী মনুংদা পার্লিয়েমেন্তকী এক্ত অমা ওইনা চৎনহনবগী তঙাই ফদবা লোইরি হায়না হায়খি। মহাক্না হায়খিবদা ইং ২০২০-২১গী কেন্দ্রগী বজেৎ অসি ফেব্রুৱারি ১, ২০২১, নিংথৌকাবা নুমিৎকী অয়ুক্কী পুং ১১ তাবা মতমদা লোক সভাদা পুথোক্কনি হায়খি।

পার্তী পুম্নমক্কী মীফম অদুদা সোসিএল জস্তিস অমসুং ইম্পাৱর্মেন্ত মন্ত্রী, শ্রী থাৱর চান্দ গেহলোৎ; পার্লিয়ামেন্তরী এফিয়র্সকী রাজ্য মন্ত্রী, শ্রী অর্জুন রাম মেঘ্বালগা লোয়ননা অতোপ্পা রাজনীতি দলশিংগী লুচিংবশিংনা শরুক য়াখি। তোঙান-তোঙানবা রাজনীতি দলশিংগী লুচিংবশিংনা বজেৎ সেসন অসিগী মনুংদা তোঙান-তোঙানবা হীরম কয়াগী ৱাফম কয়া পুথোক্কনি হায়না হায়খি।

বজেৎ সেসন ২০২১গী মনুংদা পুখৎলকপা য়াবা বিলশিংগী পরিং

১) লেজিস্লেতিব ব্যুজিনেশ

১) লৈবাক্কী কোনুংগী মফম অমসুং থংনবা মফমশিংদা নুংশিৎকী চাং শেন্ননবা কম্মিসনগী বিল, ২০২১ – ওর্দিনান্সকী মহুৎ শিনগদবা

২) আর্বিত্রেসন অমসুং কোন্সিলেসন (এমেন্দমেন্ত) বিল, ২০২১ – ওর্দিনান্সকী মহুৎ শিনগদবা

৩) নেস্নেল কেপিতেল তেরিতরী ওফ দিল্লী লোজ (স্পিসিএল প্রোবিজন) সেকেন্দ (এমেন্দমেন্ত) বিল, ২০২১ – ওর্দিনান্সকী মহুৎ শিনগদবা

৪) জম্মু অমসুং কশ্মির রী-ওর্গনাইজেসন (এমেন্দমেন্ত) বিল, ২০২১ – ওর্দিনান্সকী মহুৎ শিনগদবা

৫) দি.এন.এ. তেক্নোলোজী (য়ুজ এন্দ এপ্লিকেসন) রেগ্যুলেসন বিল, ২০১৯।

৬) মেন্তেনেন্স এন্দ ৱেলফিয়র ওফ পেরেন্ত এন্দ সেনিয়র সিতিজন (এমেন্দমেন্ত) বিল, ২০১৯।

৭) ফেক্তরিং রেগ্যুলেসন (এমেন্দমেন্ত) বিল, ২০২০।

৮) নেস্নেল ইন্সতিত্যুৎ ওফ ফুদ তেক্নোলোজী ইন্তর্প্রাইস ওন্তোপ্রিনর্শিপ অমসুং মেনেজমেন্ত বিল, ২০১৯।

৯) সিনেমাতোগ্রাফ (এমেন্দমেন্ত) বিল, ২০১৯।

১০) দাম সেফতী বিল,  ২০১৯ (লোক সভানা অয়াবা পীখিবগুম্না)

১১) মরু ওইবা পোর্ত ওথোরিতী বিল, ২০২০ (লোক সভানা অয়াবা পীখিবগুম্না)

১২) পেস্তিসাইদ মেনেজেমেন্ত বিল, ২০২০

১৩) নেস্নেল কম্মিসন ফোর এল্লাইদ অমসুং হেল্থকেয়র প্রোফেস্নেল বিল, ২০২০

১৪) মেদিকেল তর্মিনেসন ওফ প্রেগ্নেন্সী (এমেন্দমেন্ত) বিল, ২০২০ (লোক সভানা অয়াবা পীখিবগুম্না)

১৫) মাইন্স (এমেন্দমেন্ত) বিল, ২০১১ (লৌথোকখিনবা)

১৬) ইন্তর-স্তেৎ মাইগ্রেন্ত ৱর্কমেন (রেগ্যুলেসন ওফ ইমপ্লোয়মেন্ত অমসুং কন্দিসন ওফ সর্ভিস) এমেন্দমেন্ত বিল, ২০১১ (লৌথোকখিনবা)

১৭) বিলদিং অমসুং অতোপ্পা কন্সত্রক্সন শিন্মীশিংগা মরী লৈনবা আইন (এমেন্দমেন্ত) বিল, ২০১৩ (লৌথোকখিনবা)

১৮) ইমপ্লোয়মেন্ত এক্সচেঞ্জ (কম্পলসরী নোতিফিকেসন ওফ ভেকেন্সী) এমেন্দমেন্ত বিল, ২০১৩ (লৌথোকখিনবা)

১৯) মলতি স্তেৎ কো-ওপরেতিব সোসাইতী (এমেন্দমেন্ত) বিল, ২০২১

২০) নেস্নেল ইন্সতিত্যুৎ ওফ ফার্মাস্যুতিকেল এজুকেসন অমসুং রিসর্চ (এমেন্দমেন্ত) বিল, ২০২১

২১) চারতর্দ একাউন্তেন্ত, কোস্ত এন্দ ৱর্ক একাউন্তেন্ত অমসুং কম্পেনী সেক্রেতরীজ (এমেন্দমেন্ত) বিল, ২০২১

২২) কম্পিতিসন (এমেন্দমেন্ত) বিল, ২০২১

২৩) পেন্সন ফন্দ রেগ্যুলেতরী অমসুং দিভেলপমেন্ত ওথোরিতী (এমেন্দমেন্ত) বিল, ২০২১

২৪) নেস্নেল বেঙ্ক ফোর ফাইনান্সিং ইনফ্রাস্ত্রকচর অমসুং দিভেলপমেন্ত (এন.এ.বি.এফ.আই.দি.) বিল, ২০২১

২৫) ক্রিপ্তোকরেন্সী অমসুং রেগ্যুলেসন ওফ ওফিসিএল দিজিতেল করেন্সী বিল, ২০২১

২৬) গভর্নমেন্ত ওফ নেস্নেল কেপিতেল তেরিতরী ওফ দিল্লী বিল, ২০২১

২৭) মেত্রো রেল (শাবা, চলায়বা অমসুং শেন্নবা) বিল, ২০২১

২৮) মাইন্স অমসুং মিনরেল (দিভেলপমেন্ত অমসুং রেগ্যুলেসন) (এমেন্দমেন্ত) বিল, ২০২১

২৯) ইলেক্ত্রিসিতী (এমেন্দমেন্ত) বিল, ২০২১

৩০) মেরিন এদস তু নেভিগেসন বিল, ২০২১

৩১) ইনলেন্দ ভেসেল বিল, ২০২১

৩২) প্রোহিবিসন ওফ ইমপ্লোয়মেন্ত এস মেনুএল স্কাভেঞ্জর অমসুং মখোয়গী রিহেবিলিতেসন এমেন্দমেন্ত বিল, ২০২১

৩৩) জুভেনাইল জস্তিস (কেয়র অমসুং প্রোতেক্সন ওফ চিলদ্রেন) এমেন্দমেন্ত বিল, ২০২১

২- শেল-থুমগী হীরম

১) ফাইনান্স বিল, ২০২১

২) ২০২০-২১গী গ্রান্তকী সপ্লিমেন্তরী দিমান্দগী মতাংদা খন্নবা অমসুং ভোৎ পীবা অমসুং মসিগা মরী লৈনবা বিলগী ৱাহৌদোক পীবা, খন্নবা অমসুং অয়াবা পীবা।

৩) ২০২০-২১গী গ্রান্তকী দিমান্দগী মতাংদা খন্নবা অমসুং ভোৎ পীবা অমসুং মসিগা মরী লৈনবা বিলগী ৱাহৌদোক পীবা, খন্নবা অমসুং অয়াবা পীবা।

৪) শেনবা চহি ২০২০-২১গী জম্মু অমসুং কশ্মিরগী তেরিতরীগী গ্রান্তকী সপ্লিমেন্তরী দিমান্দগী মতাংদা খন্নবা অমসুং ভোৎ পীবা অমসুং মসিগা মরী লৈনবা বিলগী ৱাহৌদোক পীবা, খন্নবা অমসুং অয়াবা পীবা।

৫) শেনবা চহি ২০২০-২১গী জম্মু অমসুং কশ্মিরগী তেরিতরীগী গ্রান্তকী দিমান্দগী মতাংদা খন্নবা অমসুং ভোৎ পীবা অমসুং মসিগা মরী লৈনবা বিলগী ৱাহৌদোক পীবা, খন্নবা অমসুং অয়াবা পীবা।

*****



(Release ID: 1693668) Visitor Counter : 59