কেন্দ্রগী হকশেল সেক্রেতরী শ্রী রাজেশ ভুশন্না ঙসি ভিদিও কনফরেন্সকী থোংদা রাজ্যশিং অমসুং য়ু.তি.শিংগী হকশেল সেক্রেতরীশিং অমসুং এন.ঐচ.এম.গী এম.দি.শিংগা লোইননা কোবিদ বেক্সিনেসনগী ফীভম য়েংশিনখ্রে। মালেমগী ওইনা খ্বাইদগী অচৌবা এক্সর্সাইস অমা ওইরিবা কোবিদ১৯ বেক্সিনেসন লৈবাক শিনবা থুংনা ইকাই খুম্নরবা প্রধান মন্ত্রীনা জনুৱারী ১৬, ২০২১দা চয়োল অনিগী মমাংদা হৌদোকখি।

অহৌবদা কেন্দ্রগী হকশেল সেক্রেতরীনা রাজ্য অমসুং য়ু.তি.না থোইদোক হেন্দোক্না অমদি শিংথানিংঙাই ওইনা কোবিদ১৯ বেক্সিনেসন পাঙথোকখিবা অসিবু থাগৎখ্রে। ভারতনা মালেমগী ওইনা পন্দুপ অমা লানখিবা অসিদা মহাক্না হায় ভারতনা কোবিদ১৯ বেক্সিনেসনদা মিলিয়ন অমগী তর্গেৎ অসি য়ৌবা খক্তা নত্তনা মিলিয়ন অনি অমসুং মিলিয়ন অহুমগী মার্ক য়ৌবদা খ্বাইদগী খোঙজেল য়াংবা লৈবাক ওইরি। নুমিৎ ৪০-৫০গী মমাংদগী হৌখিবা অতোপ্পা লৈবাক কয়ানা তার্গেৎশিং অসি য়ৌবদা মতম শাংনা লৌখি, হায়না মহাক্না ফোঙদোকখ্রে।

কেন্দ্রগী হকশেল মন্ত্রীনা রাজ্যশিং/য়ু.তি.শিংনা লৈবাক অসিনা বেক্সিনেসন দ্রাইভকা লোইননা মাংদা চংশিনদুনা কভরেজ হেনগৎহন্নবা মখাদা পীরিবা সমস্যাশিং অসিদা মীৎয়েং চংবা মথৌ তাই হায়না হায়খ্রে।

অমরোমদা রাজ্য অমসুং য়ু.তি. খরদা ৫০% হেন্না কভর তৌখ্রে, অদুবু রাজ্য অমসুং য়ু.তি.কয়ানা পেরামিতর অসিদা মখোয়গী পর্ফোর্মেন্স হেনগৎপা মথৌ তাবনা পুম্নমক্কী ওইনা বেক্সিন কাপখ্রবা বেনিফিসরীশিং কভর তৌবগী পর্সেন্তেজ হেনগৎনবা পাউতাক পীখ্রে। হকশেল সেক্রেতরীনা হায় কোবিদ১৯ বেক্সিন অসি মরাং কাইনা লৈ অমসুং কোৱিনদা থোকলম্বা তেক্নিকেলগী ওইবা অশোইবসু হৌজিক শেমখ্রে। রাজ্যশিং/য়ু.তি.শিংদা রাজ্য, জিলা অমসুং ব্লোক তাস্ক ফোর্সকী য়েংশিন মীফম চাং নাইনা পাঙথোক্তুনা থোরকপা খুদোংচাদবশিং কোকহন্নবা, লৈরিবা গ্রাউন্দ ইসুশিং খঙদোক্নবা অমসুং চান্নবা থাকশিংদা মদু খুদক্তা কোকহন্নবা পাউতাক পীখ্রে।

সেসন অমদা চাংচৎ ওইনা বেক্সিন কাপ্লিবা অসিগী মশিংদা চাউনা হেনগৎহনবা য়াবগী ওইথোকপা লৈ হায়না ফোঙদোখ্রে। রাজ্যগী হেল্থ সেক্রেতরীশিংদা বেক্সিন কাপখিবগী চাংচৎ অসিদা নুংতিগী খেন্নরিবা অসি য়েংশিনদুনা মখোয়বু হেনগৎহন্নবা তঙাই ফদবা খোঙথাংশিং লৌখৎনবা খঙহনখ্রে।

রাজ্যশিং/য়ু.তি.শিংদা ওইথোক্লবদি হেল্থ ফেসিলিতীদা অমুক্তদা নোংমদা অমুক্তদা মশিং কয়াগী বেসিনেসন সেসনশিং পাঙথোক্নবা খঙহনখ্রে। মসিনা নোংমদা বেক্সিন কাপ্পগী মশিং অসি চাউনা হেনগৎহনগনি। মহাক্না দিস্ত্রিক্ত ইম্ম্যুনাইজেসন ওফিসরশিংদা সেসন সাইৎশিংদা লৈরিবা নোদেল ওফিসরগা লোইননা ৱারী শাদুনা ফগৎহনবা য়াবগী ওইথোকপা লৈবরা হায়বা চাং নাইনা য়েংশিন্নবা খঙহনখি।

হকশেল মন্ত্রীনা হন্দক্তা ইরকখিবা চিথি অদুদা মীৎয়েং থমদুনা কেন্দ্রগী হকশেল মন্ত্রীনা হায় অহানবা দোজ কাপ্পা লোইবদা প্রোবিজনেল দিজিতেল বেক্সিনেসন সর্তিফিকেৎ অমা অমসুং অনিশুবা দোজ কাপ্পা লোইরবা মতুংদা অরোইবা সর্তিফিকেৎ পীবা মথৌ তাই হায়না ফোঙদোকখ্রে। বেক্সিনেসন সর্তিফিকেৎ অসি বেক্সিন কাপখ্রবা বেনিফিসরী পুম্নমক্তা সেসন অসিদগী চৎখিদ্রিঙৈদা পীনবা মথৌ তাবা খোঙথাংশিং লৌখৎনবা খঙহনখ্রে।

খঙদোকখিবা প্রাইওরিতী গ্রুপ অদুগী মতুং ইন্না অশেংবা অমসুং ওথেন্তিকেৎ তৌরবা বেনিফিসরীশিং খক্তদা বেক্সিন কাপ্নবা ইলিজিবিলিতীগী ভেলিদেসন অমসুং বেনিফিসরীগী আইদেন্তিতী ভেরিফাই তৌবা য়াম্না মরু ওই হায়না মহাক্না নৌহৌনা ফোঙদোকখ্রে। ইম্ম্যুতেবল বেক্সিনেসন ইভেন্ত রেকোর্দশিং (আই.ভি.ই.আর.) শেম্নবা বেনিফিসরীশিংগী থজবা য়াবা ওথেন্তিকেসন তৌবা তঙাই ফদে। ভেরিফিকেসনগীদমক আধার শিজিন্নবা অসি বেনিফিসরীশিংগী খ্বাইদগী থাজবা য়াবা ওথেন্তিকেসন ওইবনা বেক্সিনেসনগী মাংঙোইননা বেনিফিসরীশিংগী ভেরিফিকেসন তৌবা অসি আধারদা য়ুম্ফম ওইবা ওথেন্তিকেসন ওইহনগদবনি। মহাক্না হায় কোৱিন সোফৱেয়র ইন্তরফেসনা আধার শিজিন্নবগী খুত্থাংদা বেনিফিসরীশিংগী ওথেন্তিকেসন ফংহল্লি অমসুং রাজ্যশিং অমদি য়ু.তি.শিংদা বেনিফিসরীশিংগী ওথেন্তিকেসন মপুং ফানা তৌনবা বেক্সিনেতরশিং সেন্সিতাইজ তৌনবা খঙহনখ্রে। কমপ্লাইয়েন্স অসি দিস্ত্রিক্ত তাস্ক ফোর্স অমসুং স্তেৎ তাস্ক ফোর্সকী মীফমশিংদা জিলা অমদি রাজ্যগী থাক্তা কুপ্না য়েংশিনবা তাই।

য়েংশিন মীফম অসিদা মতম চানা দেতা খোমগৎপগী তঙাই ফদবা অদুসু থমখি। হৌখিবা চয়োল অনি অসিদা বেক্সিনেসন দ্রাইভ অসি চাউনা স্তেবিলাইজ তৌবনা রাজ্যশিং/য়ু.তি.শিংদা কোৱিন এপতা এরিয়র দেতা খোমগৎনবা অকনবা ৱাফম থমখি। মসিনা এক্সর্সাইস অসিনা মথংগী থেঙ্খাংদা চংশিনবদা বেনিফিসরী পুম্নমক য়াওহনবা ঙমগনি।

মমাংদা পাউ পীখিবা অদুগী মতুং ইন্না ফ্রন্তলাইন ৱার্করশিংগী বেক্সিনেসন অসি ফেব্রুৱারীগী অহানবা চয়োলদগী হৌগনি। ফেস অসি মপুং ফানা ইমপ্লিমেন্ত তৌনবা মথৌ তাবা প্লানিং পাইখৎনবা রাজ্য/য়ু.তি.গী হেল্থ ওথোরিতীশিংদা খঙহনখ্রে।

য়েংশিন মীফম অসিদা রাজ্যশিং অমসুং য়ু.তি.শিংদগী লাকপা সমস্যা অমসুং ফীদবেল কুপ্না খন্নখ্রে।

****