হকশেল অমসুং য়াইফ-য়ুম্বাল মন্ত্রালয়
ভারতকী রাস্ত্রপতিনা লৈবাক শিনবা থুংনা ২০২১গী পল্স পোলিয়ো প্রোগ্রাম হৌদোকখ্রে
হয়েংগী “পোলিয়ো রবিবার” অসিগী মনুংআ অঙাং করোর ১৭ হেনবদা পোলিয়ো দ্রোপশিং পীথক্কনি
পোলিয়ো ফ্রী ওইদুনা দিকেদ অমা লৈরক্লি; অকোনবা কেস ২০১১দা থেংনখি – দা. হর্শ ভর্ধন
“রাজ্যশসিং, য়ু.তি.শিং, হেল্থকিয়র ৱার্করশিং, ভোলুন্তিয়রশিং, সিবিল সোসাইতী ওর্গনাইজেসনশিংনা পুন্না হোৎনদুনা ভারতবু দিকেদ অহুম পোলিয়ো ফ্রী ওইহনদুনা লাকখি”
Posted On:
30 JAN 2021 6:26PM by PIB Imphal
ইকাই খুম্নরবা ভারতকী রাস্ত্রপতি শ্রী রাম নাথ কোবিন্দনা ঙসি হকশেল অমসুং য়াইফ-য়ুম্বালগী কেন্দ্রগী মন্ত্রী দা. হর্শ বর্ধন অমসুং হকশেল অমসুং য়াইফ-য়ুম্বালগী রাজ্য মন্ত্রী শ্রী অশ্বিনি কুমার চৌবে য়াওনা রাস্ত্রপতি ভৱনদা চহি মঙাগী মখাগী অঙাংশিংদা পোলিয়ো দ্রোপশিং পীথক্তুনা ২০২১গী পল্স পোলিয়ো প্রোগ্রাম হৌদোকখ্রে।
ইকাই খুম্নরবা রাস্ত্রপতি অমসুং ফার্স্ত লেদী শ্রীমতি সবিতা কোবিন্দনা পোলিয়ো রবিবার হায়না খঙনবা জনুৱারী ৩১, ২০২১ (নোংমাইজিং)দা পাঙথোকপা পোলিয়ো নেস্নেল ইম্ম্যুনাইজেসন দেগী মাংঙোইননা অঙাংশিংদা পোলিয়ো দ্রোপশিং পীথকখ্রে। লৈবাক অসি পোলিয়ো ফ্রী স্তেতস অসি ঙাক্তুনা থম্নবা ভারত সরকারগী দ্রাইভকী শরুক ওইনা পোলিয়ো দ্রোপশিং চহি মখাগী অঙাং করোর ১৭রোমদা পীথক্কনি। লৈবাক শিনবা থুংনা পাঙথোক্কদবা দ্রাইভ অসি ভোলুন্তিয়র লাখ ২৪, সুপর্ভাইজর লাখ ১.৫ অমসুং সিবিল সোসাইতী ওর্গনাইজেসনশিং (সি.এস.ও.শিং), দবল্যু.ঐচ.ও., য়ুনিসেফ, রোতরী অসিনচিবা কয়ানা মতেং পাংগনি। অঙাং অমত্তা পোলিয়ো বেক্সিনগী ঙাকশেল ফংহনদনা কান্থথোক্লমদনবা হেল্থকিয়র ৱার্করশিংনা য়ুমথোং করোর ২দা চৎকনি।
থৌরম অসি হৌদোকপদা দা. হর্শ বর্ধন্না মরু ওইনা কোবিদ লাইচৎকী মতম অসিদা রাস্ত্রপতি অমসুং ফার্স্ত লেদীনা বেক্সিন্না ঙাকথোকপা ঙম্বা লাইনা পুম্নমক্তগী ভারতনা অঙাংশিং ঙাকথোক্নবা হোৎনরিবা অসিদা শরুক য়াবিবগীদমক নুংঙাইবা ফোঙদোকখি।
মালেমগী পোলিয়োগী শরুক ৬০% ভারত্তগী ওইখিবা মতমদা ঐহাক্না দিল্লী সরকারগী হকশেল মন্ত্রী ওইনা পোলিয়োগী মায়োক্তা লান্থেংনখিবগী মহাক্কী পুন্সি খোঙচৎ অদু নৌহৌনা নিংশিংখি। “পল্স পোলিয়ো ইম্ম্যুনাইজেসন প্রোগ্রামগী লালোং অসি ১৯৯৩গী দিসেম্বরদা শেমখি অমসুং ১৯৯৪গী ওক্তোবর ২দগী রোল আউৎ তৌখি মতম অদুদা প্রোগ্রাম অসিগী শরুক ওইনা পোলিয়োগী মায়োক্তা অহানবা অঙাং অমা ইম্ম্যুনাইজ তৌখি। নোংমা খক্তদা সেন্তর ৪০০০দা অঙাং লাখ ১২রোম ইম্ম্যুনাইজ তৌখি। ১৯৯৫তা দিল্লীদা পল্স পোলিয়ো প্রোগ্রামগী কান্নবা অসি উবদগী মসি জাতিগী থাক্তা পাঙথোকপা হৌখি। চহি অমগী মতুংদা দবল্যু.ঐচ.ও.গী খা নোংপোক এসিয়াগী লমদমগী তোঙান তোঙানবা লৈবাকশিংদা মসিগা মান্নবা লালোং অমসুং প্রোগ্রাম ইমপ্লিমেন্ত তৌখি। অফ্রিকাদা ফাওবা মিস্তর নেলসন মন্দেলানা ‘কিক পোলিয়ো আউৎ ওফ অফ্রিকা’ কেম্পেন হৌদোকখি”, হায়না কেন্দ্রগী হকশেল মন্ত্রীনা ফোঙদোকখি।
প্রোগ্রাম অসি মাই পাকপগী নুংঙাইবা ফোঙদোক্লদুনা দা. হর্শ বর্ধন্না হায়, “প্রোগ্রাম অসি হৌদ্রিঙৈ মমাংদা ভারত্তা মালেম পুম্বগী পোলিয়োগী কেসলোদ ৬০% লৈরমখি। অকোনবা ওইনা ২০১১গী জনুৱারী ১৩দা হৌরাদা পোলিয়োগী কেস রিপোর্ত তৌরকখিবা মতুংদা লৈবাক অসি দিকেদ অমা হৌজিক পোলিয়ো ফ্রী ওইরে।”
কেন্দ্রগী হকশেল মন্ত্রীনা ভারতকী মাই পাকখিবশিং অমসুং লৌখৎকদবা চেকশিল থৌরাংশিং অসি থাগৎলুনা হায়, “ভারত বাওনা দবল্যু.ঐচ.ও.গী খা-নোংপোক এসিয়াগী লম অপুনবগী ওইনা মার্চ ২৭, ২০১৪দা ‘পোলিয়ো-ফ্রী সর্তিফিকেসন’ ফংখিবা অসি ভারতকী ইতিহাস অমসুং গ্লোবেল পব্লিক হেল্থতা অচৌবা মাই পাকপা অমনি। অদুম ওইনমক ঐখোয়না মালেম পুম্বগী ওইনা পোলিয়ো মুত্থৎত্রিবা ফাওবা সেন্সিতিব সর্ভিলেন্সকা লোইননা চেকশিনবা অমসুং পোলিয়োগী মায়োক্তা পোলুসন ইম্ম্যুনিতী ঙাক্না থম্বা মথৌ তাই। পোলিয়ো ভাইরস অসি হৌজিকসু মালেম অসিগী অতোপ্পা শরুকশিংদা ঐখোয়গী য়ুম্লোন্নরিবা লৈবাকশিং য়াওনা শন্দোক্লি মসিনা ঐখোয়বু অমুক হন্না নাহল্লকপা য়াই হায়বা ঐখোয় পুম্নমক্না খংঙি। ইস্তর্ন মেদিতরিনিয়ন রিজনগী পকিস্তান অমসুং অফঘানিস্তানদা দবল্যু.ঐচ.ও.না হৌজিকসু পোলিয়ো কেসশিং রিপোর্ত তৌরি।”
মহাক্না হায় প্রধান মন্ত্রী শ্রী নরেন্দ্র মোদীগী লুচিং মখাদা য়ুনিভর্সেল ইম্ম্যুনাইজেসন প্রোগ্রামনা মমাংদা অমুক্তা তৌখ্রিদবা মওংদা লাইনা কয়ামরুমদগী অঙাংশিং ঙাকথোক্নবা মিৎয়েং চংলি অমসুং হৌখিবা চহি খরা অসিদা ন্যুমোকোকল কঞ্জ্যুগেৎ ভেক্সিন, রোতাভাইরস ভেক্সিন, অমসুং মীজল্স-রুবেল্লা ভেক্সিনগুম্বা অনৌবা ভেক্সিন কয়ামরুম পুথোকখ্রে। ঐখোয়গী অঙাংশিংদা অহেনবা চেকশিন থৌরাংশিং পীনবা ভারত সরকারনা মখোয়গী রুতিন ইম্ম্যুনাইজেসন প্রোগ্রামদা ইনজেক্তেবল ইনএক্তিবেতেদ পোলিও ভেক্সিনসু পুথোকখ্রে হায়না মহাক্না মখা তাখি।
সরকারনা পাইখৎলিবা অশোই অঙাম য়াওদনবা খোঙথাংশিংগী মরমদা পল্লদুনা মহাক্না চাং নাইনা ইম্ম্যুনাইজেসন পাংথোকপা হেনগৎনবা থৌরাংশিং অদু পনখি: “ঐখোয়না ঐখোয়গী অঙাংশিংবু লাইনা কয়ামরুমদগী কন্নবা হোৎনরিবা মরক অসিদা প্রোগ্রাম অসিগী মখাদা লৈরিবা ভেক্সিন খুদিংমক লৈবাক অসিগী অঙাং খুদিংমক্তা য়ৌহনবা হায়বসি য়াম্না মরু ওই। মিসন ইন্দ্রধনুশ, গ্রাম স্বারাজ অভিয়ান, এক্সতেন্দেদ গ্রাম স্বারাজ অভিয়ান অমসুং চহি ২০১৮ ফাওবদা ভারতকী ইম্ম্যুনাইজেসন ৯০% কভর তৌনবা অমসুং মসিগী মখা চত্থরক্নবা দ্রাইব অমা ওইখিবা ইন্তেন্সিফাইদ মিসন ইন্দ্রধনুশ I & II পাংথোকপদা পোলিও প্রোগ্রামদগী তম্লকপা পারাশিং অদুনা চাং নাইনা ইম্ম্যুনাইজেসন তৌবদা ইম্প্লিমেন্ত তৌখি। কোবিদ-১৯গী লাইচৎকী মনুংদা থোরকখিবা অহোবা অদু মেনশিন্নবা ফেব্রুৱারী অমসুং মার্চ ২০২১গী মনুংদা লৈবাক অসিগী রিস্ক ৱাংবা দিস্ত্রিক্ত ২৫০দা ইন্তেন্সিফাইদ মিসন ইন্দ্রধনুশ (আই.এম.আই. ৩.০)গী অতোপ্পা ফেজ অমা অমা অমুক শেম শারি। মসিগী মথক্তা পোলিওগী সব-নেস্নেল ইম্ম্যুনাইজেসন নুমিৎশিং পাংথোক্নবা লমজিং লমতাকশিং অমসুং লাইচৎ মনুংগী ভেক্সিন প্রিবেন্তেবল দিজিজশিংগী সেন্সিতিব সর্ভিলেন্স রাজ্যশিংদা ইসু তৌখ্রে”।
পোলিও প্রোগ্রামখক্তা নত্তনা ইম্ম্যুনাইজেসনগী অতোপ্পা থৌরাংশিংগী সরকারগী খোঙথাংশিংবু মপাঙ্গল কলহল্লিবা রাজ্য সরকারশিংনা অমসুং দবল্যু.ঐচ.ও., য়ুনিসেফ অমসুং রোতরী ইন্তর্নেস্নেলগুম্বা মতেং পাংলিবা ওর্গনাইজেসনশিংগী হোৎনরিবশিং অদুবুসু হকশেল মন্ত্রীনা থাগৎপা ফোঙদোকখি। মহাক্না লৈবাক অসিবু পোলিও-ফ্রী ওইহন্নবা লেপ্পা লৈতনা হোৎনরিবা রাজ্য পুম্বগী ভোলুন্তিয়র লিশিং কয়া, ফ্রন্তলাইন ৱার্কর অমসুং হকশেলগী ওফিসিএলশিংবুসু থাগৎপা ফোঙদোকখি। পোলিও বুথশিংদা ভেক্সিনেসনগীদমক মখোয়গী অঙাংশিং পুরকখিবা অমসুং পুরক্কদবা মমাশিং অদুবু ঐহাক্না থম্মোই শেংনা থাগৎপা ফোঙদোকচরি। মসিগী প্রোগ্রাম অসিবু মাই পাক্নবা মওং অমহেক্তদা মতেং পাংলিবা লৈবাক অসি নুপা অমসুং নুপীশিংবুসু ঐহাক্না থাগৎপা ফোঙদোকচরি হায়না দা. হর্শ ভর্ধন্না হায়খি।
কেন্দ্রগী হেল্থ সেক্রেতরী শ্রী রাজেস ভুশন, এদিস্নেল সেক্রেতরী (হেল্থ) দা. মনোহর অগনি, দবল্যু.ঐচ.ও.গী লৈবাক্কী মীহুৎ দা. রোদেরিকো ওর্ফিন, য়ুনিসেফকী লৈবাক্কী মীহুৎ দা. জস্মিন অলি হক, অমসুং হকশেল মন্ত্রালয়গী মকোকথোংবা ওফিসরশিংনা থৌরম অদুদা শরুক য়াখি।
****
(Release ID: 1693644)
Visitor Counter : 253