مرکزی وزیر برائے مالیاتی  و کارپوریٹ امور  محترمہ نرملا سیتا رمن  نے  آج پارلیمنٹ میں  اقتصادی جائزہ 21-2020  پیش  کرتے ہوئے کہا کہ  تجزیئے میں  یہ  د کھا گیا ہے  کہ سرکار کی  مالی پالیسی کا رد عمل  آتم نربھر بھارت کے دائرے میں  مانگ  اور  سپلائی کی  پالیسیوں کا  امتزاج  رہا ہے، جسے  وبا سے لڑنے  اور  ایندھن  و  اقتصادی  ریکوری کے لئے تیار کیا  گیا تھا۔ تجزیئے میں بتایا گیا ہے کہ  وبا کے خلاف  بھارت  سرکار کی  مالی پالیسی  کا  رد عمل  دوسرے  ملکوں کے  مقابلے  الگ تھا۔ دوسرے ممالک کے مقابلے  بھارت  میں  اقتصادی نظام کے  احیاء  کے لئے براہ راست  بڑے  مؤثر  پیکج کا انتخاب کیا گیا۔ سرکار  نے  قدم در قدم  نقطہ نظر کو اپنایا۔

اقتصادی  جائزے میں  اس بات پر  روشنی ڈالی گئی ہے کہ سرکار نے  دنیا کا  سب سے بڑا  غذائی پروگرام چلایا ہے۔ جن دھن  کھاتوں میں  رقم کی  براہ راست  منتقلی  کی ہے اور قرض کے لئے سرکاری  گارنٹی وغیرہ  مہیا  کی گئی۔ سرکاری  مالی  پیکج کا دائرہ  رقم  کے اخراجات کو بڑھانے ،  پیدا وار  سے  جڑی حوصلہ  افزائی  اور  دوسرے  منصوبوں کو  بڑھا وا دینے کے لئے  وسیع  کیا گیا  تاکہ  کھپت مانگ کو  دوبارہ  جٹا یا جاسکے۔

مرکزی سرکار کی  مالی صورت حال:

ماقبل بجٹ  جائزے میں بتایا گیا ہے کہ 20-2019  کے عبوری اعداد وشمار کے لئے  مالی خسارہ  مجموعی  گھریلو پیداوار  کا  4.6 فیصد  ہے، جو 20-2019  کے  ترمیم شدہ  اندازوں میں تصور کئے گئے  مالی خسارے سے  0.8  فیصد  پوائنٹ  اور  19-2018  میں سرکاری مالی خسارے  سے  1.2  فیصد  پوائنٹ  زیادہ  ہے۔ 19-2018  کے مقابلے  20-2019 کے  عبوری اعداد وشمار میں  مؤثر  مالی خسارہ  جی ڈی پی  کا  ایک فیصد  بڑھ کر  جی ڈی پی  کا  2.4  فیصد ہو گیا ہے۔

اس جائزے میں بتایا گیا ہے کہ  کارپوریٹ  اور  ذاتی  انکم ٹیکس  20-2019  کے  عبوری  اعداد وشمار میں  کم ہو گیا ہے۔ اس کی وجہ  خاص طور سے  کارپوریٹ ٹیکس شرح میں  تخفیف  جیسے  بنیادی  ڈھانچے  کی  اصلاحات کو  لاگو کرنے کی وجہ سے  ترقی میں  آئی گراوٹ  رہی۔ لیکن  آمدنی میں  ریکوری  براہ راست  ہے۔ کیونکہ  ماہانہ  مجموعی  جی ایس ٹی کلیکشن  پچھلے  تین مہینوں سے  مسلسل  ایک لاکھ کروڑ  کے اعداد وشمار کو عبور کر رہا ہے۔ دسمبر 2020  ماہ کے لئے  ماہا نہ  جی ایس ٹی  آمدنی  دسمبر  2019  کے مقابلے  جی ایس ٹی کلیکشن میں  12  فیصد  اضافہ درج کرنے کے بعد  1.15  لاکھ  کروڑ  کی سطح پر پہنچا ہے۔ یہ جی ایس ٹی  لاگو ہونے کے بعد  جی ایس ٹی ٹیکس  کلیکشن  کا  سب سے زیادہ ماہانہ کلیکشن ہے۔

بجٹ جائزوں کے مقابلے میں  نومبر 2020  تک  ریونیو  کلیکشن کی تفصیل ذیل میں دی گئی ہے۔

علاوہ ازیں ماقبل بجٹ جائزے کے مطابق  غیر  قرضہ جات   سرمائے کی حصولیابیاں  بڑھ کر  2.3 لاکھ کروڑ روپے ہوگئیں، جو 21-2020  بجٹ جائزوں میں  جی ڈی پی کا  1 فیصد ہے۔ اخراجات کے محاذ کے لئے  بجٹ 21-2020  میں  کُل خرچ  30.42  لاکھ  کروڑ روپے  ہونے کا  اندازہ تھا۔ اس میں  26.3  لاکھ کروڑ  روپے کا  مالی  خرچ  اور  4.12  لاکھ کروڑ روپے کا  سرمایہ  خرچ  ، دونوں میں  جی ڈی پی  کی  0.15  فیصد  کے برابر ہے۔ جائزے کے مطابق  اپریل ، نومبر 2020  کے دوران  کُل  سرکاری  خرچ  بجٹ جائزوں کا  62.7  فیصد   رہا ہے۔ یہ اپریل سے  نومبر  2019  کے مقابلے  65.3  فیصد  ہے۔ اپریل  سے دسمبر  2020  کے لئے  سرمایہ  خرچ  3.17  لاکھ  کروڑ روپے  ہو گیا ہے۔  پچھلے سال کی  اسی مدت کے دوران  ہوئے  سرمایہ  خرچ  کے مقابلے  24 فیصد  زیادہ ہے۔ کُل  اخراجات میں بھی   سال در سال  11 فیصد کا  اضافہ  درج کیا گیا ۔

 اس کے علاوہ  20-2019  کے  مستقل اعداد وشمار کے مقابلے  21-2020  کے  بجٹ جائزوں میں  11.9  فیصد  کا  اضافہ ہونے  کا  تصور کیا گیا ہے۔ یہ 19-2018  کے مقابلے  20-2020  میں  مالی خرچ  کے 17 فیصد  اضافے  کے مقابلے  معمولی  اضافہ  درج ہوا ہے۔ اہم  سبسڈی میں  خرچ  21-2020  بجٹ جائزوں میں  جی ڈی پی کا   ایک فیصد  رہا۔ 20-2019  کے  غیر مستقل اعداد وشمار  کے مقابلے  2.1  فیصد  کا  معمولی اضافہ  دکھا تا ہے۔

اقتصادی جائزے میں بتایا گیا ہے کہ  کُل خرچ میں  سرمایہ پر مبنی  خرچ کا حصہ  اوسطا مستقل سطح پر ہے۔ اسے موٹے طور پر  20-2019  کے  غیر  مستقل  اعداد وشمار  کے مقابلے میں 21-2020  کے  بجٹ جائزے میں   ایک فیصد  پوائنٹ  بڑھنے  کا  اندازہ ہے۔ جائزے میں  یہ بھی بتایا گیا ہے کہ  17-2016  سے  20-2019  تک کی مدت کے دوران  1.35 لاکھ کروڑ روپے کے اضافہ  بجٹ  وسائل  (ای بی آر)  مہیا کئے گئے۔ 21-2020  بجٹ  جائزے میں  49500  کروڑ روپے  کے  ای بی آر  مہیا کرنے کا  اندازہ  ہے، جو  جی ڈی پی  کا  0.22  فیصد  ہے۔

ریاستوں کو منتقلی:

اقتصادی سروے میں یہ پایا گیا ہے کہ  سال 20-2019  کے دوران   مجموعی  ٹیکس  ریوینیو کلیکشن میں  گراوٹ کی وجہ سے  19-2018  کے مقابلے  20-2019  کے  ترمیم  شدہ اندازوں میں  مرکزی  ٹیکس  میں  ریاستوں کی  حصہ  داری میں  گراوٹ  آئی ۔ بجٹ  21-2020  میں  ریاستوں کو  کُل منتقلی ، جو 20-2019  ترمیم شدہ اندازوں میں جی ڈی پی کا  5.7  فیصد  تھا ،  21-2020  بجٹ  جائزے میں  جی ڈی پی کا 6  فیصد ہونے کا  اندازہ لگایا گیا ہے۔

 ریاستوں   کی مالی صورت حال :

 جائزے کے مطابق  کووڈ – 19  کی  وبا سے پہلے  اپنا  بجٹ  پیش  کرنے والی ریاستوں کے  لئے  اوسط  مجموعی  مالی خسارہ بجٹ  اندازہ  ، ان کی جی  ایس ڈی پی کا  2.4  فیصد ، جب کہ  لاک ڈاؤن کے بعد  پیش کرنے والی ریاستوں کا  اوسط  بجٹ  جی ایس  ڈی  پی  4.6  فیصد تھا۔ سرمایہ پر  مبنی  خرچ پر  ریاستوں کی  مالی پالیسی پر  دو بارہ توجہ  مرکوز  کرانے کے لئے  مرکزی سرکار نے  مالی سال 2021  کے دوران  سرمایہ پر مبنی  خرچ کے لئے  ریاستوں کو  خصوصی مدد  دینے کے لئے  ایک منصوبے کا  اعلان کیا۔ سال  20-2019  کے لئے  ریاست کی  اہلیت سے زیادہ  0.59  کروڑ روپے کے  اضافی  قرض لینے کے لئے ریاستوں کو  ایک مشت خصوصی اجازت دی گئی۔ ریاستوں کو  مجموعی ریاستی گھریلو پیداوار  (جی ایس ڈی پی)  کے   دو فیصد تک  کی  اضافی قرض حد  کی بھی  اجازت دی گئی، جس کی  ایک فیصد  رقم  ریاستی  سطح پر  اصلاحات  نافذ کرنے  کی  شرط کے ماتحت ہے۔

مرکزی سرکار کی مالی صورت حال:

اقتصادی جائزے میں  یہ پایا گیا ہے کہ عالمی وبا  کو دیکھتے ہوئے  عام سرکار (مرکز اور ریاستوں کو ملا کر) ریوینیو میں کمی  اور  زیادہ مالی ضروریات کو  دھیان میں رکھتے ہوئے  مالی کمی  درج ہونے کا  اندازہ  لگا رہی ہے۔ مالی  مضبوطی کی راہ میں  آئی یہ  گراوٹ  عارضی ہے، کیونکہ  مالی  عشائیہ  معیشت میں  ریکوری کے ساتھ  واپس  آجائیں گے۔ آنے والے سالوں میں  بھارت میں  مالی  ترقی  برقرار رکھنے کے لئے ایک  ایک مؤثر نظریہ اپنا یا گیا ہے۔ ترقی میں ریکوری ہونے سے  درمیانی مدت میں  بھاری ریوینیو کلیکشن میں  مدد ملے گی ، اس سے  پائیدار  مالی  راستہ  ہموار ہوگا۔

*************

( ش ح ۔  ج ق ۔  ق ر(

949U. No