জনুৱারী ২৭, ২০২১ ফাওবদা এভিয়ন ইনফ্লুএঞ্জা (বর্দ ফ্লু) য়ুম্বা য়োকপা য়েন ঙানুশিংদা শন্দোরকপগী ফীভম স্তেত ৯দা (কেরলা, হরিয়ানা, মধ্য প্রদেশ, মহারাস্ত্র, ছত্তিসগর, উত্তরাখন্দ, গুজরাত, উত্তর প্রদেশ অমসুং পঞ্জাব) অদুগা ক্বাক/লমদগী লাকপা উচেকশিং/লমলক্কী উচেকশিংদা শন্দোরকপগী ফীভম্না স্তেত ১২দা (মধ্য প্রদেশ, হরিয়ানা, মহারাস্ত্র, ছত্তিসগর, হিমাচল প্রদেশ, গুজরাত, উত্তর প্রদেশ, উত্তরাখন্দ, দিল্লী, রাজস্থান, জম্মু অমসুং কাস্মির, অমদি পঞ্জাব) থেংনরে‍।

মহারাস্ত্রগী ননদের, সোলাপুর, পুনে, অহমদনগর, বুল্ধনা, অকোলা, নাসিক অমসুং হিঙ্গোলি দিস্ত্রিক্ত; গুজরাতকী ভাবনগর দিস্ত্রিক্ত অমসুং ছত্তিসগরগী ধমতারি দিস্ত্রিক্ততগী য়ুমদা য়োকপা য়েন ঙানুশিংগী সেম্বলদা এভিয়ন ইনফ্লুএঞ্জা য়াওবা থেংনরে‍।

মখা তানা, উত্তরাখন্দদা (রুদ্রপ্রয়াগ ফোরেস্ত দিভিজন) ক্বাক্তা; জুনাগরদা (গুজরাত) তিতরদা অমদি বীদতা (মহারাস্ত্র) ৱাহোংদা এভিয়ন ইনফ্লুএঞ্জা থেংনরে‍।

মহারাস্ত্র, মধ্য প্রদেশ, ছত্তিসগর, পঞ্জাব, উত্তর প্রদেশ অমসুং গুজরাতকী শোকহল্লবা ইপিসেন্তরশিংদা কন্ত্রোল অমসুং কনতেনমেন্তগী থবক থৌরমশিং (শেংদোকপা অমদি মহিক মতাং হাত্তোকপা) চত্থরি‍। য়ুমদা য়োকপা য়েন ঙানু য়াওদনা অতৈ উচেক ৱায়াশিংদা পোজিতিব রিজল্ত থেংনবা মফমশিংদা সর্ভিলেন্সকী থবক মখা চত্থরি‍।

এক্সন প্লানগী মখাদা য়েন ঙানু, য়েরুম অমদি য়েন-ঙানু মচীঞ্জাকশিং হাত্তোকপা/মাংহনখ্রবা লৌমীশিংদা ৱাকোংশেল পীরি‍। ভারত লৈঙাক্কী দিপার্তমেন্ত ওফ এনিমেল হজবেন্দ্রী অমসুং দেরিইং (দি.এ.ঐচ.দি.)না মখোয়গী এল.ঐচ. অমসুং দি.সি. স্কিমগী মচাক ওইরিবা এ.এস.সি.এ.দি.গী মখাদা ৫০:৫০ শেয়রিংগী পরিংদা স্তেত/য়ু.তি.শিংদা ফন্দ পীরি‍। মহারাস্ত্র লৈঙাক্না য়েন ঙানু, য়েরুম অমসুং মচীঞ্জাক মাঙহনবা, শোকহল্লবা মফমদগী কিলোমিতর ১গী অকোয়বদা লৈরিবা মফমশিংদা পায়খৎপা লায়না লাকশিনবগী থবক থৌরমশিংগীদমক বর্দ ফ্লু দিজীজ কন্ত্রোল প্রোগ্রামগী মখাদা লুপা লাখ ১৩০গী কম্পেন্সেসন পেকেজ লাউথোকখ্রে

রিভাইজ এক্সন প্লান ফোর প্রিভেন্সন, কন্ত্রোল এন্দ কনতেনমেন্ত ওফ এভিয়ন ইনফ্লুএঞ্জা ২০২১দা য়ুম্ফম ওইদুনা স্তেত/য়ু.তি.শিংনা লৌখৎপা লাকশিনবগী থৌওংশিংগী নুমিৎ খুদিংগী পাউদম স্তেত পুম্নমক্না দিপার্তমেন্ত অসিদা পীখৎলক্লি‍। দিপার্তমেন্ত অসিনা এভিয়ন ইনফ্লুএঞ্জাগী মরমদা মীয়ামদা পাক শন্না খঙহন্নবা থৌরাং ত্বিতর, ফেসবুক হেন্দলনচিংবা সোসিএল মিদিয়া প্লেতফোর্মশিং য়াওনা প্লেতফোর্ম কয়াগী খুত্থাঙদা লেপ্পা লৈতনা পায়খৎলি‍।

***