২০২১গী জনুৱারি ২৬দগী ৩১ ফাওবা ভর্চুএল প্লেতফোর্ম www.bharatparv2021.com দা চহিগী খুদিংগী পাংথোকপা থৌরম ভারত পর্ব পাংথোক্লগনি। তোঙান-তোঙানবা রাজ্যশিং অমসুং য়ু.তিশিংগী থিম পেভেল্লিয়নশিংদা মখোয়গী লমকোয়ফমশিং, মথেল-লুকোইশিং অমসুং অতোপ্পা কয়া উৎকনি। চহি অসিগী ওইনা জনুৱারি ২৬, ২০২১দা লোক সভাগী স্পিকর শ্রী ওম বিরলানা তুরিজম মিনিস্তর শ্রী প্রাহলাদ সিংহ পতেলগা লোয়ন্না ভারত পর্ব হৌদোক্কনি।

গনতন্ত্র দিৱস থৌরমদা জনুৱারি ২৬দগী জনুৱারি ৩১ ফাওবা লাল কিলা মমাঙদা ২০১৬দগী হৌনা ভারত সরকারগী তুরিজম মিনিস্ত্রিনা চহি খুদিংগী ভারত পর্ব পাংথোক্লি। ইনাকখুল্লবা লৈবাক অসিগী তোঙান-তোঙানবা কচলরশিং উত্তুনা অচৌবা থৌরম অসিনা মীয়ামদা মরৈবাক নুংশিবা পোকহল্লি। ভারত পর্বনা ভারতকী ফজবা মগুনশিং উৎথোক্লি।

তোঙান-তোঙানবা কেন্দ্রগী মিনিস্ত্রিশিং অমসুং অতোপ্পা লুপশিং হায়বদি কলচর মিনিস্ত্রি, অয়ুস মিনিস্ত্রি, কনঞ্জুমর এফেয়ার্স মিনিস্ত্রি, রেলৱেজ মিনিস্ত্রি, সিবিল এভিএসন মিনিস্ত্রি, দিবলপমেন্ত কম্মিসন্নর হেন্দলুমস, দিবলপমেন্ত কম্মিসন্নর হেন্দিক্রাফস, ললিত কলা একাদেমী, আর্কিওলোজিকেল সর্ভে ওফ ইন্দিয়া, নেসনেল মিউজম, খাদি অমসুং ভিলেজ ইন্দস্ত্রি কম্মিসন্না ভারতকী মফম কয়াদগী হেন্দলুম অমসুং ইয়োংগী পোৎথোকশিং, ঈশৈ, জগোয়, অয়েকপা লাইশিং, সাহিত্যগী মচাকশিং অমসুং অতোপ্পা কয়া উৎকনি।

ভর্চুএল প্লেতফোর্ম অসিদা গনতন্ত্র দিৱস পেরেতকী ফজবা শক্তমশিং অমসুং আর্মদ ফোর্সেস মিউজিক বেন্দশিংগী রেকোর্দ তৌরবা থৌরমশিং ফংগনি। ভিদিওশিং উত্তুনা ভারতকী তোঙান-তোঙানবা মফমশিংগী মথেল-লুকোইশিং তোঙান-তোঙানবা সেন্ত্রেল ইন্সতিতুৎ ওফ হোতেল মেনেজমেন্ত, ইন্দিয়ান কলিনারি ইন্সতিতুৎনা উৎকনি।

ভর্চুএল ভারত পর্ব ২০২১গী তোপ-তোপ্পা মশক অমা ওইনা ভিদিওশিং, ফিল্মশিং, মমিশিং, ব্রোচুরশিং অমসুং তোঙান-তোঙানবা লুপশিংগী ই-পাউশিং উৎকনি। মালেম শীনবা থুংনা লৈরিবা মীয়াম্না মখোয়গী মোবাইল ফোনশিং, লেপতোপশিং, কম্পুতরশিং অমসুং অতোপ্পা খুৎলায়শিংনা www.bharatparv2021.com দা চঙলগা মখোয়গী খুদোংচাবা মতমদা ভারত পর্ব য়েংবা য়াগনি অমসুং ভারতকী অশেংবা শক্তম উবা ফংগনি।

******