শেলথুম মন্ত্রালয়গী দিপার্তমেন্ত ওফ এক্সপেন্দিচরনা জি.এস.তি. কম্পেন্সেসন ৱাৎহৌবশিং মেনখৎনবা ঙসি স্তেতশিংদা লুপা করোর ৬,০০০গী ১৩শুবা চয়োলগী ইন্সতোলমেন্ত থাদোকখ্রে‍। মসিগী মনুংদা লুপা করোর ৫,৪১৬.৬০না স্তেত ২৩দা অদুগা লুপা করোর ৪৮৩.৪০না জি.এস.তি. কাউন্সিলগী মেমবর ওইবা লেজিসলেতিব এসেমব্লী লৈজবা য়ুনিয়ন তেরিতরী (য়ু.তি.) ৩দা (দিল্লী, জম্মু অমসুং কাস্মির অমসুং পুদুচেরী) থাদোকখিবনি‍। লেমহৌরিবা স্তেত মঙা, অরুনাচল প্রদেশ, মনিপুর, মিজোরাম, নগালেন্দ অমসুং সিক্কিমগীদি জি.এস.তি. চৎনহনবগা মরী লৈনবা রিভিন্যুগী অৱাৎপা লৈত্রে‍।

হৌজিক ফাওবদা স্তেত অমসুং লেজিসলেতিব এসেমব্লী লৈজবা য়ু.তি.শিংদা জি.এস.তি. কম্পেন্সেসনগী ৱাৎহৌরিবা অপুনবা শেন্ফমগী চাদা ৭০দি থাদোকখ্রে‍। মসিগী মনুংদা লুপা করোর ৭১,০৯৯.৫৬না স্তেতশিংদা অদুগা লুপা করোর ৬,৯০০.৪৪না লেজিসলেতিব এসেমব্লী লৈজবা য়ু.তি. ৩দা থাদোকখিবনি‍।

জি.এস.তি. চৎনহনবগা মরী লৈননা চাউরাক্না লুপা করোর লাখ ১.১০গী রিভিন্যু মেনখৎনবা ভারত লৈঙাক্না ওক্তোবর ২০২০দা অখন্নবা বোরোৱিং ৱিন্দো অমা শেমখি‍। ৱিন্দো অসিগী খুত্থাঙদা স্তেত অমসুং য়ু.তি.শিংগীদমক ভারত লৈঙাক্না শেল পুবিবনি‍। ওক্তোবর ২৩, ২০২০দগী হৌরগা হৌজিক ফাওবদা শেল পুবগী তাঙ্কক ১৩ মপুং ফাখ্রে‍।

চয়োল অসিদা থাদোক্লিবা শেন্ফম অসি স্তেতশিংদা পীবা অসিগুম্বা ফন্দশিংগী ১৩শুবা ইন্সতোলমেন্তনি‍। শেন্ফম অসি চয়োল অসিদা শেন্দোয় চাদা ৫.৩০৮৩গী চাংদা পুবনি‍। হৌজিক ফাওবদা চাউরাকপা শেন্দোয়গী চাং চাদা ৪.৭৪৯১গী চাংদা অখন্নবা বোরোৱিং ৱিন্দো অসিগী খুত্থাঙদা কেন্দ্র লৈঙাক্না লুপা করোর ৭৮,০০০গী শেন্ফম পুখ্রে‍।

জি.এস.তি. চৎনহনবগা মরী লৈননা রিভিন্যু ৱাৎহৌরিবশিং অসি মেনখৎননবা অখন্নবা বোরোৱিং ৱিন্দো অসিগী খুত্থাঙদা অহেনবা ফন্দ পীবগী মথক্তা, জি.এস.তি. কম্পেন্সেসন ৱাৎহৌরিবশিং মেনখৎননবা ওপসন-১ খনবা স্তেতশিংদা মখোয়গী অহেনবা শেলথুমগী মচাক খোমগৎচবা য়াননবা স্তেতশিংগী গ্রোস স্তেত দোমেস্তিক প্রদক্ত (জি.এস.দি.পি.)গী চাদা ০.৫০গা মান্নবা অহেনবা শেন্ফম পুনবগী অয়াবসু ভারত লৈঙাক্না পীখি‍। স্তেত পুম্নমক্না ওপসন-১ খল্লকখি‍। থৌরাং অসিগী মখাদা স্তেত ২৮দা লুপা করোর ১,০৬,৮৩০ (জি.এস.দি.পি.গী চাদা ০.৫০)গী অপুনবা অহেনবা শেন্ফম পুনবগী অয়াবা পীখ্রে‍।

হৌজিক ফাওবদা অহেনবা শেন্ফম পুবগী অয়াবা অমসুং অখন্নবা ৱিন্দো অসিগী খুত্থাঙদা স্তেত অমসুং য়ুনিয়ন তেরিতরীশিংদা থাদোকখ্রবা শেন্ফমশিং মসিদা হাপ্লি‍।

১৮.০১.২০২১ ফাওবদা স্তেত স্তেতকী ওইনা জি.এস.দি.পি.গী চাদা ০.৫০গী অহেনবা শেন্ফম পুবগী অয়াবা পীখ্রবা অমসুং অখন্নবা ৱিন্দোগী খুত্থাঙদা স্তেত অমসুং য়ু.তি.শিংদা পীখ্রবা শেন্ফম

(লুপা করোরগী খুজিংদা)

* হায়রিবা স্তেতশিং অসিগী জি.এস.তি. কম্পেন্সেসনগী অহোবা লৈতে‍।

****