ওপরেসনগীদমক্তা অপুনবা ওইনা শেম-শাদুনা লৈবগী থৌওংবু মপাঙ্গল হেনগৎনবগীদমক্তা, ইন্দিয়ন আর্ম্দ ফোর্সনা বে ওফ বেঙ্গোলগী অন্দমান সমুদ্রদা অচৌবা অমসুং অপুনবা মিলিতরী ত্রেনিং এক্সর্সাইস, “কভচ”কা লোয়ননা “এম্ফেক্স-২১” পাংথোকখ্রে। মসিগী এক্সর্সাইস অসি অন্দমান অমসুং নিকোবার কম্মান্দ (এ.এন.সি.)গী লুচিং মখাদা ইস্তর্ন নেভেল কম্মান্দ (ই.এস.সি.) অমসুং আর্মী সাউথর্ন কম্মান্দ (এস.সি.)গা লোয়ননা আর্মী, নেভী, এয়র ফোর্স অমসুং কোস্ত-গার্দকী এসেৎশিং য়াওদুনা পাংথোকপনি। এক্সর্সাইস অসিদা এ.এন.সি., আর্মীগী সাউথর্ন কম্মান্দগী এম্ফিবিয়স ব্রিগেদকী ইলিমেন্তশিংগা লোয়ননা কোর্ভেৎ, সব-মেরিন অমসুং নেভীগী ইস্তর্ন ফ্লীৎকী এম্ফিবিয়স লেন্দিং শিপ অমসুং মেরিন কম্মান্দোশিংনা শরুক য়াদুনা অমসুং খুৎলায়শিং অসি শিজিন্নদুনা পাংথোকপনি। ইন্দিয়ন এয়র ফোর্স্কী জাগুৱার মেরিতাইম স্ত্রাইক অমসুং ত্রান্সপোর্ত এয়র্ক্রাফ অমদি কোস্ত গার্দকী এসেৎশিংসু শরুক য়াখি।

এক্সর্সাইস অসি জাগ্বার এয়র্ক্রাফনা মেরিতাইম স্ত্রাইক তৌদুনা, পেরা কম্মান্দো অমসুং মেরিন কম্মান্দোশিংনা ইন্দিয়ন ওসীন রীজন (আই.ও.আর.)গী অখন্নবা মফমগী মনুংদা এয়র দোমিনেন্স অমসুং মেরিতাইম স্ত্রাইক্কী মতিক খঙদোকপগী পান্দমগা লোয়ননা কার নিকোবারদা কোম্বেৎ ফ্রী ফোলগী থৌওং পাংথোক্তুনা হৌদোকখি। এম্ফিবিয়স লেন্দিং ওপরেসন অসিগী মাংওইননা এজেন্সীশিং অসিনা নীংথিনা তান্নরবা তুংদা আর্মী, নেভী অমসুং এয়র ফোর্সকী লান্মীশিংবু ঈশিং অমসুং নোংথক্কী খুত্থাংদা থাদোকখি।

লানফম্বু মওং পীনবগীদমক্তা। মারকোস অমসুং মখোয়গী কোম্বেৎ লোদ অমসুং এয়র দ্রোপ্পেবল হল ইনফ্লেতেবল বোৎ (এ.দি.আর.)বু অন্দমান সমুদ্রদা থাদখি, অমসুং মসিনা মেরিন কম্মান্দোশিংবু খোঙজেল থুনা অমসুং লোন্না পান্দমশিংদা য়ৌবা ঙমহনখি। এম.আই.-১৭ ভি.৫ আর্ম্দ হেলিকোপ্তরশিংনা কংফাল অমসুং সমুদ্রদা লৈবা য়েক্নবগী এসেৎশিংগী মাইয়োক্তা খুৎ চুম্না থোম্বগী থৌওং চত্থখি। এক্সর্সাইস অসিনা আই.এন.এস. জালাশ্বা, আইরাভৎ, গুলদার অমসুং এল.সি.য়ু. এম.কে.-৪ ক্লাসকী জহাজকা লোয়ননা তেঙ্ক, লান্মী পুনবা গারি অমসুং অতোপ্পা অরুম্বা খুৎলায়শিংগা লোয়ননা লান্মী ৬০০না লোয়নবা সাউদর্ন কম্মান্দগী এম্ফিবিয়স ব্রিগেদনা সমুদ্র মপান্দা লাকপগী থৌওংদা খ্বাইদগী য়ক লাউবা থাক য়ৌখি। লোজিস্তিক তীম্না অপুনবা লোজিস্তিক পথাপ অমসুং মখোয়না অহোংবা নাইবা লানগী ফিভমশিংদা থেংনবা ঙম্বগী থৌওংবু থবক ওইনা উৎখি। এক্সর্সাইস চত্থখিবা মফম অসি ভারতকী স্ত্রেতজিক ওইবা খ্বাইদগী রুবা মফম্নি।

এক্সর্সাইস অসিনা নোংথক, স্পেস, কংফাল অমসুং সমুদ্রদা য়ুম্ফম ওইবা এসেৎশিংনা অরোনবা পাউ খোমজিনবা, নৈনবা অমসুং হৌজিক-হৌজিক্কী মতমগা মান্নরপ তৌবা অথুবা ৱারেপ লৌবা ঙম্নবা লানগী মনুং-মপান ফাওনা উবা পান্দম ফংবগী তৌবা ঙম্বগী মতিকসু থবক্না উৎখি। অপুনবা ফোর্স অসিনা বে ওফ বেঙ্গোলদা মলতি-দোমেন, হাই-ইন্তেন্সিতী ওফেন্সিব অমসুং দিফেন্সিব ওইবা থৌওং কয়া পাংথোকখি। সেবা অহুমগী এক্সর্সাইস অসিনা অপুনবা ওইনা লান্থেংনবা ঙম্বগী মতিক অমসুং থবক তৌমিন্নবদা মাই-পাকপা ফংবগী স্তেন্দর্দ ওপরেতিং প্রোসিজরশিং ইনবগী থৌওং হেনগৎহনখি।

অন্দমান অমসুং নিকোবার কম্মমান্দগী কম্মান্দর ইন চীফনা এক্সর্সাইস অসিবু য়েংশিন্নবগীদমক্তা ইথৎশিং অসিগী সাউদর্ন গ্রুপকী মফমশিংদা লাকখি অমসুং অৱাংবা থাক্তা ওপরেসন তৌবগী শেম-শাদুনা লৈবা অসিদা রেঙ্ক খুদিংমক্কী লান্মীশিংবু থাগৎখি।

*****