লৈবাক শিনবা থুংনা পাঙথোকপা কোবিদ-১৯ বেক্সিনেসন প্রোগ্রামগী নিপান্নি শুবা নুমিৎ অসিসু মাই পাক্না পাঙথোকখ্রে।

কোবিদ-১৯গী মায়োক্তা তিকা থাখ্রবা হেল্থকিয়র ৱার্করশিংগী অপুনবা মশিং অসি ঙসি লাখ ১৫ হেনখ্রে। প্রোবিজনেল রিপোর্তকী মতুং ইন্না সেসন ২৭,৭৭৬কী খুত্থাংদা অপুনবা বেনিফিসরী ১৫,৩৭,১৯০ (ঙসি নুমিদাং পুং ৬ ফাওবদা) তিকা থাখ্রে। ঙসি নুমিদাং পুং ৬ ফাওবদা সেসন ৩,৩৬৮ পাঙথোকখ্রে।

লৈবাক শিনবা থুংনা কোবিদ১৯ বেক্সিনেসনগী ঙসি নিপান্নি শুবা নুমিৎ অসিগী নুমিদাং পুং ৬ ফাওবদা বেনিফিসরী ১,৪৬,৫৯৮তিকা থাখ্রে। অরোইবা রিপোর্ত ঙসি নুমিদাং অথেংবদা মপুং ফারগনি।

বেক্সিনেসন দ্রাইভকী নিপান্নি শুবা নুমিৎকী নুমিং পুং ৬ ফাওবদা এ.ই.এফ.আই. ১২৩ রিপোর্ত তৌরকখ্রে।  

হৌজিক ফাওবদা মীওই ১১ হোস্পিতালদা পুখৎখ্রে। বেক্সিনেসন তৌবদা হোস্পিতালদা পুখৎখিবা মীওই ০.০০০৭% রেকোর্দ তৌখ্রে। হৌখিবা পুং ২৪দা জনুৱারী ২০, ২০২১দা তিকা থাখিবা মীওই অমা অন্ধ্র প্রদেশকী গুনতুরগী সরকারগী হোস্পিতালদা পুখৎলকখ্রে।

হৌজিক ফাওবদা পুন্না শীখিবা ৬ রিপোর্ত তৌরকখ্রে। হৌখিবা পুং ২৪দা হরিয়ানাগী আর/ও গুরুগ্রামদা লৈবা চহি ৫৬শুরবা মীওই অমা শীখি।  পোস্ত-মোর্তেম পাঙথোকপদা মানা শীখিবগী মরম অসি কার্দিয়ো-পলমোনী দিজিজনি হায়বা খঙবা ঙমখ্রে অমসুং মসি বেক্সিনেসনগা মরী লৈনদে। শীখিবশিং অসিগী মনুংদা অমত্তা কোবিদ ১৯ বেক্সিনেসনগা মরী লৈনদে।

এম.ও.ঐচ.এফ.দবল্যু.না নুমিৎ ২নিগী বেক্সিন রোল-আউৎকী হিরম পুম্নমক য়াওবা ভারতকী বেক্সিন অসি শীজিন্নদুনা মপাল লৈবাক ১৩গী (বাহরেন, বাঙ্গলদেশ ভুতান, ব্রাজিল, মালদীবস, মোরিসিয়স, মোঙ্গোলিয়া, মোরোকো, ম্যান্মার, নেপাল, ওমান, সেচলস অমসুং স্রী লঙ্কা) ইম্ম্যুনাইজেসন প্রোগ্রাম মেনেজরশিংগী ত্রেনিং অমা পাঙথোকখ্রে।

হৌজিক কোভাক্সিন শীজিন্নরিবা রাজ্য ১২ অসিগী মথক্তা অনৌবা রাজ্য তরেৎনা মথংগী চয়োলদগী কোভাক্সিন কাপ্পা হৌরগনি – ছত্তিসগর, গুজরাত, ঝার্খন্দ, কেরেলা, মধ্য প্রদেশ, পঞ্জাব অমসুং ৱেস্ত বেঙ্গল। রাজ্য ৭কী প্রোগ্রাম মেনেজরশিংগী ওইবা ইমপ্লিমেন্তেসন তৌবদা ঙাক্কদবা প্রোতোকলশিংগী হিরম পুম্নমক কোনশিন্দুনা ওরিয়েন্তেসন অমা ঙসি আই.সি.এম.আর. অমসুং এম.ও.ঐচ.এফ.দবল্যু.না পাঙথোকখ্রে।

****