కోవిడ్-19 నివారణకు దేశ వ్యాపితంగా ప్రారంభమైన టీకాల కార్యక్రమం ఎనిమిదవ రోజున కూడా విజయవంతంగా కొనసాగింది. కోవిడ్ 19 నివారణకు టీకాలు తీసుకున్న ఆరోగ్య కార్యకర్తల సంఖ్య ఈ రోజు 15 లక్షల సంఖ్యను దాటింది. ఈ రోజు సాయంకాలం ఆరు గంటల సమయానికి దేశవ్యాపితంగా 15,37,190 లబ్ధిదారులకు టీకాలను వేయడం జరిగింది. 27,776 సెషన్ల ద్వారా ఈ కార్యక్రమాన్ని నిర్వహించినట్టు సమాచారం. ఈ రోజు ఒక్కరోజే 3,368 సెషన్లను నిర్వహించారు. 

 టీకాల కార్యక్రమంలో భాగంగా ఈ రోజు సాయంకాలం ఆరు గంటల సమయానికి 1,46,598 మంది టీకాలను వేయించుకున్నారు. ఈ రోజు రాత్రికి తుది నివేదికలు వస్తాయి. 

ఎనిమిదవ రోజు సాయంకాలం ఆరు గంటల వరకు 123 ఏఇఎఫ్ఐ లు నివేదికలు అందాయి. 

ఇంతవరకు 11 మంది ఆసుపత్రులలో చేరారు. టీకాలు తీసుకున్న వారిలో కేవలం 0.007% మంది మాత్రమే ఆసుపత్రిలో చేరారు. గత 24 గంటలలో ఆంధ్రప్రదేశ్ లోని గుంటూరులో మాత్రమే ఒకేఒక్క వ్యక్తి ఆసుపత్రిలో చేరారు. ఈ వ్యక్తి జనవరి 20వ తేదీన టీకా తీసుకున్నారు. 

టీకాలు తీసుకున్న తరువాత ఆరుమంది మరణించారు. గత 24 గంటలలో హర్యానా లోని గురుగ్రంలో నివసిస్తున్న 56 సంవత్సరాల వ్యక్తి మరణించారు.  అయితే, ఈ మృతికి టీకాకు సంబంధం లేదని ఆ వ్యక్తి గుండె సంబంధ సమస్యతో ప్రాణాలు కోల్పోయారని పోస్ట్ మార్టం నివేదిక తెలిపింది. అన్ని మరణాలకు కోవిడ్ 19 టీకాతో ముడిపెట్టడం జరుగుతోంది. 

టీకా కార్యక్రమాన్ని ప్రారంభించక ముందు దేశంలో ఆరోగ్య కుటుంబ సంక్షేమశాఖ నిర్వహించిన కార్యక్రమాన్ని 13 విదేశాలు ( బహరైన్,బంగ్లాదేశ్, భూటాన్,బ్రెజిల్,మాల్దీవులు,మారిషస్,మంగోలియా,మొరాకో,మయాన్మార్,నేపాల్,ఒమాన్,సీషెల్స్ మరియు శ్రీలంక) అమలు చేస్తున్నాయి. 

12 రాష్ట్రాలకు అదనంగా వచ్చేవారం నుంచి ఛత్తీస్ ఘర్,గుజరాత్,ఝార్ఖండ్,కేరళ,మధ్యప్రదేశ్,పంజాబ్, పశ్చిమబెంగాల్ రాష్ట్రాలు  కావాక్సీన్ ఇవ్వనున్నాయి. ఈ ఏడు రాష్ట్రాల అధికారులకు ఈ రోజు కార్యక్రమంపై ఐసిఎంఆర్, ఆరోగ్యకుటుంబ సంక్షేమశాఖలు అవగాహన కల్పించడం జరిగింది. 

***