পব্লিক ত্রান্সপোর্ত অসি ময়াম্না পাম্না শিজিন্নহনবা, সেফ ওইহনবা, শেল য়াম্না চংহন্দবা, কোস্ত ইফেক্তিব ওইবা অমসুং পোলুসন থোকহন্দনবগী তঙাই ফদবা অদু রোদ ত্রান্সপোর্ত অমসুং হাইৱেজকী কেন্দ্রগী মন্ত্রী শ্রী নিতিন গদকরিনা ফোংদোকখ্রে৷ ওপরেসন অসিদা তি.সি.এস. চৎননবগী তঙাই ফদবা অমসুং মসিগী ওপরেসন অসি মপুং ফানা দিজিতাইজ তৌনবা অমসুং হেন্না ফহন্নবগীদমক নেস্নেল কম্মন মোবিলিতী কার্দ শিজিন্নবা তঙাই ফদে হায়না মন্ত্রী অসিনা পনখ্রে৷

ঙরাং পাংথোকখিবা ত্রান্সপোর্ত দিভেলপমেন্ত কাউন্সিলগী ৪০শুবা মীফম অদুদা ৱা ঙাংলদুনা রাজ্যশিংনা বসশিং ওপরেসন তৌবা মতমদা অতোপ্পা মখলগী থাউশিং হেন্না শিজিন্নগদবনি অমসুং সি.এন.জি., এল.এন.জি., ইলেক্ত্রিক গারিশিং অমসুং ইথানোল ব্লেন্দেদ ফ্যুলশিং শিজিন্নবগী তঙাই ফদবা অদু শ্রী গদকরিনা ফোংদোকখ্রে৷ মীফম অসিদা অসাম, এ.পি., বিহার, দিল্লী, হরিয়ানা, মহারাস্ত্র, রাজস্থান, গোৱা, এম.পি., অমসুং মিজোরাম্নচিংবা তোঙান তোঙানবা রাজ্যশিং অসিগী ত্রান্সপোর্ত সেক্রেতরীশিং অমসুং ত্রান্সপোর্ত কম্মিশনারশিংগা লোইননা ত্রান্সপোর্ত মন্ত্রীশিংনা শরুক য়াখি৷

সি.এন.জি., এল.এন.জি., অমসুং ইথানোলগুম্বা অতোপ্পা থাউ মখলশিং অসি শিজিন্নবনা গারিনা থোকহনবা পোলুসন হন্থহনবতা নত্তনা মমল নাইদ্রবা ফোরেক্স(ফোরেন্দ এক্সচেঞ্জ) অসি কনবা ঙন্লগনি হায়না আর.তি.ঐচ.(রিতাইয়র্দ)কী রাজ্যগী কেন্দ্রগী মন্ত্রী দা. ভি.কে. সিংহনা ফোংদোকখ্রে৷ মীয়ামশিংনা এক্সিদেন্ত ভিক্তিমশিং অসিদা মতেং পাংবা য়ানবা গুদ সমারিতন গাইদলাইনশিং অসিদা লৈরিবা রুলশিং অসি রাজ্যশিং অসিনা অথুবা মতমদা চৎনবা মহাক্না পাম্মী৷

শ্রী নিতিন গদকরিগী দাইনামিক ওইরবা অমসুং দিসিজিব ওইবা মওং অমদা লুচিংলিবা অসি রাজ্যশিং অসিগী ত্রান্সপোর্ত মন্ত্রীশিং অসিনা থাগৎখ্রে অমসুং লম্বীশিং শেমগৎ শাগৎপদা, রোদ সেফতীদা অমসুং রোদ ত্রান্সপোর্ত সেক্তর শেমগৎ শাগৎপদা মন্ত্রালয় অসিনা লৌখৎখিবা ইনিসিয়েতিবশিং অদু থাগৎখ্রে৷ ২০১৯গী মোতোর ভেহিকল(এমেন্দমেন্ত) এক্ত অসি পুথোরকপা অমসুং অথুবা মতমদা চৎনখিবা অসিগীদমক মন্ত্রী অসিবু ময়াম্না থাগৎখ্রে৷

                                                                                                 *****